NÚMEROS 11:25 - Biblia Guarani Tumpa Iñee

²⁵ Jayave yandeYa ogüeyɨ amapɨtu re, jare omomiari; jare oekɨ espíritu oï jese vae güi, jare oñono jókuae setenta kuimbae tenondegua reta re; jare espíritu ogüeyɨ iárambo reta yave omboɨpɨ omombeu reta Tumpa iñee jókuae ara osondombae etei, ërei jókuae güire mbaetɨ ye.

NÚMEROS 11:25 Iomraidhean Croise

2 REYES 2:15

Jare ñeemombeúa reta Jericó pegua ɨ rovaicho pe ñogüɨnoi vae oecha ramboeve, jei reta: “¡Elías imbaepuere etei opɨta Eliseo re!” Jayave yogüeru oövaiti reta, jare oyetavatɨka itindɨasɨ reta jóvai,

NEHEMÍAS 9:20

Jare rembou vi ndeEspíritu kavi omboe reta vaerä; mbaetɨ remboata maná jou reta vaerä jare ɨ iɨuve yave peguarä.

SALMOS 99:7

Amapɨtu jɨsɨ vae güi jae imiarise jae reta ndive, jare jae reta oyapo yepi, jae mborookuai omee chupe reta vae.

ÉXODO 32:32

Añave romoñera, neɨ̈ro chupe reta iyoa re, jare mbaetɨ yave neɨ̈ro, ¡emboai cheree tembikuatía pe reikuatía vae güi!

ÉXODO 34:5

Jare yandeYa ogüeyɨ metei amapɨtu re, jare oï joko pe Moisés ndive, oñeenɨi reve jee ae pe.

ÉXODO 40:38

Echa yandeYa iamapɨtu oï tupao guakapi pegua iárambo, ara pe jare pɨ̈tu yave tata omoembipe jae reta iárambo, opaete Israel iñemuña reta jovake, opaete ara oguata yogüɨreko rupi.

ISAÍAS 63:11

Ërei jókuae Israel iñemuña reta imaendúa arakae vae re, Moisés re jare opaete vae reta re, jare jei reta körai: “¿Ketɨ pa oime oï jókuae Tumpa güɨnoe imbae vae reta ɨguasu güi vae, ivecha reta iyangarekoa Moisés ndive vae? ¿Jókuae oñono Moisés iyɨvɨte pe iespíritu vae,

EZEQUIEL 8:11

Jare jókuae mbae iä reta jóvai ñogüɨnoi setenta Israel iñemuña itenondegua reta, jare Jaazanías, Safán taɨ oï jae reta ipɨte pe, omboete reta jókuae tumpa-raanga reta; metei ñavo güɨnoi ikäti kavi vae incienso oyeapɨ pɨpe vae ipo pe; chugüi jüu opüa incienso jätati.

NÚMEROS 11:17

Jare che agüeyɨta chemiari nde ndive joko pe, jare aekɨta espíritu oï nderé vae güi, jare añonota jese reta; jare güɨroata reta vaerä vi nde ndive kuae tëta iyemoambeko. Jökorai mbaetɨta reroata nde aeño pe.

NÚMEROS 12:5

Jayave yandeYa ogüeyɨ amapɨtu re, jare ou oñeñono tupao guakapi pegua jöke pe, jare oenɨi Aarón jare María; jare yogüɨraja päve jóvai.

NÚMEROS 16:25

Jayave Moisés opüa jare ojo Datán jare Abiram pɨri, jare opaete Israel iñemuña itenondegua reta vi yogüɨraja jupíe.

NÚMEROS 24:2

omopüa iñäka omae yave oecha Israel iñemuña reta ñogüɨnoi jeyupa pe, ñemuña ñavo; ou jese Tumpa iEspíritu;

NÚMEROS 27:18

Jare yandeYa jei Moisés pe: —Eenɨi Josué Nun taɨ, kuimbae iyarakuaa katu yae vae, jare eñono ndepo iñäka re;

Hechos 11:28

Jare metei chugüi reta Agabo jee vae opüa oyemboɨ, jare jei Espíritu Santo rupi oimeta ko karuai guasu opaete ɨvɨ rupi. Kuae oyembopo mburuvicha guasurä Claudio oiko yave.

1 Corintios 14:32

Jare Tumpa güi omoërakua vae reta oime mbaepuere güɨnoi iyé ae;

Santiago 1:17

Opaete mbaembae ikavi yae oñemee yandeve vae ara güi ko ou, yandeRu tembipe reta iyapoa güi, jae ko mbaetɨi oyepoepɨ vae.

2 Pedro 1:21

echa ñeemombeúa reta mbaetɨ imiari ipɨa jemimbota rupi aeño. Espíritu Santo etei omombeu chupe reta jei reta vaerä Tumpa iñee.

JUECES 3:10

Jare yandeYa iEspíritu ou Otoniel re omboarakuaa katu vaerä, jare jae ojo Israel iñemuña reta jenonde, ñeraroa pe, jare yandeYa omee ipo pe Cusan-risataim, mburuvicha guasu Siria pegua, jare güɨnoi mbaepuere jese.

1 SAMUEL 10:10

Jare opa yogüɨraja reta oväe jókuae ɨvɨtɨ oïa pe yave, ko jókuae mbovɨ ete ñeemombeúa reta vae oñoövaiti jae ndive, jare Tumpa iEspíritu ou jese mbaepuere ndive, jare omombeu Tumpa iñee jae reta ndive.