San Mateo 4:3 - Biblia Guarani Tumpa Iñee

³ Jayave aña guasu omomiari oyavɨuka vaerä chupe, jei: —Nde ko Tumpa Taɨ yave, ere kuae ita reta pe toyepoepɨ mbɨyaperä.

Nuevo Testamento Guaraní Pe

³ Jayave aña guasu imiari Jesús pe oyapouca vaera tei mbaeyoa chupe. —Nde co jae Tumpa Taɨ yave, ere cuae ita reta pe oyeapo vaera mbɨyapera —jei.

San Mateo 4:3 Iomraidhean Croise

ÉXODO 16:3

Körai jei Israel iñemuña reta chupe reta: —¡Maera ra romano voiä yandeYa ipo pe ɨvɨ Egipto pe! Roguapɨse yave yapepo soo ndive jare mbɨyape rou orerɨ̈vɨata regua; ërei pe orerenoe kuae ñuu rupi oreyukauka vaerä yɨmbɨaɨ pe opaete kuae roiko vae.

San Mateo 14:33

Jare barco raɨ pe ñogüɨnoi vae reta oya Jesús re. Jare omboete reta jei reve: —¡Añetete yepe, nde jae Tumpa Taɨ!

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

San Mateo 26:63

Ërei Jesús mbaetɨ mbae jei. Jayave sacerdote reta itenondegua ete jei ye chupe: —Tumpa oikove vae jee re ere oreve, ¿nde pa ko jae Cristo, Tumpa Taɨ?

San Mateo 3:17

Jare oyeendu ñee ara güi jei: “Kuae ko jae cheRaɨ aaɨu yae vae. Chemboyerovia yae vae.”

San Marcos 1:1

Kuae pe oyemboɨpɨ ñee ikavi vae Jesucristo Tumpa Taɨ regua.

San Marcos 3:11

Jare aña reta oecha Jesús yave, oyetavatɨka jae jóvai jare iñeeäta reve jei: —¡Nde ko jae Tumpa Taɨ!

San Marcos 5:7

Jare iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera Tumpa jee re, agüɨye eiporarauka cheve.

San Lucas 1:35

Jayave araɨgua jei María pe: —Espíritu Santo outa nderé. Tuichagüe yae vae imbaepuere pe neovata. Jáeramo jókuae Iyoambae vae oata vae, jeeta ko Tumpa Taɨ.

San Lucas 22:70

Jare opaete jae reta oparandu chupe: —¿Jayave nde pa ko jae Tumpa Taɨ? Jesús jei chupe reta: —Pere ma ko pe reta etei.

San Lucas 4:3

Jayave aña guasu jei Jesús pe: —Nde ko Tumpa Taɨ yave, ere kuae ita pe oyepoepɨ vaerä mbɨyaperä.

San Lucas 4:41

Jare aña reta osɨrɨ oya jese vae reta güi. Osapúkai reve jei: —Nde ko jae Tumpa Taɨ. Ërei Jesús oñeengata chupe reta. Mbaetɨ omaeño aña reta imiari. Echa jae reta oikuaa jae ko Cristo.

San Lucas 4:9

Jayave aña guasu güɨraja Jesús Jerusalén pe jare omboyeupi tupao iyapɨte re. Jayave jei chupe: —Nde ko Tumpa Taɨ yave, ea kuae güi.

San Juan 1:34

Jókuae aecha jare amombeu peve, jae ko jókuae Tumpa Taɨ.”

San Juan 1:49

Jayave Natanael jei chupe: —Oporomboe vae. ¡Nde ko jae Tumpa Taɨ. Nde ko jae Israel pegua reta Juvicha guasu!

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

San Juan 9:35

Jare Jesús oikuaa judío reta omombo ko jókuae kuimbae vae; jare oväe yave, jei chupe: —¿Rerovia pa Tumpa Taɨ re?

Hechos 9:20

Jupiveiño Saulo omboɨpɨ omoërakua Cristo regua judío reta itupao reta rupi. Jei chupe reta Jesús jae ko Tumpa Taɨ.

2 Corintios 1:19

Echa Tumpa Taɨ Jesucristo che jare Silvano jare Timoteo romoërakua peve vae, oipoepɨ katu iyemongeta vaeä ko.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

1 Tesalonicenses 3:5

Jáeramo, mbaetɨ ma aropɨa ramo, amondo Timoteo aikuaa vaerä peporogüɨrovia regua. Echa aipoɨu oporombotavɨ vae oyapouka vaerä peve ikavimbae vae, jare jökorai roparavɨkɨiño ma.

Hebreos 12:16

jare peyeandu agüɨye vaerä oï pepɨte pe aguasa oyapo vae, jare agüɨye vaerä oï pepɨte pe omboeteä oñeñono tee Tumpa peguarä vae, Esaú rami. Echa Esaú omee tembíu re membɨrɨpɨ yekou.

Hebreos 4:14

Jesús Tumpa Taɨ, jae ko yandesacerdote tenondegua ete tuichagüe oike ara pe vae, jáeramo, ñañemoäta ngatu yandeporogüɨrovia pe.

Hebreos 7:3

Mbaetɨ yaikuaa kia ra jae tu ani ichɨ vae jare kia iñemuña pegua ra vae; mbaetɨ vi yaikuaa kërai yave oa vae regua ani imano regua, körai oyeapo sacerdote jekuae avei pegua Tumpa Taɨ rami.

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.