NÚMEROS 10:9 - Biblia Guarani Tumpa Iñee

⁹ Jare peɨvɨ pe ma peiko yave, peë peñeraro perovaicho oporepeña peré vae reta ndive yave, toñemoñee pɨi pɨi sapúkai reve mimbɨguasu reta; peYa Tumpa imaenduata peré, jare pereepɨta perovaicho reta güi.

NÚMEROS 10:9 Iomraidhean Croise

GÉNESIS 8:1

Jare Tumpa imaendúa Noé re, jare opaete mbaemɨmba reta jae ndive ñogüɨnoi arca pe vae re. Jare Tumpa ombou ɨvɨtu ɨvɨ iárambo, jare ɨ omboɨpɨ jagüe.

2 CRÓNICAS 13:12

Mase, añave Tumpa oï ore ndive, oreruvicharä, isacerdote reta mimbɨguasu ndive omoñee vaerä ñeraro pegua pekotɨ. Jáeramo Israel iñemuña reta agüɨye peñoraro yandeYa peñemuñagüe reta iTumpa ndive, echa ngaraa oë kavi peve.”

2 CRÓNICAS 13:14

Jare Judá pegua reta omae yave oecha jenonde jare jaɨkue sundaro tovaicho reta, jayave osapúkai reta yandeYa pe, jare sacerdote reta omoñee mimbɨguasu.

SALMOS 106:4

CheYa Tumpa, nemaendúa cheré reyapo yave ikavi vae ndembae vae reta pe; nemaendúa cheré reyu reporogüɨroasayepe yave,

SALMOS 106:42

jókuae jovaicho reta oiporarauka yae chupe reta, omomichi reta imbaepuere igüɨ pe.

SALMOS 136:23

Jae mbaetɨ iñakañɨ yandegüi mbɨatɨtɨ guasu pe ñaï yave, echa iporoparareko jekuae avei vae ko.

ISAÍAS 18:3

Pe reta, opaete ɨvɨ pegua reta, bandera oñemopüa ɨvɨtɨ re yave pemae jese, jare mimbɨguasu oñemoñee yave peyeapɨsaka jese.

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

JEREMÍAS 4:21

¿Kërai yave regua pa aechata bandera ñeraro pegua, ani kërai yave pa aendu poita mimbɨguasu iñee ñeraro pegua?”

JEREMÍAS 4:5

Emoërakua kuae Jerusalén pe jare Judá pe ere: Pemoñee mimbɨguasu opaete kuae ɨvɨ rupi, pesapúkai täta, jare pere: ‘¡Peyemboatɨ! ¡Yaike vaerä tëta guasu oñekëse kavi yae vae pe!’

JEREMÍAS 49:2

YandeYa jei: “Oväeta ara Amón iñemuña reta jëta guasu Rabá pe oyeendu vaerä sapúkai ñeraro pegua; oyepoepɨta tëtagüerä, jare pɨpegua tëta guasu reta opata oyeapɨ. Jayave Israel opɨ̈ro yeta jëta guasu reta oñepɨ̈ro chugüigüe. Che ndeYa ko jae kuae.

JEREMÍAS 6:1

¡Benjamín iñemuña reta Jerusalén pegua, petekuarai! Pemoñee mimbɨ guasu Tecoa pe, pemoätati ikañɨmaa vaerä Bet-haquerem pe, echa susere yavaetegüe oyekuaa ou ɨvɨtuguasu kotɨ güi.

JEREMÍAS 6:17

YandeYa oñono sundaro reta ɨvate güi omae vae rami vae, jae reta jei vaerä imbae vae reta pe: “Peyeapɨsaka peï mimbɨguasu iñee re.” Ërei chembae vae reta jei: “Ngaraa royeapɨsaka jese.”

EZEQUIEL 7:14

Omoñee reta mimbɨguasu oporoenɨi vaerä ñeraro pe, oyupavo retata, ërei mbaetɨ eteita kia oë oñeraro vaerä. Echa chearasɨ oï opaete vae reta re.

OSEAS 5:8

¡Pemoñee vecha kuimbae-räti Gabaa pe jare mimbɨ guasu Ramá pe! ¡Pemoñee mimbɨ ñeraro pegua Bet-avén pe! ¡Pekɨɨye Benjamín pegua reta!

LEVÍTICO 23:24

“Ere Israel iñemuña reta pe: Tenondegua ara chiúa yasɨ pe, peyapo ara mbutuu pegua, peyapo yemboatɨ mbaemboete jare yemomaendúa pegua mimbɨñee rupi.

AMÓS 3:6

¿Mimbɨguasu oñemoñee tëta guasu pe yave, ngaraa pa oiämondo tëta guasu ipo reta? ¿Oimeta pa tëta guasu pe mbaesusere, yandeYa omboumbae reve?

SOFONÍAS 1:16

mimbɨguasu ñeraro pegua jare sapúkai ñeraro pegua iara outa tëta guasu oñekëse kavi vae re, jare jo ɨvate yae vae, sundaro reta imaeka re.

NÚMEROS 31:6

Jare Moisés omondo ñeraro pe Finees sacerdote Aarón taɨ ndive, jae güɨraja vaso reta o mbaemboetea pegua, jare mimbɨguasu ipo pe omoñee vaerä.

1 Corintios 14:8

Mimbɨ guasu, oñemoñeeiño yave, ¿oyeapokatuta pa sundaro reta ñeraro peguarä?

DEUTERONOMIO 20:1

Peë yave peñoraro vaerä perovaicho ndive, jare peecha kavayu regua reta, käretou ñeraro pegua jare jeta sundaro pegüi yave, agüɨye pekɨɨye chugüi reta, yandeYa Tumpa ɨvɨ Egipto güi perenoe vae ko oï pe ndive.

JOSUÉ 6:5

Peendu omoñee puku reta mimbɨ vecha kuimbae-räti pegua yave, opaete vae tosapúkai täta, jare tëta guasu ikësea osururuta; jayave opaete vae metei ñavo toyeupi sɨmbi jenonde kotɨ.”

JUECES 10:12

Sidón pegua reta ipo pe, Amalec iñemuña reta ipo pe, jare Madián iñemuña reta ipo pe; ërei pe reta peiporu yave cheve, che pogüɨroasayepe.

JUECES 10:8

Jayave güive, dieciocho año, filisteo reta jare Amón iñemuña reta oiporarauka yae opaete Israel iñemuña Galaad pe yogüɨreko vae, Jordán jovaicho pe amorreo reta iɨvɨ pe.

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.

JUECES 3:27

Ojo oväe Israel iñemuña reta iɨvɨ pe yave, omoñee mimbɨ guakaräti ɨvɨtɨ Efraín pegua re oenɨi vaerä Israel iñemuña reta, jare opaete vae ogüeyɨ ɨvɨtɨ güi Aod jupíe jare jae ojo tenonde chupe reta.

JUECES 6:34

Jayave, yandeYa iEspíritu ou Gedeón re jare jae omoñee mimbɨ vecha kuimbae-räti yave Abiezer iñemuña reta oyomboatɨ jae ndive.

JUECES 6:9

ërei mbaetɨ poyora Egiptoɨgua reta güiño, poyora vi opaete oiporarauka peve vae reta ipo güi. Opa anoe amombo reta perenonde güi jare iɨvɨ amee peve.

1 SAMUEL 10:18

jare jei chupe reta: —Körai jei yandeYa, Israel iTumpa: “Che ko pogüɨnoe Egipto güi, jare poyora Egiptoɨgua reta ipo güi, jare opaete ïru tëta reta oiporarauka peve vae reta ipo güi.”