NÚMEROS 15:3 - Biblia Guarani Tumpa Iñee

³ pemee yave mbota oyeapɨ vae yandeYa pe, mɨmba oyeyukagüe opaetei oyeapɨ vae ani mɨmba oyeyukagüe; jókuae mbota peñererökuavee pe aeño pemee vaerä vae, ani pepɨa-kɨ̈reɨ ngatu reve pemee vae, ani pearete guasu pe pemee mbota ipiche katu vae yandeYa pe vae, toro ani vecha yepe;

NÚMEROS 15:3 Iomraidhean Croise

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

ESDRAS 7:17

Jókuae korepoti pe reikuaa rupi kavi egua toro taɨrusu vae reta, vecha kuimbae reta, jare vecha kuimbae taɨrusu vae, jare mbota reta temitɨ jäɨgüe, jare mbota vino oyepɨyere vaerä vae, mɨmba oyeyukagüe oyeapɨ jese vae re peTumpa jo pe Jerusalén pe oï re vae.

SALMOS 54:6

Chepɨa-kɨ̈reɨ reve ameeta ndeve mɨmba oyeyuka vae, amboeteta nderee cheYa Tumpa, echa ndepɨakavi ko,

ÉXODO 29:18

Jare opaetei eapɨ vecha kuimbae mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ipiche katu vae ko peYa peguarä; jae ko che peYa peguarä mbota oyeapɨ vae.

ÉXODO 29:25

Jaɨkue rupi eekɨ ipo reta güi jare eapɨ mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae ndive, ipiche katu vaerä otimbo cheróvai. Jae ko mbota oyeapɨ che peYa pe vae.

ÉXODO 29:41

Jare ïru vecha kuimbae taɨrusu vae emee kaaru yave, ndeimbove yave mbota remee rami, jare vino mbota oyepɨyere rami; mbota oyeapɨgüe ipiche katu che peYa pe vae.

LEVÍTICO 10:13

Jare peu oñeñono teea pe, echa kuae ko ndeveguarä jare nderaɨ reta peguarä, mbota reta oyeapɨ yandeYa pe vae, jökorai yandeYa cheokuai.

LEVÍTICO 27:2

“Ere Israel iñemuña reta pe: Kia nunga vae oñererökuaveegüe omboepɨta yave cheve, tomboepɨ metei kuimbae jepɨ rupi.

LEVÍTICO 7:16

Ërei omee yave mɨmba oyeyukagüe iñererökuavee ombopo vaerä ani ipɨa-kɨ̈reɨ ngatu rupi vae, toyeu jókuae mbota jókuae ara oñemee yave, jare jembɨregüe toyeu pɨareve pe.

NÚMEROS 28:27

Pemee mɨmba oyeyukagüe opaetei oyeapɨ vae, yandeYa pe ipiche katu vae; mókoi toro taɨrusu vae, metei vecha kuimbae, chiu vecha kuimbae taɨrusu vae, metei año vae.

NÚMEROS 29:8

Pemee mɨmba oyeyukagüe opaetei oyeapɨ vae, yandeYa pe ipiche katu vae, metei toro taɨrusu vae, metei vecha kuimbae, chiu vecha kuimbae taɨrusu vae, metei año vae, jete kavi vae.

NÚMEROS 6:15

Jare vi metei kanata mbɨyape oyembovumbae, trigokúi ipɨuasɨ kavi vae, olivo iasaite pe oyemómbɨu vae, jare mbɨyape ipïreriasɨ vae, oyembovumbae olivo iasaite oñeñono jese vae, mbota temitɨ jäɨgüe jare vino oyepɨyere vae.

San Mateo 3:17

Jare oyeendu ñee ara güi jei: “Kuae ko jae cheRaɨ aaɨu yae vae. Chemboyerovia yae vae.”

2 Corintios 2:15

Echa ore reta Cristo re, mbae ikäti kavi vae rami ko Tumpa pe. Jökoraiño vi oporogüɨrovia vae reta pe jare oporogüɨroviambae vae reta ipɨte pe.

2 Corintios 2:16

Oporogüɨroviambae vae reta pe kuae mano pegua ko, ërei oporogüɨrovia vae reta pe tekove pegua ko. Jare ¿kia pa ipuere oyapo kuae?

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

DEUTERONOMIO 12:11

jayave, yandeYa Tumpa oiparavo jókuae jee oï vaerä pɨpe vae pe perajata opaete che poyókuai jese vae: Mɨmba oyeyukata opaetei oyeapɨ vae, mɨmba oyeyukagüe, pediezmo reta, mbota oñererökuavee vae, opaete peiparavo mbota ñererökuavee pegua pemee yandeYa pe vae.

DEUTERONOMIO 12:17

Agüɨye peu perëta pe pediezmo, trigo jäɨgüe, vino ani olivo iasaite, peguaka imembɨrɨpɨ ani vecha imembɨrɨpɨ, ani peñererökuavee pemee vaerä vae ani mbota kɨ̈reɨ ngatu reve oñemee vae, ani mbota oñererökuavee vae.

DEUTERONOMIO 12:6

Joko pe perajata pemee mɨmba oyeyuka opaetei oyeapɨ vae, mɨmba oyeyukagüe, pediezmo reta, mbota oñererökuavee vae, ñererökuavee pegua, mbota kɨ̈reɨ ngatu pegua, jare peguaka reta imembɨrɨpɨ, jare pevecha reta imembɨrɨpɨ.

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.