NÚMEROS 16:10 - Biblia Guarani Tumpa Iñee

¹⁰ jare omee ma ko ndeve reï vaerä köiño chugüi, jare opaete nderɨvɨ reta, Leví iñemuña reta nde ndive? ¿Peipota vi pa mbaravɨkɨ sacerdote pegua ave?

NÚMEROS 16:10 Iomraidhean Croise

PROVERBIOS 13:10

Pɨayemboete, güeru ñeraro; ërei yemboarakuaa oendu vae, yarakuaa katu.

NÚMEROS 18:1

YandeYa jei Aarón pe: “Nde jare nderaɨ reta jare opaete nderu Leví iñemuña reta peyemboekota, kuae o mbaemboetea pe oyeavɨ vae re; ërei nde jare nderaɨ reta oyavɨ mbaravɨkɨ sacerdote pegua yave, pe retaño peyemboekota.

NÚMEROS 18:7

ërei nde jare nderaɨ retaño pepuere peyapo sacerdote iparavɨkɨ mɨmba oyeyuka oyeapɨ jese vae pe ani tupao japɨpe pe. Echa che ko amee peve kuae mbaravɨkɨ sacerdote pegua; jare oipotagüe oyapo yave, tomano.”

NÚMEROS 3:10

Eñono Aarón jare opaete iñemuña oyapo reta vaerä sacerdote pegua mbaravɨkɨ; ërei oipotagüeño oyapo yave jókuae mbaravɨkɨ, tomano.”

NÚMEROS 3:6

“Emboatɨ Leví iñemuña reta jare eñono sacerdote Aarón Leví iñemuña jóvai oporomborɨ reta vaerä,

San Lucas 22:24

Jare Jesús jemimboe reta omboɨpɨ oyoaka oyoupii kia ra chugüi reta tenondeguarä

Romanos 12:10

Peyoaɨu oñoëtara ete vae reta rami. Pemae kavi oyoe peyomboete reve.

Filipenses 2:3

Agüɨye mbae peyapo peyovaicho vaerä oyoe. Agüɨye mbae peyapo peyembotuicha reve; ërei opaete mbaembae peyapo peñemomichi reve, metei ñavo tomae ïru vae re tuichagüe re rami;

3 Juan 1:9

Che aikuatía oporogüɨrovia vae reta pe. Ërei Diótrefes oipotaä oyapo roe chupe oyapo vaerä vae, echa omomora oiko tenondeguarä.

JUECES 17:12

Jare Micaía oñono tee isacerdoterä jókuae levita, jare opɨta oiko Micaía pɨri jo pe.