NÚMEROS 18:8 - Biblia Guarani Tumpa Iñee

⁸ YandeYa jei ye Aarón pe: “Amee vi reyangareko vaerä cheve mbota reta oñemee cheve vae re. Opaete mbaembae Israel iñemuña reta oñono tee cheveguarä vae, amee ndeve roparavo jeko pegua, jare nderaɨ reta pe jekuae avei pegua.

NÚMEROS 18:8 Iomraidhean Croise

2 REYES 12:16

Korepoti oñemee mbaeyoa re vae, jare teko re vae, mbaetɨ oyereraja yandeYa jo pe; echa sacerdote reta imbaerä ko.

2 CRÓNICAS 31:4

Oyókuai vi Jerusalén pe yogüɨreko vae reta omee vaerä sacerdote reta pe jare levita reta imbaerä vae, oyeokuai reta vaerä opaete ara rupi yandeYa iporookuai jei rami.

2 CRÓNICAS 31:5

Jare kuae mborookuai oñemoërakua yave, Israel iñemuña reta omee jeta imbaagüɨyerɨpɨ güi, vino, olivo iasaite, ei jare opaete jemitɨ reta iagüe. Güeru reta vi jeta rupi opaete iparavɨkɨ reta güi ombosɨrɨ reta payandepo ñavo güi metei vae.

ÉXODO 28:43

jare Aarón jare taɨ reta tomonde togüɨraja oike reta yave tupao guakapi pegua pe, ani oya reta yave mɨmba oyeyuka oyeapɨ jese vae re oyeokuai vaerä tupao guakapi pegua pe, agüɨye vaerä iyoa reta jare omano reta. Mborookuai opambae ko kuae chupegua jare iñemuña reta peguarä.

ÉXODO 29:21

Jare mɨmba oyeyuka oyeapɨ jese vae re tugüɨ oïta vae jare asaite ñeñono tee pegua, eñapiramo Aarón re jare jemimonde reta re; taɨ reta re jare jemimonde reta re. Körai jae jare taɨ reta oñeñono teeta opɨta, jökoraiño vi jemimonde reta.

ÉXODO 29:28

Toiko Aarón jare taɨ reta peguarä, jare Israel iñemuña reta pe mborookuai jekuae avei pegua, echa mbota oñererökuavee oñemee vae ko; jae kuae Israel iñemuña reta omee vaerä, mɨmba oyeyukagüe mbɨakatu pegua güi, jae reta imbaerä vae güi tomee mbotarä che peYa pe.

ÉXODO 29:29

Jare temimonde reta ñeñono tee pegua Aarón imbae topɨta kuri iñemuña reta peguarä; oyeparavo yave oñeñono tee reta vaerä pɨpe.

ÉXODO 40:13

Jare Aarón pe emondeuka temimonde ikavi yae ete vae, javoi epɨyere jese asaite, reñono tee vaerä, oiko vaerä chesacerdoterä.

ÉXODO 40:15

epɨyere jese reta asaite, tu re repɨyere rami, jare toyogüɨreko chesacerdoterä. Jókuae asaite oyepɨyere jese reta vae rupi toyogüɨreko chesacerdoterä jekuae avei rupi.”

ISAÍAS 10:27

Jókuae ara oyeekɨta ndegüi ipoɨgüe oñono ndekupe re vae, jare yuvo oñono ndeatua re vae opëta. Jare jókuae yuvo opata oyemboai, echa nde ko cherembiparavo.”

LEVÍTICO 21:10

Jare sacerdote tenondegua vae, iñäka re opɨyere olivo iasaite yeparavo pegua, temimonde sacerdote pegua omonde vaerä vae, agüɨye toñeäkaöva, agüɨye vi tomondoro jemimonde ipɨatɨtɨ güi;

LEVÍTICO 23:20

Jare sacerdote togüɨrökuavee tomee cheróvai, mbɨyape mbaagüɨyerɨpɨ pegua ndive jare mókoi vecha kuimbae taɨrusu vae. Mbae oñeñono tee cheve vae ko, jare topɨta sacerdote peguarä.

LEVÍTICO 6:16

Jare jókuae mbota güi jembɨregüe topɨta Aarón jare taɨ reta peguarä; oyembovumbae tou reta oñeñono teea pe, tupao guakapi pegua joka pe tou reta.

LEVÍTICO 6:18

Opaete kuimbae Aarón iñemuña reta tou joko güi, mborookuai oiko avei vae toiko peveguarä jare peñemuña reta peguarä kuae nunga mbota oyeapɨ cheveguarä vae, kuae ara güive tenonde kotɨ. Oipotagüe oñátai vae toñeñono tee topɨta oñeñono kavi ye regua.”

LEVÍTICO 6:20

“Kuae mbota tomee Aarón jare taɨ reta cheve, jókuae ara oyeparavo reta yave sacerdoterä: Mókoi kilo trigokúi ipɨuasɨ vae, tomee mbɨte rupi ndeimbove yave jare mbɨte rupi kaaru yave, temitɨ jäɨgüe ara ñavo oñemee rami.

LEVÍTICO 6:26

Jókuae sacerdote omee kuae mbota kia iyoa re vae, tou jókuae soo; tou tupao guakapi pegua joka pe, oñeñono teea pe.

LEVÍTICO 7:14

Jare opaete mbota reta oñemee vae güi, toñemee mbota oñererökuavee oñemee cheve vae, topɨta sacerdote oñapiramo mɨmba oyeyukagüe yembopɨakatu pegua jugüɨgüe pe vae imbaerä.

LEVÍTICO 7:28

Ërei YandeYa jei Moisés pe:

LEVÍTICO 7:6

Opaete sacerdote reta tou joko güi oñeñono teea pe; kuae ko mbae oñeñono tee kavi yae Tumpa peguarä vae.

LEVÍTICO 8:30

Javoi Moisés oipɨɨ michi mi olivo iasaite yeparavo pegua güi, jare michi mi tugüɨ mɨmba oyeyuka oyeapɨ jese vae re oï vae güi, jare oñapiramo Aarón jare jemimonde, taɨ reta jare jemimonde reta; jökorai oñono tee Aarón jare jemimonde sacerdote pegua, jare taɨ reta jare jemimonde sacerdote pegua reve.

NÚMEROS 18:9

Mbota reta oyeapɨ vae güi, kuae jae ndembaerä; mbota temitɨ jäɨgüe, mɨmba oyeyuka Tumpa iñɨ̈ro vaerä mbaeyoa re vae güi ani teko re vae güi, omee reta cheve yave; opaete kuae mbota reta toiko ndembaerä jare nderaɨ reta peguarä.

NÚMEROS 5:9

Opaete mbaemboepɨ oñemoïru reve ani mbota oñeñono tee Tumpa pe vae güi Israel iñemuña reta omee yave sacerdote pe, topɨta jae imbaerä.

1 Corintios 9:13

¿Mbaetɨ pa peikuaa tupao pe oparavɨkɨ vae reta jou ko tembíu tupao pegua? Echa mɨmba oyeyukagüe oyeapɨ jesea pe oparavɨkɨ vae reta jou ko jókuae mɨmba oyeyukagüe isoo.

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

DEUTERONOMIO 12:6

Joko pe perajata pemee mɨmba oyeyuka opaetei oyeapɨ vae, mɨmba oyeyukagüe, pediezmo reta, mbota oñererökuavee vae, ñererökuavee pegua, mbota kɨ̈reɨ ngatu pegua, jare peguaka reta imembɨrɨpɨ, jare pevecha reta imembɨrɨpɨ.

DEUTERONOMIO 18:1

Sacerdote Leví iñemuña reta, ani opaete Leví iñemuña reta pe mbaetɨta oñemee ɨvɨ, Israel iñemuña reta pe oñemee rami. Yogüɨrekota mɨmba oyeyuka oyeapɨ yandeYa peguarä vae re, jare oñemee chupeguarä vae re.

DEUTERONOMIO 26:13

jayave pere yandeYa Tumpa jóvai: ‘Ambosɨrɨ ma ndeveguarä oñeñono tee vae jare amee Leví iñemuña reta pe, ketɨgua pe, tɨ̈reɨ pe jare imemano vae pe, nde cheokuai rami; ayavɨmbae reve ndeporookuai reta jare mbaetɨ cheakañɨ chugüi.

Hebreos 1:9

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.”

1 Juan 2:20

Ërei Cristo peñeñono tee ma Espíritu Santo rupi, jáeramo pe reta peikuaa opaete.

1 Juan 2:27

Ërei Tumpa omee ma peve Espíritu Santo vae oiko pepɨa pe. Jáeramo mbaetɨ ma kia ipuere pemboe ye vaerä, echa Espíritu Santo etei pemboe opaete mbaembae re, jare añetete ko, mbaetɨ apu; jae pemboe rami peiko avei Jesucristo re.