NÚMEROS 14:18 - Biblia Guarani Tumpa Iñee

¹⁸ Tumpa mbaetɨ iyarasɨ raivi, jare tuicha yae iporoparareko, mbaeyoa jare pɨapochɨ re iñɨ̈ro, ërei jeko vae mbaetɨ oeya jökoraiño; jare oitɨ iyarasɨ tenondegua reta iyoa jeko pegua taɨ reta re, jare jɨmɨmino reta re, jɨmɨmino reta jɨmɨmino yoapɨ ye re.

NÚMEROS 14:18 Iomraidhean Croise

NEHEMÍAS 9:17

Mbaetɨ ikɨ̈reɨ reta oyeapɨsaka, ani imaendúa reta mɨakañɨ reta reechauka chupe reta vae re. Oyembopɨa täta reta, jare ipɨarai jeko pegua oyemongeta reta jare oiparavo reta iyeupe metei itenondeguarä, jae güɨraja ye vaerä yeokuaiasɨ katúa kotɨ, Egipto pe. Ërei nde ko Tumpa iñɨ̈ro katu vae, oyeaeä vae, ipɨaguasu vae, iporoparareko vae, mbaetɨ iyarasɨ raivi vae jare tuicha iporoaɨu vae, jare mbaetɨ reeya reta.

JOB 21:19

Tumpa ko oiporaraukata ñemuña reta pe, tu reta jeko kavimbae re, ërei jeko pɨ̈chɨi vae etei ko oiporarata jeko re, oikuaa reta vaerä.

SALMOS 103:8

YandeYa, iporoparareko yae vae ko jare oyeaeä yae vae ko; jae mbaetɨ iyarasɨ raivi vae ko jare iporoparareko yae vae.

SALMOS 108:4

Echa, ndeporoparareko tuicha yae ko ara güi. ¡Neñee añetete vae, ojoi ko oya ara re!

SALMOS 109:14

YandeYa timaendúa tu oyapo ikavimbae vae re, jare ichɨ iyoa agüɨye tomboai;

SALMOS 145:8

YandeYa iyeaeä vae jare iporoparareko vae ko, jae mbaetɨ iyarasɨ raivi vae ko, iporoparareko yae vae ko.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

ÉXODO 20:6

jare opaete cheraɨu vae jare oyapo cheporookuai reta vae re cheporoparareko.

JEREMÍAS 23:2

Jáeramo körai jei yandeYa Israel iTumpa, cherëta re oyangareko vae reta pe: “Pe reta opa pemoai moai jare peiämondo chevecha reta jare mbaetɨ peyangareko jese. Mase, añave aiporaraukata peve perembiapo kavimbae re. Che ndeYa ko jae kuae.

JEREMÍAS 32:18

Ndeporoparareko avei, ërei reinupa vi kuimbae reta tu reta iyoa jeko pegua. ¡CheYa, Tumpa tuicha ete vae jare imbaepuere yae vae, nderee jae ko yandeYa Imbaepuere yae ete vae!

LAMENTACIONES 5:7

Oreñemuñagüe reta iyoa, jare opa ma omano; ërei ore roiporara jae reta iyoa re.

JONÁS 4:2

Jare oyerure Tumpa pe körai: —Añave, cheYa Tumpa aikuaa voi ko kuae, cheɨvɨ pe vɨteri aï yave. Jáeramo ko atekuarai Tarsis kotɨ; echa aikuaa nde ko jae Tumpa ipɨaguasu yae vae, mbaetɨ iyarasɨ voi vae, jare iporoparareko yae ete vae, jare reipoepɨ ndeyemongeta ikavimbae reyapota tëi vae.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

NÚMEROS 14:17

Jáeramo cheYa, añave romoñera oyembotuicha vaerä ndembaepuere, nde rere rami. Echa rere:

NÚMEROS 23:21

Mbaetɨi oecha ikavimbae jare yembotavɨ Israel iñemuña reta re. YandeYa Tumpa oime oï jae reta ndive. Jare jae reta osapúkai omboete mburuvicha guasu rami.

Romanos 5:21

Mbaeyoa güɨnoi mbaepuere opaete vae re mano peguarä, jökorai Tumpa ipɨakavi güɨnoi mbaepuere yanderé yandembojupi vaerä, tekove opambae vae peguarä yandeYa Jesucristo rupi.

DEUTERONOMIO 5:10

cheporoparareko opaete cheraɨu jare oyapo katu cheporookuai reta vae re.

DEUTERONOMIO 5:9

Agüɨye peyetavatɨka jóvai, agüɨye vi pemboete, echa che ko jae peYa Tumpa jägüɨro vae, aiporarauka peñemuñagüe reta pe iyoa re vae, taɨ reta, jɨmɨmino reta pe jare taɨ jɨmɨmino reta pe, chemotareɨ vae reta pe,

DEUTERONOMIO 7:10

ërei jae etei omokañɨtei imotareɨa pe; oärombae reve oipararauka imotareɨa pe, jae etei ko omboepɨta chupe.

DEUTERONOMIO 7:9

Peikuaa peyeupe yandeYa Tumpa, jae ko Tumpa; Tumpa jupi vae, ombopo morogüɨrökuavee päve jare mboroparareko opaete iporoaɨu ikotɨ vae reta pe jare oyapo iporookuai vae reta pe;