NÚMEROS 17:8 - Biblia Guarani Tumpa Iñee

⁸ Jare pɨareve pe Moisés ou tupao guakapi pegua pe yave; oecha Aarón, Leví iñemuña pegua ipopoka oyembojovɨ jare jokɨ, ipotɨ jare ia almendra.

NÚMEROS 17:8 Iomraidhean Croise

GÉNESIS 40:10

jare temitɨ re oï mboapɨ jäka; jare jeñɨi rami, jare ipotɨ, jare ou yagüɨye iagüe.

SALMOS 110:2

Sión güi yandeYa ombouta ndeve popoka mborookuai pegua; ¡enoi mbaepuere nderovaicho reta re!

CANTARES 2:3

Ɨvɨra pɨte pe temitɨ manzana oï rami ko, aaɨu vae, kunumi reta ipɨte pe. ¡Iküaraɨa kavi pe aguapɨ! ¡Iagüe jëe ngatu yae cheve!

ISAÍAS 4:2

Jókuae ara, yandeYa ombojokɨta vae, ipörata jare imboetea yaeta, Israel pe jembɨreño vae reta peguarä; jare ɨvɨ pe yagüɨyeta vae, imboetea yaeta jare tuichagüe yaeta, Israel pe jembɨreño vae reta peguarä.

EZEQUIEL 17:24

Jare opaete ɨvɨra reta oikuaata che ko jae peYa vae. Che amboai ɨvɨra ɨvate yae vae, jare amboɨvate ɨvɨra ɨ̈vɨi vae; che amboɨpi ɨvɨra jokɨ vae, jare ɨvɨra yɨpi vae ambojokɨ. Che peYa jae kuae, jare ayapota.’ ”

EZEQUIEL 19:12

Ërei Tumpa arasɨ rupi oapomondorouka, oyeitɨuka ɨvɨ re, jare ɨvɨtuakuvo omotini, osururu chugüi ia, jäka reta ipoguasu vae yɨpi jare oyeitɨ tata pe.

EZEQUIEL 19:14

Iyɨpɨ güi oë tata, opa oapɨ jäka jare ia reta, mbaetɨ etei opɨta jäka ipoguasugüe mburuvicha guasu reta ipo peguarä.’ ” Jae kuae tairari yaeo pegua, jare yaeo peguarä toyeporu.

NÚMEROS 16:5

jare jei Coré pe jare opaete jupiegua reta pe: —Pɨareve yandeYa oechaukata kia ko jae imbae vae, jare kia ko jae oñeñono tee chupeguarä vae, jae omaeñota oya jese jembiparavo.

NÚMEROS 17:5

Jare jokɨta jókuae kuimbae che aiparavota vae ipopoka, jökorai amokïriita cheyeugüi Israel iñemuña reta iñeengeta jare iñeenguru pekotɨ vae.”

NÚMEROS 17:9

Jayave Moisés opa güɨnoe popoka reta yandeYa jóvai güi, Israel iñemuña reta pe; jare jae reta oecha, jare oipɨɨ reta metei ñavo vae ipopoka.

Hebreos 9:4

joko pe oï tätapɨirɨru oro pegua, käjou morogüɨrökuavee päve pegua oro pe oñeova vae, metei yapepo oro pegua maná oï pɨpe vae, Aarón ipopoka jokɨ vae jare itape reta morogüɨrökuavee päve güɨnoi vae.