San Mateo 10:2 - Biblia Guarani Tumpa Iñee

² Jae kuae jókuae doce Jesús jemimondo reta jee: Simón (Pedro jee vae), jare tɨvɨ Andrés, jare Zebedeo taɨ reta: Jacobo jee vae jare tɨvɨ Juan;

Nuevo Testamento Guaraní Pe

² Cuae co jae jocuae doce Jesús jemimondo reta jee: Simón (Pedro jee vae), jare Simón tɨvɨ Andrés jee vae, jare Zebedeo taɨ reta Jacobo jare Juan jee vae,

San Mateo 10:2 Iomraidhean Croise

San Mateo 17:1

Ova ara ma oasa yave, Jesús güɨraja Pedro, Jacobo jare tɨvɨ Juan ïru reta ipɨte güi, metei ɨvɨtɨ guasu ɨvate vae re.

San Mateo 20:20

Jayave ou Jesús oïa pe Zebedeo jembireko imembɨraɨe reta ndive, oyetavatɨka itindɨasɨ reve Jesús jóvai oiporu reve mbae chupe.

San Mateo 26:37

Jayave güɨraja Pedro jare jókuae mókoi Zebedeo taɨ reta, jare omboɨpɨ ipɨatɨtɨ jare oiporara yae.

San Mateo 4:18

Jesús oguata ramboeve ɨguasu Galilea pegua jembeɨ rupi, oecha Simón, Pedro jee vae, jare tɨvɨ Andrés. Jae reta pɨsa pe oyeporaka ñogüɨnoi ɨguasu pe. Echa jae reta ko yeporaka regua reta.

San Mateo 4:21

Jesús oasa joko güi, jare oecha mókoi Zebedeo taɨ reta: Jacobo jare tɨvɨ Juan. Kuae reta oyapo katu ñogüɨnoi pɨsa reta barco raɨ pe tu ndive. Jayave Jesús oenɨi reta.

San Marcos 1:29

Jare Jesús judío reta itupao güi oë yave, yogüɨraja Simón jare Andrés jo pe, Jacobo jare Juan ndive.

San Marcos 13:3

Jare Jesús oguapɨ oï ɨvɨtɨ Olivo re tupao jóvai. Jare Pedro, Jacobo, Juan jare Andrés oparandu reta chupe, jae retaño ñogüɨnoi yave:

San Marcos 6:30

Jesús jemimondo reta oyemboatɨ ye yave jae ndive, omombeu reta chupe opaete oyapogüe jare oporomboe vae.

San Lucas 11:49

Jáeramo, Tumpa iyarakuaa katu rupi jei: ‘Amondota peve cheñeemombeúa reta jare cheremimondo reta; jare chugüi reta amogüe oyukata jare ïru vae pe oyapota ikavimbae vae.’

San Lucas 22:14

Jare oväe ma ora yave, Jesús oguapɨ mesa pe jókuae jemimondo reta ndive.

San Lucas 22:8

Jayave Jesús jei Pedro jare Juan pe: —Pekua peyapo kavi yau vaerä vecha kuimbae taɨrusu vae isoo Pascua pegua.

San Lucas 5:10

Jaeramiño vi Simón ïru reta Jacobo jare Juan, jae ko Zebedeo taɨ reta. Jayave Jesús jei Simón pe: —Agüɨye ekɨɨye. Añave güive reikota ïru vae reta re reyeporaka vaerä.

San Lucas 9:10

Jare Jesús jemimondo reta yogüeru ye jae oïa pe yave, omombeu reta Jesús pe opaete oyapo reta vae. Jayave Jesús güɨraja reta kïrii ngatúa pe köiño tëta guasu Betsaida güi.

San Juan 12:22

Jayave Felipe ojo omombeu Andrés pe. Javoi mókoi reve yogüɨraja omombeu Jesús pe.

San Juan 13:23

Metei jemimboe jae oaɨu yae vae okaru oï iyɨpɨ pe.

San Juan 20:2

Jayave osɨi ojo Simón Pedro jare ïru temimboe Jesús oaɨu vae ñogüɨnoia pe, jare jei chupe reta: —Güɨraja reta ma yandeYa tɨvɨa güi, jare mbaetɨ roikuaa kia pe ra oñono reta vae.

San Juan 21:2

Ñogüɨnoi päve yave Simón Pedro jare Tomás, Chaguakiri pe oyeero vae jare Natanael Caná ɨvɨ Galilea pegua, jare Zebedeo taɨ reta jare mókoi ïru temimboe reta.

San Juan 21:20

Pedro oyerova yave, oecha jókuae temimboe Jesús oaɨu vae ou jaɨkue. Jókuae temimboe ko jae tenonde yave okaru pɨ̈tu yave ñogüɨnoi yave oï Jesús iyɨpɨ pe jare: “¿Kia pa ndemboeterengata cheYa?” Jei chupe vae.

San Juan 21:24

Jae ko kuae jókuae Jesús jemimboe amombeu añetete ko kuae pe oyekuatía oï vae. Jare opaete yaikuaa kuae amombeu vae añetete ko.

San Juan 6:67

Jayave Jesús oparandu jókuae doce jemimboe reta pe: —¿Pe reta pekɨ̈reɨ vi pa opa peo?

San Juan 6:70

Jayave Jesús jei chupe reta: —Che ko poparavo pe doce vae reta. Ërei oime metei pepɨte pe aña pe oyeokuai vae.

San Juan 6:71

Körai jei Judas re. Judas ko jae Simón Iscariote taɨ. Echa jae ko omboeterenga jovaicho reta pe vae; Judas ko, doce vae reta güi metei.

San Juan 6:8

Jare metei Jesús jemimboe Andrés jee vae, Simón Pedro tɨvɨ jei Jesús pe:

Hechos 1:13

Yogüeru oväe yave, oike reta jare oyeupi oɨvate jae reta yogüɨrekoa pe. Jae ko Pedro, Jacobo, Juan, Andrés, Felipe, Tomás, Bartolomé, Mateo, Alfeo taɨ Jacobo jee vae, Simón Zelote jare Jacobo tɨvɨ Judas jee vae.

Hechos 1:26

Jayave oyapo reta suerte jee reta re. Jare suerte oa Matías jee re; jare oyepapa Jesús jemimondo once vae reta ndive.

Hechos 12:2

Oyukauka kɨsepuku pe Jacobo, Juan tɨkeɨ.

Hechos 3:1

Pedro jare Juan yogüɨraja päve tupao pe, Tumpa pe oyerure vaerä, mboapɨ ora ma kaaru yave.

1 Corintios 15:7

Jaɨkue rupi oyekuaa Jacobo pe; jaɨkue rupi oyekuaa opaete temimondo reta pe.

Efesios 4:11

Jare Cristo etei oñono amogüe temimondorä, ñeemombeuarä, ñee ikavi vae omoërakua vaerä, oporogüɨrovia vae reta iyangarekoarä, oporomboe vaerä.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

1 Pedro 1:1

Che Pedro, Jesucristo jemimondo. Aikuatía aï kuae tupapire opaete Israel pegua Ponto, Galacia, Capadocia, Asia jare Bitinia rupi mombɨrɨ perëtaguasu güi peñemoai peï vae reta pe;

2 Pedro 1:1

Che Simón Pedro, Jesucristo jembiokuai jare jemimondo, aikuatía peve pe peupitɨ mborogüɨrovia ikavigüe vae ñaneTumpa jare yandeYa Jesucristo jupi vae rupi, ore rami.

2 Juan 1:1

Che oporogüɨrovia vae reta itenondegua aikuatía kuae tupapire pe Tumpa peparavo vae, joko pe peyemboatɨ vae reta pe, che poaɨu añete vae re. Mbaetɨ cheño poaɨu, opaete añete vae oikuaa vae reta vi.

3 Juan 1:1

Che oporogüɨrovia vae reta itenondegua, aikuatía ndeve cherɨvɨ aaɨu vae Gayo, añete vae re.

Apocalipsis 1:1

Jesucristo oechauka Tumpa omee chupe vae, oikuaauka vaerä jembiokuai reta pe ɨmambae oasata vae. Jesucristo ombou iaraɨgua omombeu vaerä che jembiokuai Juan pe;

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 18:20

Peyerovia jese, ara pe peiko vae. Jare pe oporogüɨrovia vae reta, temimondo reta jare ñeemombeúa reta, echa Tumpa oyepɨ peve.”

Apocalipsis 22:8

Che Juan aendu jare aecha kuae mbaembae. Jare aendu jare aecha güire ayetavatɨka chetindɨasɨ jókuae araɨgua oechauka mbaembae cheve vae jóvai amboete vaerä.