NÚMEROS 12:13 - Biblia Guarani Tumpa Iñee

¹³ Jayave Moisés oyerure yandeYa pe, jei reve: “Romoñera añave cheTumpa, rembogüera vaerä.”

NÚMEROS 12:13 Iomraidhean Croise

GÉNESIS 20:17

Jayave Abraham oyerure Tumpa pe; jare Tumpa oipoano Abimelec jare jembireko, jare jembiokuai kuña reta, oime vaerä iñemuña reta.

1 REYES 13:6

Jayave mburuvicha guasu Jeroboam jei Tumpa iñeemombeúa pe: —Romoñera reyerure vaerä cheré ndeYa Tumpa pe, chepo okuera vaerä. Tumpa iñeemombeúa oyerure yandeYa pe, jare mburuvicha guasu ipo okuera, opɨta tenonde rami.

SALMOS 30:2

CheYa Tumpa, aiporu yemborɨ ndeve, jare chembogüera;

SALMOS 41:4

Che jae: “CheYa, cheparareko; chembogüera, yepe tëi cheyoa ndekotɨ.”

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ÉXODO 4:7

Jare Tumpa jei ye chupe: —Emoinge ye nderendapɨgüɨ pe ndepo. Jare Moisés omoinge ipo jendapɨgüɨ pe, jare güɨnoe ye yave, oecha opa ye okuera tenonde yave ipire rami.

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

JEREMÍAS 17:14

Chepoano cheYa Tumpa, jare takuera; chereepɨ cheYa, jare taasayepe, echa ndeño ko romboete.

NÚMEROS 11:2

Jayave opaete vae osapúkai Moisés pe, jare Moisés oyerure yandeYa pe, jare tata ogüe.

NÚMEROS 12:12

Agüɨye María ipire topɨta michia raɨ omano oa vae ipire rami, echa jókuae nunga oa ichɨ jɨe güi yave, ipire ichuumbi äve voi ma ko oa.”

NÚMEROS 14:2

Jare opaete Israel iñemuña reta iñeenguru Moisés jare Aarón kotɨ; jare jei reta: “¡Maera ra ñamano voiä ɨvɨ Egipto pe ani kuae ñuu pe!

NÚMEROS 16:41

Pɨareve pe opaete Israel iñemuña reta iñeenguru Moisés jare Aarón kotɨ, jei reve: —¡Pe reta peyuka tëta yandeYa imbae!

San Lucas 23:34

Jayave Jesús jei: —¡CheRu, neɨ̈ro chupe reta. Echa mbaetɨ oikuaa reta oyapo ñogüɨnoi vae! Jayave sundaro reta omboyao oyoupe Jesús jemimondegüe, oyombosuerte reta jese.

San Lucas 6:28

Peñee kavi oyepopeyu peré vae reta kotɨ; peyerure Tumpa pe indaye pekotɨ vae reta re.

Hechos 7:60

Jayave oyetavatɨka, jare iñeeäta reve jei: “CheYa, agüɨye eiporarauka chupe reta kuae mbaeyoa re.” Jare kuae jei yave, omano.

Romanos 12:21

Agüɨye eñemoamɨriuka ikavimbae pe. Jaeño ikavimbae emoamɨri ikavi vae rupi.

Santiago 5:15

Jare mborogüɨrovia reve oyerure reta yave, imbaerasɨ vae okuerata ko. Echa yandeYa omopüata ko. Jare imbaerasɨ vae oyapo yave mbaeyoa reta, Tumpa iñɨ̈rota chupe.

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.