NÚMEROS 12:2 - Biblia Guarani Tumpa Iñee

² Jei reta vi: “¿Moisés rupiño pa yandeYa imiari? ¿Mbaetɨ pa imiari vi yande rupi?” Jare kuae oendu yandeYa.

NÚMEROS 12:2 Iomraidhean Croise

GÉNESIS 29:33

Jaɨkue rupi Lea ipurúa ye jare oa imembɨ, jare jei: “Echa yandeYa oendu che añereröɨrouka vae jare omee ye cheve kuae.” Jare ombojee Simeón.

2 SAMUEL 11:27

Ërei oasa güire ime oäpiro vae iara yave, David omondo güeru jo pe; jare oiko jembirekorä, jare imembɨ chupe metei kunumi. Ërei kuae David oyapo vae, mbaetɨ etei ikavi yandeYa jesa róvai.

2 REYES 19:4

Güɨramoi yandeYa Tumpa oendu opaete Rabsaces iñee reta, iya mburuvicha guasu Asiria pegua ombou iñeenguruasɨ katu vaerä Tumpa oikove avei vae kotɨ, oiporarauka vaerä iñee rupi; kuaekuae yandeYa Tumpa oendu. Jáeramo eyerure oimeño opɨtagüe reta re.”

ÉXODO 4:14

Jayave yandeYa iyarasɨ Moisés kotɨ, jare jei chupe: —¡Joko oï nderɨkeɨ Aarón, Leví iñemuña! Jae oikatu imiari, jae oëta nerövaiti jare ndereecha yave, oyerovia yaeta omae nderé.

ÉXODO 4:30

jare Aarón imiari opaete mbaembae yandeYa jei Moisés pe vae, jare oyapo mɨakañɨ opaete vae jesa róvai.

ÉXODO 5:1

Kuae jaɨkue rupi Moisés jare Aarón yogüɨraja jei Faraón pe: —OreYa, Israel iTumpa jei körai: “Emaeño toyogüɨraja chembae vae reta ñuu kotɨ oyapo vaerä cheve arete mbaemboete pegua.”

ÉXODO 7:10

Jökorai Moisés jare Aarón yogüeru Faraón pɨri jare oyapo reta yandeYa oyókuai rami. Jare Aarón oitɨ ɨvɨ re ipopoka Faraón jóvai jare oyeapo mboirä.

PROVERBIOS 13:10

Pɨayemboete, güeru ñeraro; ërei yemboarakuaa oendu vae, yarakuaa katu.

ISAÍAS 37:4

Mbae mona ndeYa Tumpa oendu Rabsaces jeigüe, echa juvicha guasu Asiria pegua ombou iñeeasɨ katu vaerä jare jei vaerä mbae ikavimbae Tumpa oikove vae kotɨ, toiporarauka chupe jókuae jeigüe re; jae oendu ko opaete jókuae ñee reta. Eyerure chupe jembɨre vɨteriño vae reta re.”

MIQUEAS 6:4

Echa che pogüɨnoe ɨvɨ Egipto güi, yeokuaiasɨ katu güi poepɨ, jare añono pereroata vaerä Moisés, Aarón jare María.

NÚMEROS 11:1

Jare Israel iñemuña reta iñeenguru yandeYa kotɨ; yandeYa oendu jare iyarasɨ yae, jare ombou tata chupe reta, jare opa oapɨ teyupa metei jembeɨ.

NÚMEROS 11:29

Jare Moisés jei chupe: —¿Nerägüɨro pa cheré? ¡Mbae mona opaete vae, kuae tëta yandeYa imbae omombeu Tumpa iñee, jare yandeYa oñono iespíritu metei ñavo vae re!

NÚMEROS 12:3

Jare jókuae kuimbae Moisés ipɨaguasu yae vae ko, opaete kuimbae reta ɨvɨ pegua güi.

NÚMEROS 16:3

Yatɨ reta Moisés jare Aarón kotɨ, jei reta chupe körai: —¡Joko peño mo pe reta! Echa opaete Israel iñemuña reta oñeñono tee vae ko, oime ko yandeYa oiko jae reta ipɨte pe. ¿Maera pa pe reta peñeñono mburuvicharä kuae tëta yandeYa imbae re?

Romanos 12:10

Peyoaɨu oñoëtara ete vae reta rami. Pemae kavi oyoe peyomboete reve.

Romanos 12:3

Tumpa ipɨakavi rupi oñemee cheve vae rupi jae peve kuae: Agüɨye kia ave toyemongeta iyé tuicha yae ko vae, jókuae güɨnoi vae güi. Ërei metei ñavo toyemongeta kavi iyé Tumpa omee chupe mborogüɨrovia rupi vae re.

Filipenses 2:14

Opaete peyapo vae peyapo peñeengurumbae reve jare peñorarombae reve.

Filipenses 2:3

Agüɨye mbae peyapo peyovaicho vaerä oyoe. Agüɨye mbae peyapo peyembotuicha reve; ërei opaete mbaembae peyapo peñemomichi reve, metei ñavo tomae ïru vae re tuichagüe re rami;

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”