NÚMEROS 1:1 - Biblia Guarani Tumpa Iñee

¹ YandeYa jei Moisés pe, ñuu Sinaí pe, tupao guakapi pegua pe, tenondegua ara pe, mokoía yasɨ pe, mókoi año ma ñogüɨnoe ɨvɨ Egipto güi yave:

NÚMEROS 1:1 Iomraidhean Croise

1 REYES 6:1

Cuatrociento ochenta año ma oasa Israel iñemuña reta ñogüɨnoe Egipto güi yave, Salomón omboɨpɨ omopüa tupao yandeYa peguarä; irundɨ año ma oiko Israel pe mburuvicha guasurä yave, yasɨ Zif pe, jae ko mokoía yasɨ.

ÉXODO 19:1

Mboapɨa yasɨ ma Israel iñemuña reta opa ñogüɨnoe ɨvɨ Egipto güi yave, jókuae ara etei opa yogüɨraja oväe ñuu Sinaí pe.

ÉXODO 19:2

Refidim güi ñogüɨnoe reta, jare opa yogüɨraja oväe ñuu Sinaí pe; jare joko pe oyembojeyupa reta ɨvɨtɨ guasu jóvai.

ÉXODO 25:22

Joko pe ayekuaaukata jare chemiarita ndeve, opaete mborookuai reta ameeta Israel iñemuña reta peguarä vae re, jókuae ñɨ̈ro renda iárambo güi, jókuae mókoi araɨgua reta käjou iárambo ñogüɨnoi vae ipäu güi.

ÉXODO 40:17

Jökorai, mókoi año pe, tenondegua yasɨ pe, tenondegua ara pe oñemopüa tupao guakapi pegua.

ÉXODO 40:2

“Metei ara tenondegua yasɨ oyemboɨpɨ yave, emopüauka tupao guakapi pegua;

LEVÍTICO 1:1

YandeYa oenɨi Moisés, jare jei chupe tupao guakapi pegua güi:

LEVÍTICO 27:34

Jae ko kuae mborookuai reta yandeYa omee Moisés pe, ɨvɨtɨ Sinaí re, Israel iñemuña reta peguarä vae.

NÚMEROS 1:18

Jare omboatɨ reta opaete vae, tenondegua ara pe mokoía yasɨ pe, omboatɨ reta tëtara ñavo rupi, metei tu ñavo rupi, omoapɨta reta tee veinte año güi kutɨ.

NÚMEROS 12:4

Jare yandeYa jei Moisés pe, Aarón jare María pe: “Pe mboapɨ reta, pekua tupao guakapi pegua pe.” Jare yogüɨraja mboapɨ reve.

NÚMEROS 9:1

YandeYa jei Moisés pe ñuu Sinaí pe, mokoía año ma ñogüɨnoe Egipto güi yave, tenondegua yasɨ pe:

DEUTERONOMIO 1:3

Cuarenta añoa pe, yasɨ oncea pe, tenondegua ara pe opa güire Moisés omoamɨri Sehón, amorreo reta juvicha guasu Hesbón pegua, jare Og, Basán pegua mburuvicha guasu, Astarot pegua ɨvɨ Edrei pe, Moisés omombeu Israel iñemuña reta pe, opaete mbaembae Tumpa oyókuai jae reta oyapo vaerä vae.

DEUTERONOMIO 2:14

Cades-barnea güive yaguata yaiko yaasa regua ɨ̈aka Zered vae jae ko treinta y ocho año. Jayave rupi opa ma kuimbae ñeraro regua reta omano, yandeYa jae jee re ae jei rami.

DEUTERONOMIO 2:7

Echa yandeYa Tumpa iporerekua peré opaete perembiapo reta rupi, jae oikuaa kërai peguata opaete kuae ñuu guasu rupi vae, kuae cuarenta año rupi yandeYa Tumpa oiko pe ndive, jare mbaetɨ etei mbae omboata peve.