NÚMEROS 18:1 - Biblia Guarani Tumpa Iñee

¹ YandeYa jei Aarón pe: “Nde jare nderaɨ reta jare opaete nderu Leví iñemuña reta peyemboekota, kuae o mbaemboetea pe oyeavɨ vae re; ërei nde jare nderaɨ reta oyavɨ mbaravɨkɨ sacerdote pegua yave, pe retaño peyemboekota.

NÚMEROS 18:1 Iomraidhean Croise

ÉXODO 28:38

Jare toï Aarón jesɨva re, jare Israel iñemuña reta oyapo yave mbaepɨ̈chɨi ani omee reta yave mbota, jae togüɨraja opaete mbaembae oñeñono teea pe, jare togüɨnoi jesɨva re jekuae avei pegua, chepɨakatu vaerä amae jese oike yave che peYa aïa pe.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

EZEQUIEL 4:4

Jare nde reyapakuata ndeɨke ndeasu re, jare eñono ndeyé Israel pegua reta jeko ikavimbae. Ara ñavo reke ramboeve jókuae ndeɨke re, rerajata jae reta jeko ikavimbae;

LEVÍTICO 10:17

—¿Maera pa mbaetɨ peu mɨmba oyeyuka Tumpa iñɨ̈ro vaerä mbaeyoa re vae oñeñono teea pe? Echa oñeñono tee kavi yae vae ko, jae omee peve peraja vaerä jeta vae reta jeko ikavimbae, oñeñono kavi ye vaerä yandeYa jóvai.

LEVÍTICO 22:16

echa jou reta ko yave jókuae mbota oñeñono tee Tumpa pe vae omboekoukata ko Israel iñemuña reta. Che ko peYa poñono tee vae.”

LEVÍTICO 22:9

Toñovatu reta ipɨa pe cheporookuai, agüɨye tiyoa topɨta kuae reta re, echa omano retata ko omboeteä yave. Che ko peYa poñono tee vae.

NÚMEROS 14:34

Oyepapa ko, cuarenta ara opa yogüɨraja omae jókuae ɨvɨ re vae, jökorai peiporarata pembaeyoa re cuarenta año rupi, metei año oyepapata metei ara re; jökorai peikuaata cheporonupa.”

NÚMEROS 16:10

jare omee ma ko ndeve reï vaerä köiño chugüi, jare opaete nderɨvɨ reta, Leví iñemuña reta nde ndive? ¿Peipota vi pa mbaravɨkɨ sacerdote pegua ave?

NÚMEROS 17:13

Oipotagüe oya tupao guakapi pegua yandeYa imbae re vae omano. ¿Opaeteita pa ko romano?”

NÚMEROS 17:3

Jare Aarón jee eikuatía Leví iñemuña pegua popoka re, echa oimeta metei ñemuña itenondegua ñavo rupi metei popoka.

NÚMEROS 17:7

Jare Moisés oñono popoka reta yandeYa jóvai, tupao guakapi pegua pe.

NÚMEROS 18:11

Amee vi ndeve, nderaɨ reta jare nderayɨ reta yogüɨreko nde ndive vae pe, opaete mbota Israel iñemuña reta omee cheve vae güi, jekuae avei pegua; opaete ndero pegua oyetɨo Tumpa jóvai vae ipuere jou jókuae güi.

NÚMEROS 3:6

“Emboatɨ Leví iñemuña reta jare eñono sacerdote Aarón Leví iñemuña jóvai oporomborɨ reta vaerä,

DEUTERONOMIO 10:8

Jókuae ara rupi yandeYa oiparavo Leví iñemuña reta, güɨraja vaerä käjou morogüɨrökuavee päve pegua, jare ñogüɨnoi vaerä yandeYa jóvai oyeokuai reta vaerä chupe, jare jei vaerä ñee kavi yandeYa jee re, añave rupi oyapo rami.

Hebreos 13:17

Peñeereendu oyangareko peré vae reta pe jare peiko jae reta jeia re, echa jae reta oyangareko oï perekove re, oikuaa reve Tumpa ojäata ko iparavɨkɨ re; jökorai peyapo yave, jae reta oparavɨkɨta Tumpa pe oyerovia reve, ipɨatɨtɨmbae reve, echa ipɨatɨtɨ reve oparavɨkɨ Tumpa pe yave, ngaraa jaekavi.

Hebreos 4:15

Echa yandesacerdote tenondegua ete yandeparareko ko ñanepɨ̈ratambae re, echa jae oiporara opaete morojäa reta yande rami, ërei jae mbaetɨ etei iyoa.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

JUECES 17:12

Jare Micaía oñono tee isacerdoterä jókuae levita, jare opɨta oiko Micaía pɨri jo pe.