NÚMEROS 14:9 - Biblia Guarani Tumpa Iñee

⁹ Jáeramo agüɨye peyembopɨapochɨ yandeYa kotɨ, agüɨye pekɨɨye jókuae ɨvɨ pegua reta güi, echa mbɨyape yau vae ramiñota ko; mbaetɨ kia oepɨ reta vaerä, yande ndive ko oï yandeYa. ¡Agüɨye pekɨɨye chugüi reta!

NÚMEROS 14:9 Iomraidhean Croise

GÉNESIS 48:21

Jare Israel jei José pe: —Mase, che jaema amanota, ërei Tumpa oïta pe ndive, jae pereroyerova yeta ñaneñemuñagüe reta iɨvɨ pe.

2 CRÓNICAS 13:12

Mase, añave Tumpa oï ore ndive, oreruvicharä, isacerdote reta mimbɨguasu ndive omoñee vaerä ñeraro pegua pekotɨ. Jáeramo Israel iñemuña reta agüɨye peñoraro yandeYa peñemuñagüe reta iTumpa ndive, echa ngaraa oë kavi peve.”

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

2 CRÓNICAS 20:17

Mbaetɨta ko pe reta peñeraro. Peyemboɨ kïrii, jare peechata kërai yandeYa pereepɨ. ¡Judá pegua reta jare Jerusalén pegua reta, agüɨye pekɨɨye, agüɨye peyembopɨtu; peporepeña pɨareve jese reta, echa yandeYa oïta pe reta ndive!’ ”

2 CRÓNICAS 32:8

Jae ndive oï kuimbae reta imbaepuere, ërei yande ndive oï yandeYa Tumpa yandemborɨ vaerä kuae ñeraro pe.” Jare mburuvicha guasu Ezequías iñee oendu reta yave, oñemoäta ngatu opaete vae.

NEHEMÍAS 4:14

Jare aecha okɨɨye reta ramo, apüa jare jae imboetea vae reta pe, sundaro ruvicha reta pe jare opaete vae reta pe: “Agüɨye pekɨɨye chugüi reta, pemaendúa yandeYa re, tuicha jare kɨɨyea yae vae ko, jare peñeraro perëtara reta re, peraɨ reta re, perayɨ reta re, jare perembireko reta re jare pero reta re.”

SALMOS 106:24

Jaɨkue rupi güɨröɨro reta ɨvɨ kavi, mbaetɨ güɨrovia reta Tumpa iñee re;

SALMOS 121:5

YandeYa ko jae ndeangarekoa, jae ko oï ndeɨpɨ pe ndemborɨ vaerä.

SALMOS 14:4

¿Mbaetɨ ra ipuere oikuaa opaete oyapogüe jupimbae ko vae? Omboendagüe oeya cherëta pegua reta kia mbɨyape jou ramiño; jókuae mbaetɨ oyerure yandeYa pe vae reta.

SALMOS 46:11

¡YandeYa imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 46:7

¡YandeYa Imbaepuere yae ete vae oime yande ndive! ¡Jacob iTumpa jae ko ñaneñepɨ̈roa!

SALMOS 46:8

Peyu pemae yandeYa jembiapo reta re; opa omokañɨtei ɨvɨ.

SALMOS 74:14

Reyapaso mbaeporou Leviatán jee vae iñäka, jare remee ñuu rupigua mɨmba pochɨ vae reta jembiurä.

SALMOS 91:1

Nde, reiko Tumpa Tuichagüe yae ete vae iporoangareko igüɨ pe vae. Reiko Imbaepuere yae ete vae ipo pe.

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

ÉXODO 33:16

Echa nde mbaetɨ reo ore ndive yave, ¿këraita pa che jare opaete vae reta roikuaa ndepɨakatu ko ore kotɨ vae? Jayaveño ore ambuaeyeeta opaete ïru tëta reta ɨvɨ pegua güi.

ISAÍAS 1:2

Peyeapɨsaka, ara jare ɨvɨ, echa yandeYa jei: “Ambokuakuaa cheraɨ reta, ambotuicha reta, ërei jae reta oyembopɨapochɨ chekotɨ.

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 41:14

YandeYa jei: “Israel, Jacob iñemuña reta, yepe tëi mbovɨ yae peiko ani ndepɨtu yae, ërei agüɨye ekɨɨye; che ko romborɨ. Che, Tumpa Iyoambae Israel pegua ko jae ndeReepɨ vae.

ISAÍAS 63:10

Ërei jae reta ipɨapochɨ yae yandeYa kotɨ, jare omboarasɨuka reta iespíritu; jáeramo oyemboyovaicho jae reta ndive, jare jae etei oñeraro jae reta ndive.

JEREMÍAS 1:19

Jae reta oekata maratu ndeapo vaerä, ërei ngaraa nemoamɨri, echa che aïta nde ndive, roepɨ vaerä. Che ndeYa ko, jae kuae ndeve.”

JEREMÍAS 42:11

Agüɨye pekɨɨye mburuvicha guasu Babilonia pegua güi, jókuae pekɨɨye yae chugüi vae. Agüɨye pekɨɨye, echa che aï pe ndive poepɨ vaerä jare pogüɨroasayepe vaerä imbaepuere güi. Che peYa ko jae kuae.

JEREMÍAS 48:45

Amogüe reta otekuarai tëi ipuerembae reve, oeka oñepɨ̈ro vaerä tëta guasu Hesbón pe; ërei Hesbón, mburuvicha guasu Sehón jëta jendɨ oï, jare tata oñemoai oapɨ ɨvɨtɨ Moab pegua, jovaicho pota yae vae reta.

DANIEL 9:5

oreyoa, royapo ikavimbae, royapo jupimbae; orepɨa pochɨ jare royembosɨrɨ ndeporookuai reta güi.

DANIEL 9:9

OreYa Tumpa, ndegüi ko outa mboroparareko jare ñɨ̈ro. Yepe tëi ore orepɨa pochɨ ndekotɨ,

NÚMEROS 13:30

Jayave Caleb omokïrii opaete vae Moisés jóvai ñogüɨnoi vae, jare jei: —¡Yaja ɨmambae, jare ñapɨ̈ro; echa yandepuere ko ñamoamɨri reta!

NÚMEROS 17:6

Jare Moisés omomiari Israel iñemuña reta, jare opaete mburuvicha reta omee chupe ipopoka; metei ñavo mburuvicha omee metei popoka ñemuña ñavo re, opa reve doce popoka; jare Aarón ipopoka oï jae reta ipopoka ipɨte pe.

NÚMEROS 20:2

Jare opaete vae oyomboatɨ Moisés kotɨ jare Aarón kotɨ, mbaetɨ ɨ chupe reta jeko pegua.

NÚMEROS 24:8

Tumpa ko, Egipto güi güɨnoe reta; jae ko ipɨ̈rata yae chupe reta toro rami. Israel iñemuña reta opata omokañɨtei tëtaguasu tovaicho reta, opata oikägüe rakɨo reta, oñɨvota mii raɨ ipo pegua pe.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

DEUTERONOMIO 1:21

Mase, yandeYa Tumpa omee peve ɨvɨ, pekua pepɨ̈ro pembaerä peñemuñagüe reta iTumpa jei peve rami, agüɨye pekɨɨye jare peyembopɨtu.’

DEUTERONOMIO 1:26

Ërei ngatu mbaetɨ peipota peyeupi peo vaerä jókuae ɨvɨ pe, jaeño, peyembopɨapochɨ peyapo vaerä peTumpa iporookuai.

DEUTERONOMIO 1:29

Jayave che jae peve: ‘Agüɨye peñeiämondo, agüɨye pekɨɨye chugüi reta.

DEUTERONOMIO 31:6

Peñemomɨ̈rata jare peñemoäta ngatu; agüɨye pekɨɨye; agüɨye pekɨɨye chugüi reta, echa yandeYa Tumpa ko oï pe ndive; ngaraa pereeya peangarekoambae.”

DEUTERONOMIO 31:8

YandeYa ojota nderenonde; jae oïta nde ndive, ngaraa ndereeya, ngaraa ndereeya iyangarekoambae; agüɨye ekɨɨye jare agüɨye ndepɨa kɨɨye.”

DEUTERONOMIO 32:42

Tugüɨ katuaita cheruvɨ, jare chekɨsepuku oyemoangapɨɨta soo re: ¡Tëogüe jare tembipɨɨ reta jugüɨ pe! ¡Tovaicho reta iavuku vae iñäka re!’

DEUTERONOMIO 7:18

¡Agüɨye pekɨɨye chugüi reta! Pemaendúa kavi kërai yandeYa Tumpa oyapo Faraón jare opaete Egiptoɨgua reta pe vae.

DEUTERONOMIO 7:21

Agüɨye peyembopɨtu jae reta jóvai, echa yandeYa Tumpa oï pepɨte pe, jae ko Tumpa tuichagüe jare kɨɨyea.

DEUTERONOMIO 9:7

Agüɨye peakañɨ pemboarasɨuka yandeYa Tumpa ñuu pe vae güi. Pepɨapochɨ ko yandeYa kotɨ ɨvɨ Egipto güi peë güive kuae pe peväe regua.

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.

JOSUÉ 14:12

Jayave emee cheve jókuae ɨvɨtɨ guasu yandeYa imiari jese vae. Nde reikuaa jókuae ara rupi Anac iñemuña reta yogüɨreko joko pe vae, jare oime tëta guasu reta tuicha yae vae jare oñekëse kavi yae vae. Ërei aäro yandeYa oï vaerä che ndive, anoe vaerä amombo reta joko güi, yandeYa jei rami.”

JUECES 1:22

José iñemuña reta opüa Bet-el re, tenonde yave tëta Luz jee yepi vae, omondo reta oporopïaro vae joko pe. YandeYa omborɨ reta.