NÚMEROS 12:6 - Biblia Guarani Tumpa Iñee

⁶ Jare jae jei chupe reta: “Peyeapɨsaka añave cheñee re: Oime yave pepɨte pe cheñeemombeúa, ayeechaukata chupe, ipaɨu pe chemiarita jae ndive;

NÚMEROS 12:6 Iomraidhean Croise

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

GÉNESIS 20:7

Jayave, emee ye kuña ime pe, echa jae ko ñeemombeúa, oyerureta nderé jare reikoveta. Ërei ngatu mbaetɨ yave remee ye, añetete remanota jare opaete neñemuña.”

GÉNESIS 28:12

Jare opaɨu: Ipaɨu pe oecha metei yeupika ɨvɨ güi ojoi ara re oya vae; jare Tumpa iaraɨgua reta jeta oyeupi jare jekuae ogüeyɨ reta jokoropi.

GÉNESIS 28:16

Javoi Jacob osareko ipaɨu güi, jare jei: “Añetete, cheYa Tumpa etei yepe oï kuae pe, jare che mbaetɨ aikuaa.”

GÉNESIS 37:5

Jare José opaɨu, kuae omombeu tɨkeɨ reta pe yave, jeiete tɨkeɨ reta omotareɨ.

GÉNESIS 37:9

Jekuae opaɨu ye José, jare imiari tɨkeɨ reta pe: —Apaɨu ye körai: Aecha kuaraɨ jare yasɨ, jare once yasɨtata reta itindɨ chekotɨ chemboete.

GÉNESIS 46:2

Jare jókuae pɨ̈tu oyekuaa Tumpa jare imiari Israel pe ipaɨu rupi jare jei chupe: —Jacob, Jacob. Jare jae jei: —Ko aï.

2 SAMUEL 7:4

Ërei jókuae pɨ̈tu, yandeYa imiari Natán pe, jei chupe:

1 REYES 3:15

Salomón opa yave, oecha opaɨu yepe; jare ou Jerusalén pe, ou oñeñono yandeYa ikäjou morogüɨrökuavee päve pegua jóvai, jare oyuka omee mɨmba oyuka opaetei oyeapɨ vae, jare mɨmba oyeyuka yembopɨakatu pegua vae, jare oyapo vi arete opaete iyɨvɨrigua reta pe.

1 REYES 3:5

Jare metei pɨ̈tu Salomón ipaɨu pe yandeYa oyekuaa chupe Gabaón pe, jei chupe: “Eiporu cheve nde reipota vae, tamee ndeve.”

JOB 33:15

Ámope pɨ̈tu yave imiari mbaɨu rupi ani mbae oyekuaa vae rupi, kuimbae reta oke yave, topeɨ oyaporai yave.

JOB 4:13

Pɨare yave kuimbae reta jopeɨ yae ma yave, chepaɨu chembokepegua.

SALMOS 105:15

jei körai: “Agüɨye pepoko cherembiparavo reta re, agüɨye mbae peyapo cheñeemombeúa reta pe.”

SALMOS 89:19

Jayave nemiari yepi nderembiokuai reta pe körai: “Aiparavo metei jëia yae vae, chembae vae reta ipɨte pe, ambotuicha yae jare amborɨ.

ÉXODO 7:1

YandeYa jei Moisés pe: —Mase, roñono cherekovia pe Faraón jóvai, jare nderɨkeɨ Aarón toï neñee omombeu vaerä.

JEREMÍAS 23:25

Aendu jókuae ñeemombeúa reta iyapu reve omoërakua mbae maratuta vae cheree re vae, jare jei reta che chemiari jae reta ndive ipaɨu rupi vae.

JEREMÍAS 23:28

¡Metei ñeemombeúa opaɨu yave, tomombeu opaɨu ko vae; ërei cheñee omboresive ko yave, tomombeu kavi añetegüe! Mbaetɨi ko kapii oyovake trigo ndive.

EZEQUIEL 1:1

Che sacerdote Ezequiel, Buzi taɨ, metei ara aï ɨ̈aka Quebar jembeɨ pe, Babilonia pe, tembipɨɨ oyereraja vae reta ipɨte pe yave, oyepea ara, jare aecha Tumpa. Kuae ko oasa treinta añoa re, irundɨa yasɨ re, pandepo araa pe, jae ko pandepo año ma mburuvicha guasu Joaquín oyererajauka tembipɨɨrä yave. YandeYa ombou oñono ipo cheré.

DANIEL 10:8

Cheño ete apɨta, jare aecha kuae mɨakañɨ guasu oyekuaa cheve vae, jare mbaetɨ etei cherete ipɨ̈rata, opaetei cherëogüe, mbaetɨ etei chepuere.

DANIEL 2:19

Jókuae pɨ̈tu Tumpa oechauka Daniel pe jókuae yaikuaambae vae, jese Daniel omboete Tumpa ara pe oï vae

DANIEL 7:1

Meteia año ma Belsasar oï mburuvicha guasurä Babilonia pe yave, Daniel ipaɨu pe oecha mbae jupa pe oï ramboeve. Jare osareko yave oikuatía jókuae ipaɨu regua.

DANIEL 8:2

Kuae aecha vae pe aïecha tëta Susa pe, jae ko tëta mburuvicha guasu reta iporookuaía ɨvɨ Elam pe, ɨ̈aka Ulai jee vae jembeɨ pe.

OSEAS 12:11

Galaad pe oime tumpa reta, ërei tumpa-raanga retaño ko. Gilgal pe oyuka reta toro; mɨmba oyeyuka oyeapɨ jese vae jae reta imbae, kó rupi jeta ita yatɨ yatɨ temitɨ pɨte rupi rami ko.”

JOEL 3:1

Jókuae ara rupi, aru yeta tembipɨɨ güi Judá jare Jerusalén,

ZACARÍAS 1:8

Metei pɨ̈tu aecha, metei kuimbae kavayu pɨ̈ta vae re opo oï ñana pɨte pe ɨvɨtɨ päu ipea pe; jare jaɨkue kotɨ ñogüɨnoi kavayu pɨ̈ta vae reta, ipara jare tïi vae reta.

NÚMEROS 24:4

Tumpa iñee oendugüe jei vae, Imbaepuere yae ete vae oechauka mbae chupe vae, ikera rupi mbae oecha katu vae:

San Mateo 1:20

Ërei kuae re oyemongeta ramboeve, metei araɨgua yandeYa pe oyeokuai vae oyekuaa chupe ipaɨu pe jare jei chupe: “José, David iñemuña pegua. Agüɨye eipoɨu emenda María ndive. Echa ipurúa ko Espíritu Santo imbaepuere rupi.

San Mateo 2:19

Ërei Herodes omano ma yave, José Egipto pe oï ramboeve, metei yandeYa iaraɨgua oyekuaa José pe ipaɨu pe.

San Mateo 23:31

Jökorai pere vae rupi, peyekuaauka kërai pe reta ko jae ñeemombeúa reta oyuka vae reta iñemuñagüe.

San Mateo 23:34

Jáeramo ambouta peve ñeemombeúa reta, yarakuaa vae reta jare cheporookuai re oporomboe vae reta. Ërei peyukata, amogüe peyukata kurusu re, amogüe peinupata chikote pe petupao reta rupi jare peaɨkuemoña retata tëta guasu ñavo rupi.

San Mateo 23:37

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Mateo 27:19

Jare Pilato oguapɨ yave oï morojäa pe, jembireko ombou jei chupe: “Agüɨye eyapo mbae jókuae kuimbae jupi vae pe. Echa apaɨu kaviä yae jae jeko pegua.”

San Lucas 1:11

Jayave oyekuaa chupe metei yandeYa iaraɨgua, oyemboɨ oï ikäti kavi vae incienso oyeapɨ jese vae iyakatu kotɨ.

San Lucas 1:22

Jare Zacarías oë yave, mbaetɨ ipuere omoë iñee chupe reta. Jáeramo jae reta oikuaa Zacarías oecha ko mbae tupao pe oï ramboeve. Echa jae omomiari reta ipo peño. Jare mbaetɨ ipuere iñee omoë.

San Lucas 20:6

Ani yae yave: ‘Ɨvɨ pegua reta ko ombou’, opaete vae reta yandeapita ita pe yandeyuka. Echa jae reta güɨrovia Juan ko jae metei ñeemombeúa.”

Hechos 10:11

jare oecha ara oyepea jare metei asoya tuicha vae rami vae ogüeyɨ ɨ́vɨkotɨ. Kuae oñeapɨti reve irundɨ ekina reta pe oyembogüeyɨ.

Hechos 10:17

Jare Pedro ipɨakañɨ reve ipɨa pe oyemongeta oï mbae ra oipota jei jókuae oecha vae re ramboeve, kuimbae reta Cornelio ombou vae oparandu yogüeru Simón jo re vae yogüeru oväe öke pe.

Efesios 4:11

Jare Cristo etei oñono amogüe temimondorä, ñeemombeuarä, ñee ikavi vae omoërakua vaerä, oporogüɨrovia vae reta iyangarekoarä, oporomboe vaerä.

DEUTERONOMIO 18:15

YandeYa Tumpa omopüata pepɨte güi ñeemombeúa che rami vae, jese peyeapɨsaka jare peyapo jeigüe.

DEUTERONOMIO 18:18

Cheñeemombeúa amopüata chupe reta, jëtara reta ipɨte güi oëta metei nde rami vae; che ameeta iñeerä jare imiarita chupe reta opaete che ayókuai rami.

Hebreos 1:1

Arakae rupi Tumpa jeta imiari ñaneñemuñagüe reta pe iñeemombeúa reta rupi güire.

Apocalipsis 11:10

Jare ɨvɨ pegua reta oyeroviata jókuae mókoi kuimbae jëogüegüe re. Oyapo retata arete jare omondota oyoupe mbota reta. Echa ndei omano mbove, jókuae mókoi ñeemombeúa reta oiporarauka yae ɨvɨ pegua reta pe.

Apocalipsis 11:3

Jare ambouta mókoi kuimbae chemoërakua vae reta, omoërakua vaerä mil dosciento sesenta ara, oyemonde reta reve temimonde mbɨatɨtɨ pegua pe.”

1 SAMUEL 28:6

Jayave oparandu yandeYa pe; ërei yandeYa mbaetɨ omombeu chupe mbaɨu rupi, Urim rupi, ani ñeemombeúa reta rupi ave.

1 SAMUEL 3:15

Jare Samuel oyapakua oke köe regua, jayave oipea yandeYa jo jöke. Jare Samuel oipoɨuño omombeu Elí pe jókuae Tumpa güi oendugüe.

1 SAMUEL 3:21

Jare yandeYa oyekuaa ye Samuel pe tëta Silo pe; echa joko pe yandeYa omombeu chupe iñee.