NÚMEROS 10:10 - Biblia Guarani Tumpa Iñee

¹⁰ Toñemoñee pearete iara pe, yasɨ oyemboɨpɨ ñavo pe, mɨmba oyeyukagüe opaetei oyeapɨ yave, jare mɨmba oyeyukagüe yembopɨakatu pegua oñemee yave, jare chemaenduata peré. Che ko peYa Tumpa.”

NÚMEROS 10:10 Iomraidhean Croise

2 REYES 4:23

Ime oparandu chupe: —¿Maera pa reota remae jese añave? Yasɨ pɨauä ko añave, jare mbutuu iaraä vi. Ërei jembireko jei chupe: —¡Agüɨye eyemoambeko!

1 CRÓNICAS 15:24

Jare sacerdote reta jae: Sebanías, Josafat, Natanael, Amasai, Zacarías, Benaía jare Eliezer omoñee reta mimbɨguasu Tumpa ikäjou jenonde vae reta. Obed-edom jare Jehías jae vi Tumpa ikäjou jo jöke iyangarekoa.

1 CRÓNICAS 15:28

Jökorai opaete Israel iñemuña reta güɨraja Tumpa ikäjou morogüɨrökuavee päve pegua, jäsémbai oyerovia yae güi mimbɨ iñee ndive, mimbɨguasu, platillo reta, ngitara jare arpa reta ipu ndive.

1 CRÓNICAS 16:42

Kuae reta omoñee mimbɨguasu, platillo jare ïru tembiporu tairari pegua, omoïru reta otairari Tumpa pe vae. Jedutún taɨ reta ñogüɨnoi öke re oyangareko vaerä.

2 CRÓNICAS 29:26

Jare levita reta ñogüɨnoi jembiporu tairari pegua reve reve David oporookuai rami, jare sacerdote reta mimbɨguasu reve reve.

2 CRÓNICAS 29:28

Jare opaete Israel iñemuña reta omee mbaemboete, otairari vae reta otairari, jare mimbɨguasu imoñeea reta omoñee mimbɨ guasu. Opaete kuae oyeapo mɨmba oyeyukagüe opaetei oyeapɨ regua.

2 CRÓNICAS 7:6

Jare sacerdote reta oyapo iparavɨkɨ, jaeramiño vi levita reta, tembiporu tairari pegua ndive, kuae temimbɨ reta oyapouka mburuvicha guasu David omboete vaerä yandeYa, jei reve: “Echa iporoparareko jekuae avei”, David ombaemboete yepi jókuae temimbɨ reta pe. Jaeramiño vi sacerdote reta omoñee mimbɨguasu jae reta jóvai, jare opaete Israel iñemuña reta oyemboɨ ñogüɨnoi.

ESDRAS 3:10

Jare o iyapoa reta oñono yave yandeYa itupao guasu iguapɨka, sacerdote reta oyemonde temimonde sacerdote pegua pe jare mimbɨguasu ndive, jare levita reta Asaf iñemuña reta güɨnoi platillo omboete vaerä yandeYa, David, Israel iñemuña reta juvicha guasu oeya mborookuai rami.

NEHEMÍAS 12:35

Jare sacerdote reta güi yogüɨraja jae reta ndive jemimbɨguasu reve reve vae, jae ko: Zacarías, Jonatán taɨ, Jonatán jae ko Semaías taɨ, Semaías jae ko Matanías taɨ, Matanías jae ko Micaías taɨ, Micaías jae ko Zacur taɨ, Zacur jae ko Asaf taɨ;

SALMOS 150:3

¡Pemboete, vecha kuimbae-räti iñee rupi! ¡Pemboete, arpa jare ngitara ipu rupi!

SALMOS 81:3

Pemoñee mimbɨguasu yasɨ pɨau pe, jare yasɨ jova guasu yave; jae ko yandearete mbaemboete pegua iara,

SALMOS 81:4

echa jae ko mborookuai Jacob iTumpa omee, Israel iñemuña reta peguarä vae.

SALMOS 89:15

CheYa Tumpa, oyerovia ko tëta ndemboete oyerovia katu reve vae; nderemimbota rupi oguata vae,

ÉXODO 28:29

Jare Aarón togüɨraja pɨtía regua morojäa pegua re Israel taɨ reta jee yemomaendúa peguarä, oike yave o mbaemboete renda cheróvai jekuae avei rupi.

ÉXODO 30:16

Jayave, eipɨɨ Israel iñemuña reta güi korepoti omee mbaeyoa oyemboai vaerä vae, jare emee tupao guakapi pegua pe mbaravɨkɨ oyeapo vaerä. Mbaeyoa oyemboai vaerä omee reta jekove re vae, toiko chemomaendúa vaerä Israel iñemuña reta re.”

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

LEVÍTICO 23:24

“Ere Israel iñemuña reta pe: Tenondegua ara chiúa yasɨ pe, peyapo ara mbutuu pegua, peyapo yemboatɨ mbaemboete jare yemomaendúa pegua mimbɨñee rupi.

NÚMEROS 10:9

Jare peɨvɨ pe ma peiko yave, peë peñeraro perovaicho oporepeña peré vae reta ndive yave, toñemoñee pɨi pɨi sapúkai reve mimbɨguasu reta; peYa Tumpa imaenduata peré, jare pereepɨta perovaicho reta güi.

NÚMEROS 28:11

Yasɨ oyemboɨpɨ ñavo pemee yandeYa pe mɨmba oyeyukagüe opaetei oyeapɨ vae, mókoi toro taɨrusu vae, metei vecha kuimbae, jare chiu vecha kuimbae taɨrusu vae, metei año, jete kavi vae.

NÚMEROS 29:1

Chiúa yasɨ pe, tenondegua ara pe, penoi yemboatɨ guasu Tumpa peguarä, jókuae ara agüɨye peyapo mbae nunga mbaravɨkɨ ave. Mimbɨguasu oñemoñee iara toiko peveguarä.

San Mateo 11:28

Opaete peyemoambeko jare pepɨatɨtɨ peiko vae reta, peyu chekotɨ. Jare che pomombutuuta.

Hechos 10:4

Cornelio okɨɨye reve omae ngatu araɨgua re jare oparandu: “¿Mbae pa, cheYa?” Jare araɨgua jei chupe: “Tumpa oendu ndeyerure reta jare oecha mbaembae remee paravete pe vae reta vae.

1 Corintios 15:52

metei jeia pe, ñaneresapïri rami Tumpa jemimbɨguasu opa oñee yave. Echa omoñeeta mimbɨ guasu, jare omanogüe reta oikove yeta oikomeguambae vaerä, jare yande yayepoepɨta.

1 Tesalonicenses 4:16

Echa yandeYa etei ogüeyɨta ara güi ñee mbaepuere pegua ndive, araɨgua tenondegua vae iñee jare Tumpa jemimbɨ guasu ndive. Jare Cristo re güɨrovia reve omano vae reta oikove yeta jae reta räri;

1 Tesalonicenses 4:18

Jáeramo, peñomoäta ngatu päve kuae ñee reta pe.

JOSUÉ 4:7

Pe pereta chupe reta: ‘Ɨ̈aka Jordán pegua ɨ oyemboyao yandeYa ikäjou morogüɨrökuavee päve pegua jenonde yave. Jókuae käjou oasa ɨ̈aka Jordán yave, pɨpegua ɨ oyemboyao. Kuae ita reta opɨta ko Israel iñemuña reta oyemomaendúa avei vaerä kuae pe oasagüe re.’ ”

JOSUÉ 6:4

Jare chiu sacerdote togüɨraja chiu mimbɨ vecha kuimbae-räti pegua Tumpa ikäjou jenonde; jare chiúa ara pe peyere chiu ye tëta guasu re, jare sacerdote reta tomoñee mimbɨ reta.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.

1 SAMUEL 20:5

Jare David jei Jonatán pe: —Mase, pɨareve ko yasɨ pɨau iarete, jare aguapɨta tëi ko mburuvicha guasu ndive akaru vaerä. Ërei nde emaeño taja tañemi kaa pe koéramo kaaru regua.