NÚMEROS 16:5 - Biblia Guarani Tumpa Iñee

⁵ jare jei Coré pe jare opaete jupiegua reta pe: —Pɨareve yandeYa oechaukata kia ko jae imbae vae, jare kia ko jae oñeñono tee chupeguarä vae, jae omaeñota oya jese jembiparavo.

NÚMEROS 16:5 Iomraidhean Croise

SALMOS 105:26

Jayave Tumpa ombou jembiokuai Moisés, jare Aarón, jae oiparavo vae.

SALMOS 115:10

Aarón iñemuña sacerdote reta, ¡peyeko yandeYa re! Jae ko pemborɨ jare peangareko vae.

SALMOS 65:4

Oyerovia yae ko jókuae kuimbae reiparavo jare reru ndekotɨ vae, oiko vaerä nderoka pegua cuarto reta pe. ¡Oremoangapɨɨ ndero pegua mbae ikavi yae vae re, ndero oñeñono tee vae pe!

ÉXODO 28:1

Israel iñemuña reta güi toyogüɨreko ndeɨ́vɨri Aarón jare taɨ reta Nadab, Abiú, Eleazar jare Itamar, yogüɨreko vaerä chesacerdoterä.

ÉXODO 28:41

Kuae temimonde reta pe emboemimonde nderɨkeɨ Aarón jare taɨ reta; javoi epɨyere jese reta asaite jare eñono tee reta yogüɨreko vaerä chesacerdote retarä.

ÉXODO 28:43

jare Aarón jare taɨ reta tomonde togüɨraja oike reta yave tupao guakapi pegua pe, ani oya reta yave mɨmba oyeyuka oyeapɨ jese vae re oyeokuai vaerä tupao guakapi pegua pe, agüɨye vaerä iyoa reta jare omano reta. Mborookuai opambae ko kuae chupegua jare iñemuña reta peguarä.

JEREMÍAS 30:21

Ipɨte reta güi oëta juvicharä: Oporookuai vae oëta ipɨte reta güi aeño. Amboyemboyaukata cheyé, echa, ¿kia pa ikɨ̈reɨta oya vaerä cheré?

JEREMÍAS 49:19

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Edom pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

JEREMÍAS 50:44

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Babilonia pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

EZEQUIEL 40:46

jare cuarto omae ɨvɨtuguasu kotɨ vae, jae ko sacerdote reta mɨmba oyeyuka oyeapɨ jese vae iyangarekoa reta imbae; jae ko Sadoc iñemuña reta, kuae reta oyeparavo Leví iñemuña reta güi oyeokuai vaerä yandeYa pe.”

EZEQUIEL 43:19

Sacerdote reta Leví iñemuña pegua, Sadoc iñemuña reta, yogüeru chekotɨ oyeokuai reta vaerä cheve yave, emee jese reta metei toro taɨrusu vae mɨmba reta güi, cheɨ̈ro vaerä mbaeyoa re vae.

EZEQUIEL 45:4

Kuae ɨvɨ oñeñono tee vae oikota sacerdote reta peguarä, tupao pegua mbaravɨkɨ oyapo vae reta, yandeYa pe oyeokuai vae reta. Joko pe güɨnoi retata jo, jare oñeñono tee kavi yaeta tupao jendarä.

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

LEVÍTICO 8:2

“Eraja Aarón jare taɨ reta, temimonde reta sacerdote pegua, olivo iasaite yeparavo pegua, toro taɨrusu vae oñemee cheɨ̈ro vaerä mbaeyoa re vae pegua, mókoi reve vecha kuimbae jare kanata raɨ mbɨyape oyembovumbae reta jɨru,

MALAQUÍAS 3:18

Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

NÚMEROS 16:3

Yatɨ reta Moisés jare Aarón kotɨ, jei reta chupe körai: —¡Joko peño mo pe reta! Echa opaete Israel iñemuña reta oñeñono tee vae ko, oime ko yandeYa oiko jae reta ipɨte pe. ¿Maera pa pe reta peñeñono mburuvicharä kuae tëta yandeYa imbae re?

NÚMEROS 16:6

Kuae peyapo: Peipɨɨ ikäti kavi vae incienso oyeapɨ pɨpe vae reta, nde Coré jare opaete nderupiegua,

NÚMEROS 17:5

Jare jokɨta jókuae kuimbae che aiparavota vae ipopoka, jökorai amokïriita cheyeugüi Israel iñemuña reta iñeengeta jare iñeenguru pekotɨ vae.”

NÚMEROS 17:8

Jare pɨareve pe Moisés ou tupao guakapi pegua pe yave; oecha Aarón, Leví iñemuña pegua ipopoka oyembojovɨ jare jokɨ, ipotɨ jare ia almendra.

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

Hechos 1:2

ojo ye ara pe regua. Omee güire mborookuai reta Espíritu Santo rupi temimondo oiparavogüe reta pe.

Hechos 1:24

Jayave oyerure reta Tumpa pe körai: “OreYa, nde reikuaa opaete ipɨa vae, eechauka oreve kia nunga ra reiparavo ma kuae mókoi kuimbae güi,

Hechos 13:2

Kuae reta oyeokuai yandeYa pe jare oyekuaku tembíu güi ramboeve, Espíritu Santo jei chupe reta: “Peñono tee cheve Bernabé jare Saulo oyapo vaerä mbaravɨkɨ che aiparavo ma chupegua retarä vae.”

Hechos 15:7

Jare jeta ma oyoaka yave, Pedro opüa jare jei chupe reta: —Tëtara reta, peikuaa katu ko kërai ɨma ma ko Tumpa cheparavo amoërakua vaerä judiombae vae reta pe ñee ikavi vae, jare jae reta güɨrovia vaerä.

Hechos 22:14

Jayave jae jei cheve: ‘Ñaneñemuñagüe reta iTumpa ndeparavo, reikuaa vaerä jae jemimbota, reecha vaerä jókuae Jupi vae jare reendu vaerä iñee.

Efesios 2:13

Ërei añave Cristo Jesús re, pe reta mombɨrɨ peikose Tumpa güi vae, peyemboyauka jese Cristo Jesús jugüɨ rupi.

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”

Hebreos 12:14

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.

Apocalipsis 1:6

jare yandeapo mburuvicha guasu retarä jare sacerdote retarä yayeokuai vaerä Tu Tumpa pe; ¡chupe toñemee mbaemboete jare mbaepuere jekuaekuae avei rupi! Amén.

1 SAMUEL 2:28

Jare che aiparavo chesacerdoterä Israel iñemuña reta ipɨte güi, oyeokuai reta vaerä cheve mɨmba oyeyukagüe, jare oapɨ vaerä mbae ikäti kavi vae incienso, jare omonde vaerä temimonde iyɨvambae sacerdote pegua cheróvai. Jare amee chupe reta opaete mbota oyeapɨ vae, Israel iñemuña reta omee vae.