NÚMEROS 23:1 - Biblia Guarani Tumpa Iñee

¹ Balaam jei Balac pe: —Emopüa cheve kuae pe chiu mɨmba oyeyuka oyeapɨ jese vae, jare eipɨɨ chiu toro taɨrusu vae jare chiu vecha kuimbae.

NÚMEROS 23:1 Iomraidhean Croise

2 REYES 18:22

Jare pe pere cheve yave: “Ore romboete oreYa Tumpa.” ¿Mbaetɨ pa Ezequías omboai mbaemboete renda reta ɨvɨtɨ rupigua mɨmba oyeyuka oyeapɨ jese vae, jare mbaetɨ pa oyókuai Judá pegua reta jare Jerusalén pegua reta ombaemboete vaerä Jerusalén pegua mɨmba oyeyuka oyeapɨ jese vae peño?

1 CRÓNICAS 15:26

Jare Tumpa omborɨ levita reta güɨraja Tumpa ikäjou ramo, oyuka reta Tumpa pe chiu toro taɨrusu vae jare chiu vecha kuimbae.

2 CRÓNICAS 29:21

Jare güɨraja reta chiu toro taɨrusu vae, chiu vecha kuimbae, chiu vecha kuimbae taɨrusu vae, jare chiu kavara kuimbae Tumpa iñɨ̈ro vaerä mbaeyoa reta re: Mburuvicha guasu reta pe, o mbaemboetea pe oyeokuai vae reta pe jare Judá pegua reta pe. Javoi mburuvicha guasu oyókuai sacerdote reta Aarón iñemuña reta omee vaerä yandeYa pe mɨmba oyeyukagüe opaetei oyeapɨ vae mɨmba oyeapɨ jese vae re.

JOB 42:8

Añave peipɨɨ chiu toro raɨ jare chiu vecha kuimbae, jare pekua cherembiokuai Job pɨri, jare perökuavee mbota mɨmba oyeyukagüe opa etei oyeapɨ vae peyé, jare cherembiokuai Job oyerureta peré; echa añetete jae iyerure reño ayeapɨsakata, agüɨye vaerä ayapo ikavimbae peve, echa mbaetɨ pemiari kavi jupi rupi cheré, cherembiokuai Job rami.”

ÉXODO 20:24

Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

EZEQUIEL 45:23

jare oñemeeta mɨmba oyeyuka opaetei oyeapɨ vae yandeYa pe ara ñavo, chiu ara arete vae pe, ara ñavo oñemeeta chiu toro taɨrusu vae jare chiu vecha kuimbae jete kavi vae. Mbaeyoa re oñemeeta ara ñavo metei kavara kuimbae.

NÚMEROS 22:41

Pɨareve pe Balac güɨroyeupi Balaam ɨvɨtɨ Bamot-baal re, jare joko güi oecha reta Israel iñemuña reta jeyupa jembeɨ.

NÚMEROS 23:2

Balac oyapo Balaam oiporu rami; jare Balac jare Balaam oyuka omee metei toro taɨrusu vae jare metei vecha kuimbae mɨmba oyeyuka oyeapɨ jese vae ñavo re.

NÚMEROS 23:29

Ërei Balaam jei Balac pe: —Emopüa cheve kuae pe chiu mɨmba oyeyuka oyeapɨ jese vae, jare eipɨɨ chiu toro taɨrusu vae jare chiu vecha kuimbae.

NÚMEROS 23:30

Jare Balac oyapo Balaam jei chupe rami; jare Balaam omee metei toro taɨrusu vae jare metei vecha kuimbae mɨmba oyeyuka oyeapɨ jese vae ñavo re.

NÚMEROS 29:32

Ara chiúa pe pemee chiu toro taɨrusu vae, mókoi vecha kuimbae, jare catorce vecha kuimbae taɨrusu vae, metei año vae, jete kavi vae.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

Judas 1:11

¡Paravete jae reta! Echa omomoe reta Caín jeko. Jaeramiño vi ikorepoti pota güi opa opia reta Balaam rami; jaeramiño vi opa omano reta ipɨa pochɨ jeko pegua Coré rami.

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.