NÚMEROS 22:6 - Biblia Guarani Tumpa Iñee

⁶ Jáeramo, romoñera reyu vaerä reyepopeyu kuae tëta re cheve, echa jëia yae ko chegüi; güɨramoi chepuereta amoamɨri jare amoë amombo kuae ɨvɨ güi, echa aikuaa katu ko nde reyerure mborerekua re jese vae ikavi, ërei reyepopeyu jese vae re oa yepopeyu.”

NÚMEROS 22:6 Iomraidhean Croise

GÉNESIS 12:3

Cheporerekuata iporerekua nderé vae reta re, ërei ayepopeyuta oyepopeyu nderé vae reta re; nderupi opaete ɨvɨ pegua reta oyekouta.”

GÉNESIS 27:29

Toyeokuai ndeve opaete vae, Tëtaguasu reta toyetavatɨka nderóvai; eporookuai nerëtara reta re. Ndesɨ imembɨ reta toyetavatɨka nderóvai. Yepopeyu toï, oyepopeyu nderé vae re, jare mborerekua toï jei ñee kavi ndekotɨ vae reta re.”

1 REYES 22:13

Jókuae ojo güeru Micaías vae, jei chupe: —Opaete ñeemombeúa omombeu ñee kavi mburuvicha guasu pe. Jökorai che romoñera remombeu vaerä vi ikavi jae reta rami.

1 REYES 22:6

Mburuvicha guasu Israel pegua omboatɨ opaete ñeemombeúa reta, oupitɨ cuatrociento rupi, jare oparandu chupe reta: —¿Jaekavi pa aporepeña vaerä tëta Ramot re ɨvɨ Galaad pe ani mbaetɨ pa? Jayave jae reta jei: —Eporepeña jese, echa yandeYa omeeta ndepo pe.

1 REYES 22:8

Mburuvicha guasu Israel pegua jei Josafat pe: —Oime metei, jupi yandepuere yaparandu yandeYa pe, jae ko Micaías, Imla taɨ, ërei che amotareɨ yae ko, echa mbaetɨi omombeu kavi ñee ikavigüe cheve, jaeño ikavimbae. Ërei Josafat jei chupe: —Agüɨye jökorai ere mburuvicha guasu.

NEHEMÍAS 13:2

Echa jae reta ñogüɨnoe vaerägüe oövaiti Israel iñemuña reta tembíu ndive jare ɨ ndive, omboepɨ reta Balaam pe, jae oyepopeyu vaerä Israel iñemuña reta kotɨ; ërei ñaneTumpa oipoepɨ yepopeyu, mborerekua pe.

SALMOS 109:28

Yepe tëi jae reta oyepopeyu cheré, ërei nde ndeporerekua cheré; yepe tëi jae reta oñemopüa chekotɨ, ërei toñemomaraiuka reta, jare che nderembiokuai tayerovia.

PROVERBIOS 26:2

Güɨra oguata vae ani tapérai oveve vae rami ko; yepopeyu mbaetɨ ouiño tekombae reve.

EZEQUIEL 13:6

Oecha reta añetembae, jare mbaekuaa rupi mbae maratuta vae re omoërakua vae reta ramiño ko. Jei reta: ‘Körai jei yandeYa.’ Ërei che mbaetɨ ko ayókuai reta. ¡Jare güɨrovia tëi iñee reta oyembopo vaerä!

MIQUEAS 6:5

Chembae vae reta, pemaendúa añave, Balac mburuvicha guasu Moab pegua iyemongeta reta re, jare Balaam, Beor taɨ omboyevɨ ñee chupe vae re; pemaendúa tëta Sitim güi Gilgal kotɨ kërai peasa vae re, peikuaa vaerä yandeYa kërai oyapo jupi vae.”

NÚMEROS 22:12

Jayave Tumpa jei Balaam pe: —Agüɨye ekua jae reta ndive, jare agüɨye ave eyepopeyu kuae tëta re, echa che cheporerekua jese vae ko.

NÚMEROS 22:17

echa romboeteta jeta, jare ayapota opaete rere chevegüe; eyu añave voi, eyepopeyu cheve kuae tëta re.”

NÚMEROS 23:13

Ërei Balac jei: —Romoñera yaja vaerä che ndive, ïkotɨa güi remae vaerä jeyupa re; jembeɨño reechata, mbaetɨta reecha opaete; jare joko güi eyepopeyu jese reta cheve.

NÚMEROS 23:27

Jayave Balac jei chupe: —Romoñera yaja cherupíe, torogüɨraja ïkotɨa; güɨramoi joko güi jae kaviñota Tumpa pe reyepopeyu vaerä jese cheve.

NÚMEROS 24:9

Jare itindɨ retata oyapakua vaerä yaguapope kuimbae jare yaguapope kuña rami. ¿Kia ra omomba retata? Toyekou, iñee kavi ndekotɨ vae reta, Jare yepopeyu toa, oyepopeyu nderé vae reta re.”

Hechos 16:16

Jare metei ara rojo ye yave yerurea pe, orerövaiti metei kuñatai aña imbaepuere rupi mbae maratuta vae re oikuaa vae. Kuae kuñatai iya reta omongana jeta korepoti jese.

DEUTERONOMIO 23:4

Echa Egipto güi peyu jare peasa yave iɨvɨ reta rupi, mbaetɨ oë perövaiti tembíu ndive ani ɨ ndive, jaeño omboepɨ Balaam, Beor taɨ jae ko Mesopotamia pegua pe, oyepopeyu vaerä pekotɨ.

JOSUÉ 24:9

Joko güi opüa Balac, Zipor taɨ, Moab iñemuña reta juvicha guasu, jare oñeraro pe reta ndive. Balac omondo oekauka Balaam, Beor taɨ, oyepopeyu vaerä pekotɨ.

1 SAMUEL 17:43

Jare jei David pe: —¿Yaɨmba pa che, reyu vaerä cheve ɨvɨra ndive? Jare oyepopeyu David kotɨ opaete itumpa reta jee re.