NÚMEROS 11:12 - Biblia Guarani Tumpa Iñee

¹² ¿Che pa ko jae tu ani ichɨ, rerajauka vaerä cheve, avoɨ vaerä araja michia raɨ okambu vae oyevoɨ rami, ɨvɨ rerökuavee nderee re iñemuñagüe reta pe vae pe?

NÚMEROS 11:12 Iomraidhean Croise

GÉNESIS 13:15

echa opaete kuae ɨvɨ remae reï jese vae ameeta ndeve jare neñemuña reta peguarä jekuae avei pegua.

GÉNESIS 24:7

YandeYa Tumpa ara pe oï vae cherenoe cheru jëta güi jare cherëtara reta güi vae, güɨrökuavee cheve jae jee re aeño: “Neñemuña pe ameeta kuae ɨvɨ” jae ko omondota iAraɨgua nderenonde jare nde reruta joko güi kuña cheraɨ peguarä.

GÉNESIS 26:3

eiko oguataiño vae rami kuae ɨvɨ pe, che aïta nde ndive, cheporerekuata nderé, echa ndeve jare neñemuña reta pe ameeta opaete kuae ɨvɨ. Jökorai amoañeteta ñererökuavee ayapo nderu Abraham ndive vae.

GÉNESIS 50:24

Jare José jei jëtara reta pe: “Che amanota ma, ërei Tumpa outa metei ara pemborɨ, jae perenoeta kuae ɨvɨ güi, arakae ma Tumpa güɨrökuavee ɨvɨ Abraham pe vae, jare Isaac pe jare yanderu Jacob pe vae kotɨ.”

2 REYES 10:1

Acab güɨnoi setenta taɨ reta Samaria pe, jayave Jehú oikuatía tupapire omondo joko pegua mburuvicha reta pe, tenondegua reta pe jare Acab iñemuña reta iyangarekoa reta pe, jei körai:

2 REYES 10:5

Jare omaangareko vae, mburuvicha tëta guasu pegua, tenondegua reta, jare michia reta iyangarekoa reta omondo jei Jehú pe: “Nderembiokuai ko ore, royapota opaete nde oreokuai vae; ërei mbaetɨta roiparavo mburuvicha guasurä metei ave, eyapo oreve nde reipota vae.”

ÉXODO 13:11

YandeYa pereraja ma yave Canaán iñemuña reta iɨvɨ pe, peñemuñagüe reta pe jae güɨrökuavee vae omee ma peve yave,

ÉXODO 13:5

kuae yasɨ pe etei peyapota arete, yandeYa pereraja ma peñono jókuae ɨvɨ kavi yae vae pe yave, jae ko cananeo, heteo, amorreo, heveo, jare jebuseo reta iɨvɨ, peñemuñagüe reta pe jae oñererökuavee omee vaerä peve vae pe.

ÉXODO 33:1

YandeYa jei Moisés pe: —Ekua. Opa eraja opaete ɨvɨ Egipto güi renoe vae reta, ɨvɨ che arökuavee amee vaerä Abraham, Isaac, jare Jacob pe vae pe, jae reve: Peñemuña reta pe ameeta.

ÉXODO 6:8

Pogüɨrajata poñono Abraham, Isaac jare Jacob pe chepo amopüa reve añererökuavee amee vaerä ɨvɨ chupe reta vae pe, che ameeta peve pembaerä. Che ko peYa.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 49:15

¿Kuña iñakañɨta ra imembɨ güi, ani ikueraita ra oaɨu? Yepe tëi kuña iñakañɨ imembɨ güi, ërei che ngaraa cheakañɨ ndegüi.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

EZEQUIEL 34:23

Jare ambouta metei vecha iyangarekoa, jae oyangarekota jese reta; jae ko cherembiokuai David, jae oyangarekota jese reta; jae oikota iyangarekoarä.

San Juan 10:11

Che ko jae vecha reta iyangarekoa ikavi vae. Vecha reta iyangarekoa ikavi vae omano vecha reta oepɨ vaerä.

1 Corintios 4:15

Echa yepe tëi jeta pemboe Cristo re vae, ërei mbaetɨ ko jeta peru. Che ko jae peru rami Cristo Jesús re ñee ikavi vae amoërakua peve vae rupi.

Gálatas 4:19

Cheraɨ reta, jekuae oiporara ye peré, metei kuña imembɨrasɨ vae oiporara yae oï rami; Cristo etei oyekuaa regua peré.

DEUTERONOMIO 1:31

Kuimbae oipoko taɨ güɨroata rami, peecha yandeYa Tumpa pereroata ñuu rupi opaete peguataa rupi, peyu regua peväe kuae pe.’

1 Tesalonicenses 2:7

Ërei ore royangareko ko peré poaɨu reve, metei kuña michia iyangarekoa oyangareko imembɨ re rami.