NÚMEROS 18:7 - Biblia Guarani Tumpa Iñee

⁷ ërei nde jare nderaɨ retaño pepuere peyapo sacerdote iparavɨkɨ mɨmba oyeyuka oyeapɨ jese vae pe ani tupao japɨpe pe. Echa che ko amee peve kuae mbaravɨkɨ sacerdote pegua; jare oipotagüe oyapo yave, tomano.”

NÚMEROS 18:7 Iomraidhean Croise

SALMOS 115:10

Aarón iñemuña sacerdote reta, ¡peyeko yandeYa re! Jae ko pemborɨ jare peangareko vae.

ÉXODO 28:1

Israel iñemuña reta güi toyogüɨreko ndeɨ́vɨri Aarón jare taɨ reta Nadab, Abiú, Eleazar jare Itamar, yogüɨreko vaerä chesacerdoterä.

ÉXODO 29:9

eñono kuakuaa Aarón ikúa re jare taɨ reta ikúa re, jare eñono kavi jese reta äka-ɨru, jökorai yogüɨreko vaerä chesacerdoterä jekuae avei pegua. Körai eñono tee Aarón jare taɨ reta.

EZEQUIEL 44:15

Sacerdote reta Leví iñemuña pegua, Sadoc iñemuña reta, tupao re jekuaeño oyangareko reta cheve, Israel iñemuña reta oyembosɨrɨ chegüi yave vae reta, jókuae reta yogüeruta chekotɨ oyeokuai reta vaerä cheve, ñogüɨnoi retata cheróvai omee reta vaerä mɨmba ikɨragüe jare jugüɨgüe, jökorai che peYa Tumpa jae kuae.

EZEQUIEL 44:16

Jae reta oiketa chetupao pe jare oya retata mɨmba oyeyuka oyeapɨ jese vae re oyeokuai reta vaerä cheve, jae reta oyapota cheporookuai.

EZEQUIEL 44:8

Mbaetɨ peyapo che jae peve peyapo vaerä vae, mbaembae oñeñono tee chero pe vae reta regua, echa pemee ketɨgua reta ipo pe oyangareko vaerä jese.’

LEVÍTICO 16:2

YandeYa jei Moisés pe: “Ere nderɨkeɨ Aarón pe, agüɨye toike avei tupao guakapi pegua japɨpe oñeñono tee kavi yae vae pe, jókuae asoya o imboyaoa japɨpe oïa pe, ñɨ̈ro renda käjou iárambo oï vae jóvai, agüɨye vaerä omano; echa che ayekuaata amapɨtu re ñɨ̈ro renda re.

LEVÍTICO 7:35

Jae ko kuae tembíu Aarón jare iñemuña reta imbaerä, mbota reta oyeapɨ cheve vae, jókuae ara jae oñono tee chesacerdoterä yave güive.

NÚMEROS 1:51

Jare jókuae tupao guakapi pegua oyereroyakavota yave, Leví iñemuña reta topa toekɨ, jare jae reta tomopüa ye peyembojeyupataa pe; jare oipotagüeño oya yave jese tomano.

NÚMEROS 16:40

Israel iñemuña reta imaendúa avei jese vaerä, kërai mbaetɨta kia nunga vae, Aarón iñemuñambae vae ipuere oya güɨrökuavee vaerä ikäti kavi vae incienso yandeYa jóvai, agüɨye vaerä oasa Coré jare jupiegua reta rami; yandeYa omombeu tëi Moisés rupi chupe rami.

NÚMEROS 18:20

Jare yandeYa jei Aarón pe: “Nde mbaetɨta ndeɨvɨ nerëtara Israel iñemuña reta rami, jare jae reta ipɨte pe ave mbaetɨta ndembae ɨvɨ. Che ko jae ndembaeyekou Israel iñemuña reta ipɨte pe.

NÚMEROS 18:3

Jare toyapo reta nde reyókuai vae, jare opaete mbaravɨkɨ tupao guakapi pegua ërei agüɨye toya reta tembiporu oñeñono tee vae re, ani mɨmba oyeyuka oyeapɨ jese vae re, agüɨye vaerä omano, jae reta jare pe reta.

NÚMEROS 3:10

Eñono Aarón jare opaete iñemuña oyapo reta vaerä sacerdote pegua mbaravɨkɨ; ërei oipotagüeño oyapo yave jókuae mbaravɨkɨ, tomano.”

NÚMEROS 3:38

Tupao guakapi pegua güi kuaraɨ oëa kotɨ toyembojeyupa Moisés, Aarón jare taɨ reta, jae reta toyangareko o mbaemboetea re ïru Israel iñemuña reta jekovia pe. Oipotagüeño oyapo yave jókuae mbaravɨkɨ, tomano.

San Mateo 10:8

Pembogüera imbaerasɨ vae reta. Pembogüera ipire mbaerasɨ ókui vae reta. Pemoingove ye omanogüe vae reta. Pembosɨrɨ aña reta oya jese vae reta güi. Che amee ma peve kuae mbaepuere jepɨmbae. Jáeramo agüɨye vi pekovara mbae peyapota vae re.

San Juan 3:27

Jayave Juan jei chupe reta: —Tumpa omee yandeve vaeño yandepuere ñanoi.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

DEUTERONOMIO 18:2

Mbaetɨta oñemee ɨvɨ chupe reta jëtara reta pe oñemee rami, yandeYa etei ko jae reta imbaeyekou, jae oñererökuavee chupe reta rami.

Hebreos 5:4

Jare mbaetɨ kia ipuere oyeparavo jaeiño, oiko vaerä sacerdote tenondegua eterä. Jaeño Tumpa oiparavo vae ipuere oiko sacerdote tenondegua eterä, Aarón oyeparavo vae rami.

JOSUÉ 18:7

Ërei Leví iñemuña reta pe mbaetɨta ɨvɨ oyemboyao pepɨte pe, echa jae reta ko yogüɨrekota sacerdoterä yandeYa pe. Gad jare Rubén iñemuña reta jare Manasés iñemuña reta oyemboyaogüe oime ma güɨnoi reta iɨvɨ, ɨ̈aka Jordán jovaicho kotɨ kuaraɨ oëa kotɨ, Moisés yandeYa jembiokuai omee chupe reta vae.”

1 Pedro 5:2

Peyangareko Tumpa imbae reta pepɨte pe ñogüɨnoi vae reta re kia peokuaimbae reve jare pekɨ̈reɨ ngatu reve; agüɨye pemongana jupimbae vaeräño, jaeño pekɨ̈reɨ ngatu reve,

1 Pedro 5:3

agüɨye peyemboiya etei peyangareko jese vae reta re, jaeño peechauka ikavi chupe reta.

1 SAMUEL 2:28

Jare che aiparavo chesacerdoterä Israel iñemuña reta ipɨte güi, oyeokuai reta vaerä cheve mɨmba oyeyukagüe, jare oapɨ vaerä mbae ikäti kavi vae incienso, jare omonde vaerä temimonde iyɨvambae sacerdote pegua cheróvai. Jare amee chupe reta opaete mbota oyeapɨ vae, Israel iñemuña reta omee vae.