NÚMEROS 15:20 - Biblia Guarani Tumpa Iñee

²⁰ Tenonde ete mbɨyaperä peyapo vae güi, pemee yandeYa pe mbota; trigo tenondegua ete oñemee rami.

NÚMEROS 15:20 Iomraidhean Croise

LEVÍTICO 2:14

Oñemee yave mbota mbaagüɨyerɨpɨ cheve, toyeimbe tata pe jókuae mbaagüɨyerɨpɨ jovɨgüe jare jäɨ oyeapasogüe, körai toñemee mbota mbaagüɨyerɨpɨ.

ÉXODO 34:26

Pembaagüɨyerɨpɨ ikavigüe peraja che peYa Tumpa jo pe. Agüɨye kavara raɨ isoo pemboyɨ ichɨ ineche pe.”

EZEQUIEL 44:30

Opaete mbaagüɨyerɨpɨ jare opaete mbota reta oñemee vae güi, sacerdote reta peguarä toiko. Jaeramiño vi pemeeta sacerdote reta pe opaete trigokúi oyemómbɨu ramo mbɨyaperä vae güi; jökorai oime vaerä cheporerekua pero pe.

NEHEMÍAS 10:37

Jare roñeñono vi rogüɨraja vaerä mbaembae oñeñovatúa pe ñaneTumpa jo pegua pe tenondegua trigo ikuigüe, opaete ɨvɨra iarɨpɨ reta, vino jare olivo iasaite sacerdote reta peguarä, jare levita reta peguarä, opaete roarɨvogüe güi, payandepo vae güi metei, jare jae reta etei omboresive vaerä jókuae payandepo güi metei vae tëta ñavo rupi.

LEVÍTICO 23:10

“Ere Israel iñemuña reta pe: Peike ma yave ɨvɨ che amee pevea pe, jare peipoo ma yave pembaagüɨyerɨpɨ, peru metei yokuaa sacerdote pe, jókuae pembaagüɨyerɨpɨ güi.

ÉXODO 23:19

Pembaagüɨyerɨpɨ ikavigüe peru che peYa Tumpa jo pe. Agüɨye kavara raɨ isoogüe pemboyɨ ichɨ ineche pe.

Apocalipsis 14:4

Jae reta mbaetɨ oyemongɨa kuña reta ndive. Echa mbaetɨ etei oasa reta kuña ndive. Jae reta yogüɨraja Vecha kuimbae taɨrusu vae ndive kerupi ojoa rupi. Kuae reta ko Cristo oepɨ ɨvɨ pegua reta ipɨte güi vae. Jae reta ko mbaagüɨye rɨpɨ rami Tumpa jare Vecha kuimbae taɨrusu vae peguarä.

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.

1 Corintios 15:20

Ërei Cristo oikove ye ko omanogüe reta ipɨte güi. Jae ko tenonde ete oikove ye omanogüe reta ipɨte güi vae.

Romanos 11:16

Echa mbaagüɨyerɨpɨ reta oñeñono tee Tumpa pe yave, opaete trigokúi oyemombɨugüe oñeñono tee vi ko Tumpa peguarä. Ani metei temitɨ japo reta oñeñono tee Tumpa pe yave, opaete jäka reta oñeñono tee vi ko Tumpa peguarä.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

DEUTERONOMIO 14:22

Oatambae reve, año ñavo pembaagüɨye reta güi pembosɨrɨta payandepo güi metei.

NÚMEROS 18:12

Jare opaete olivo iasaite ikavigüe, uva ikavigüe jare trigo ikavigüe, Israel iñemuña reta omee cheve mbaagüɨyerɨpɨ güi vae, opa amee ndeve.

LEVÍTICO 23:20

Jare sacerdote togüɨrökuavee tomee cheróvai, mbɨyape mbaagüɨyerɨpɨ pegua ndive jare mókoi vecha kuimbae taɨrusu vae. Mbae oñeñono tee cheve vae ko, jare topɨta sacerdote peguarä.

NÚMEROS 15:21

Jökorai tenonde ete mbɨyaperä peyapo vae güi, pemee yandeYa pe mbota; peyapo jekuae avei rupi jökorai vi peñemuña reta.

DEUTERONOMIO 14:23

Jare jókuae payandepo güi metei vae peuta yandeYa Tumpa jóvai jae oiparavo jee oikotaa pe, payandepo trigo vae güi metei, jökoraiño vi vino jare olivo iasaite, jare opaete perɨmba imembɨrɨpɨ reta, jökorai peikuaa vaerä pemboete avei yandeYa Tumpa.

DEUTERONOMIO 16:13

Opa pearɨvo trigo jare peitɨami uva yave, peyapo arete ikavi yae vae chiu ara, o ñairaka pegua iyarete.

LEVÍTICO 2:12

ërei toñemee cheve mbota mbaagüɨyerɨpɨ rami; ërei agüɨye toyeapɨ mɨmba oyeyuka oyeapɨ jese vae re, ïru mbota reta oyeapɨ oñemee cheve vae rami.