NÚMEROS 15:4 - Biblia Guarani Tumpa Iñee

⁴ jayave jókuae omee mbota yandeYa pe vae togüeru mókoi kilo trigokúi ipɨuasɨ kavi vae, metei litro olivo iasaite pe oyemómbɨu vae.

NÚMEROS 15:4 Iomraidhean Croise

ESDRAS 7:17

Jókuae korepoti pe reikuaa rupi kavi egua toro taɨrusu vae reta, vecha kuimbae reta, jare vecha kuimbae taɨrusu vae, jare mbota reta temitɨ jäɨgüe, jare mbota vino oyepɨyere vaerä vae, mɨmba oyeyukagüe oyeapɨ jese vae re peTumpa jo pe Jerusalén pe oï re vae.

ÉXODO 29:40

Tenondegua vecha kuimbae taɨrusu vae, emee mókoi kilo trigokúi ipɨuasɨ kavi yae vae asaite olivo ia oyeapasogüe ndive oyemómbɨu vae, jare metei litro vino mbota oyepɨyere vae.

ISAÍAS 66:20

Jare güeru retata opaete perëtara reta, tëtaguasu ñavo pe oime vae, güeru retata kavayu re, käretou pe, voɨka pe, mburika guasu re jare camello re. Güeru retata mbotarä cheve tëta Jerusalén pe, ɨvɨtɨ oñeñono tee vae re. Israel iñemuña reta güeru chero pe mbota mbae ikɨambae vae pe rami.” Che, peYa ko jae kuae.

EZEQUIEL 46:14

Jókuae ndive oñemeeta vi ndeimbove ñavo yandeYa pe mbota, chiu kilo rupi temitɨ jäɨgüe jare metei litro rupi olivo iasaite oyemboyeata trigokúi ndive vae. Kuae mbota toñemee avei cheve; jae ko mborookuai jekuae avei pegua.

LEVÍTICO 1:13

Jare toyoe ɨ pe ichuri churigüe jare iugüe reta; jare sacerdote tomee opaete, toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 14:10

Jare juri araa pe, tomee mókoi vecha kuimbae taɨrusu vae jete kavi vae, jare metei vecha kuña metei año vae jete kavi vae, jare ova kilo trigokúi ipɨuasɨ vae mbotarä, oyemómbɨu olivo iasaite pe vae, jare olivo iasaite metei litro seri.

LEVÍTICO 2:1

Kia nunga vae omee yave mbota temitɨ jäɨgüe cheve, tomee trigokúi ipɨuasɨ vae, jare topɨyere jese olivo iasaite jare ikäti kavi vae incienso.

LEVÍTICO 2:15

Jare topɨyere jese olivo iasaite jare ikäti kavi vae incienso, echa mbota temitɨ jäɨgüe ko.

LEVÍTICO 23:13

Peru vi irundɨ kilo y medio trigokúi ipɨuasɨ vae olivo iasaite pe oyemómbɨu vae, mbota oyeapɨ vaerä, mbae ipiche katu yae vae ko cheveguarä, jare metei litro vino mbota oyepɨyere vae.

LEVÍTICO 3:7

Jókuae mbota, vecha kuimbae taɨrusu vae ko yave, tomee cheróvai.

LEVÍTICO 6:14

Jae ko kuae mborookuai kërai oyeapo vaerä mbota temitɨ jäɨgüe, Aarón taɨ reta tomee cheve, mɨmba oyeyuka oyeapɨ jese vae jóvai.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

NÚMEROS 28:12

Jare toro taɨrusu vae ñavo ndive toñemee mbotarä ova kilo trigokúi ipɨuasɨ kavi vae, olivo iasaite pe oyemómbɨu vae; jare vecha kuimbae ñavo ndive toñemee mbotarä irundɨ kilo trigokúi ipɨuasɨ kavi vae, olivo iasaite pe oyemómbɨu vae.

NÚMEROS 28:4

Metei toyeyuka ndeimbove yave, jare ïru kaaru yave.

NÚMEROS 29:6

Kuae reta pemee vi oñemee reve mɨmba oyeyukagüe opaetei oyeapɨ yasɨ ñavo vae mbota reta ndive jare ara ñavo oñemee vae mbota reta ndive jare vino oyepɨyere vae mborookuai jei rami. Mbota oyeapɨ ipiche katu yandeYa pe vae ko.

NÚMEROS 7:13

Mbota güerugüe jae ko, metei ñae korepoti pegua, ipoɨgüe metei kilo y medio jare metei tasa guasu, ipoɨgüe seteciento setenta gramo, o mbaemboetea pe korepoti ipoɨ oñejäa rami; jare jókuae ñae jare tasa guasu tɨnɨe güeru trigokúi ipɨuasɨ vae olivo iasaite pe oyemómbɨu vae mbotarä;

Romanos 15:16

ayeokuai vaerä Jesucristo pe judiombae vae reta ipɨte pe, amoërakua Tumpa ñee ikavi vae. Judiombae vae reta vi oñemee vaerä mbota Tumpa pe oñemee vae rami, oñono tee Espíritu Santo rupi vae.

Hebreos 13:16

Ërei agüɨye ñaneäteɨ yayapo vaerä ikavi vae jare yayomborɨ päve vaerä; echa kuae nunga ko omboyerovia Tumpa.

JUECES 9:9

Ërei olivo jei: —¿Aeyata ra cheasaite Tumpa oyemboete pɨpe vae jare kuimbae reta vae, aja vaerä aiko ɨvɨra reta juvicha guasurä?