NÚMEROS 19:13 - Biblia Guarani Tumpa Iñee

¹³ Kia nunga vae oyavɨkɨ yave oipotagüe kia jëogüe, ërei mbaetɨ oyetɨo yave, tupao guakapi pegua yandeYa imbae ko omongɨa; jókuae nunga toyemombo ete kavi Israel iñemuña reta ipɨte güi; mbaetɨ ramo ɨ yetɨo pegua oñeapiramo jese, tikɨa topɨta Tumpa jóvai. Toiporara jeko ae re.

NÚMEROS 19:13 Iomraidhean Croise

ÉXODO 30:33

Kia nunga vae oyapo yave kuae rami etei mbae ikäti kavi vae, jare opɨyere yave oipotagüe kuimbae re, toyemombo ete kavi jëtara reta ipɨte güi.’ ”

PROVERBIOS 14:32

Iyoa vae, oyemboai jeko kavimbae pe aeño; ërei kuimbae jupi vae, oyeepɨ jeko kavi rupi.

EZEQUIEL 44:26

Oyemongɨa Tumpa jóvai vae güi oyetɨo reta yave, chiu ara ye toäro.

LEVÍTICO 15:31

Jökorai toñeñono tee Israel iñemuña reta ikɨa yave, agüɨye vaerä omano reta omongɨa yave chero guakapi pegua ipɨte pe oï vae.”

LEVÍTICO 20:3

Jare che tayovaicho jókuae kuimbae kotɨ, jare tamokañɨtei jëtara reta ipɨte güi, taɨ omee tumpa-raanga Moloc jee vae pe jeko pegua, echa omongɨa chero mbaemboetea jare cheree ikɨambae.

LEVÍTICO 22:3

Ere chupe reta: Opaete peraɨ reta jare peraɨ iñemuña reta, ikɨa reve omee yave mbota cheve, Israel iñemuña reta omee vae, toyemombo ete kavi cheróvai güi. Che ko peYa.

LEVÍTICO 22:4

Oipotagüe kuimbae Aarón iñemuña reta güi ipire mbaerasɨ ókui vae ani imbaerasɨ güi taɨ oë vae, agüɨye tou mbaembae oñeñono tee vae güi, okuera güire oyetɨo regua. Kia nunga vae oyavɨkɨ yave mbae tëogüe rupi ikɨa vae, ani kuimbae imbaerasɨ güi taɨ oë vae,

LEVÍTICO 5:17

Kia nunga vae mbae oyapo vae rupi iyoa yave, cheporookuai kotɨ agüɨyeta tëi oyeapo vae oyapo yave, yepe tëi oikuaambae reve oyapo, tijeko topɨta, toiporara iyoa re.

LEVÍTICO 5:3

Ani opoko yave japicha ikɨagüe oporomongɨa Tumpa jóvai vae re oikuaambae reve vae, ërei jaɨkue rupi ou oikuaa yave, tijeko topɨta Tumpa jóvai.

LEVÍTICO 5:6

Togüeru cheve mɨmba rókai güi metei mɨmba kuña, cheɨ̈ro vaerä chupe iyoa re; metei vecha taɨrusu vae ani kavara, jare sacerdote toyapo chupe cheɨ̈ro vaerä iyoa re.

LEVÍTICO 7:20

Ërei che peYa jóvai ikɨa oï reve jou yave jókuae mɨmba oyeyukagüe yembopɨakatu pegua isoogüe chembae, toyemombo ete kavi jëtara reta ipɨte güi.

LEVÍTICO 7:21

Jaeramiño vi oime yave opoko mbae ikɨa vae re, japicha ikɨagüe re, ani mɨmba oyeumbae vae re, ani oipotagüe mbae pɨ̈chɨi ikɨa vae re, jare jökorai reve jou yave mɨmba oyeyukagüe yembopɨakatu pegua chembae, jókuae jou vae toyemombo ete kavi jëtara reta ipɨte güi.”

NÚMEROS 15:30

Ërei kia nunga vae oyapo mbae ipɨapochɨ rupi yave, kuae pegua ani ketɨgua, yandeYa kotɨ ko oyavɨ; jókuae nunga toyemombo ete kavi jëtara reta ipɨte güi.

NÚMEROS 19:14

Kia nunga vae omano yave pero guakapi pegua japɨpe, peyapo kuae mborookuai: Opaete joko pe oike vae jare ñogüɨnoi joko pe vae tikɨa topɨta Tumpa jóvai chiu ara.

NÚMEROS 19:18

Javoi kuimbae ikɨambae oï vae toipɨɨ ñana hisopo, jare tomopöe jókuae ɨ pe, jare toñapiramo o guakapi pegua re, jare opaete mbaembae pɨpegua re, jare opaete joko pe ñogüɨnoi vae reta re, jare kia ikägüegüe oyavɨkɨ vae re, ani tëogüe ñana pe oï vae, kɨsepuku pe omano vae, ani omanoi vae, ani tɨvɨa re vae.

NÚMEROS 19:19

Jókuae kuimbae ikɨambae oï vae toñapiramo, jókuae kuimbae ikɨa oï vae re mboapɨa ara pe jare chiúa ara pe; javoi chiúa ara pe oitɨo ma yave, jókuae ikɨa oiko vae toputuka jemimonde, jare jae etei toyeyoe vi ɨ pe; ërei tikɨa topɨta Tumpa jóvai pɨ̈tu regua.

NÚMEROS 19:20

Jare ikɨa opɨta vae, mbaetɨ yave oyetɨo, jókuae nunga toyemombo ete kavi Israel iñemuña reta ipɨte güi, tupao guakapi pegua yandeYa imbae omongɨa jeko pegua; mbaetɨ oñeapiramo jese ɨ yetɨo pegua ramo; ikɨa ko Tumpa jóvai.

NÚMEROS 19:9

Jare metei kuimbae ikɨambae Tumpa jóvai vae toupi guaka itanimbugüe jare togüɨraja teyupa güi ikatu pe, ikɨambaea pe. Israel iñemuña reta toñovatu jókuae tanimbu, oyapo vaerä ɨ yetɨo pegua. Kuae jae ko Tumpa iñɨ̈ro vaerä mbaeyoa re vae.

NÚMEROS 8:7

Körai eyapo chupe reta: Eñapiramo reta ɨ yetɨo pegua pe, toñapi reta opaete jete, jare toputuka reta jemimonde, jare tikɨambae topɨta reta Tumpa jóvai.

NÚMEROS 9:13

Ërei mbaetɨ oyapo Pascua vae, yepe tëi mbaetɨ ikɨa ani ketɨ ojo; jókuae nunga toyemombo ete kavi jëtara reta ipɨte güi. Mbaetɨ omee mbota yandeYa pe oñemeeta tëi vae jeko pegua, toiporara iyoa re.

San Juan 8:24

Jáeramo jae peve pemanota peyoa pe. Echa mbaetɨ perovia chere CHE KO vae yave, pemanota ko peyoa pe.

Hebreos 10:29

Vɨtei pa güɨröɨro iyeugüi Tumpa Taɨ vae reta, oiporara yaeta ko, jare güɨröɨro tugüɨ morogüɨrökuavee päve pegua vae, jókuae tugüɨ rupi ñaneñono tee tëi iyeupeguarä, jökorai güɨröɨro Espíritu ipɨakavi.

Hebreos 9:10

echa jaeño güɨnoi mborookuai tembíu reta regua jare kërai jae reta oyeyoe vaerä Tumpa kotɨ. Opaete jókuae mborookuai reta ɨvɨ peguaño ko, oñeñono ko Tumpa opaete oyapokatu regua.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:11

Jupimbae oyapo vae tijeiete toyapo jupimbae. Ikɨa Tumpa jóvai vae tijeiete tikɨa Tumpa jóvai. Jupi vae jeiete tijupi. Jare oñeñono tee vae jeiete toñeñono tee Tumpa peguarä.”

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.