San Lucas 9:2 - Biblia Guarani Tumpa Iñee

² Jayave omondo reta omombeu vaerä Tumpa iporookuaía jare ombogüera vaerä imbaerasɨ vae reta.

Nuevo Testamento Guaraní Pe

² Jayave omondo reta omombeu vaera Tumpa iporoocuaia jare ombogüera vaera imbaerasɨ vae reta.

San Lucas 9:2 Iomraidhean Croise

San Mateo 10:5

Ërei ndei omondo mbove kuae doce jemimboe reta, Jesús oyókuai jei reve: “Agüɨye pekua judiombae vae reta ñogüɨnoia pe. Samariaɨgua reta jëta guasu pe ave agüɨye peike.

San Mateo 13:19

Kia oyeapɨsaka Tumpa iporookuaía re jare mbaetɨ oikuaa kavi yave, jae ko jókuae temitɨ tape rupi oa vae rami. Echa ou voi jókuae ikavimbae iyapoa jare omoakañɨ Tumpa iñee güi.

San Mateo 24:14

Jare kuae ñee ikavi vae Tumpa iporookuaía pegua oñemoërakuata opaete ɨvɨ rupi, opaete ɨvɨ pegua reta oendu vaerä. Jayave outa kañɨtei.

San Mateo 3:2

Jei reve: “Peeya peyemongeta ikavimbae vae pepɨa pe penoi vae. Echa outa ma oväe araɨgua mborookuaía.”

San Marcos 16:15

Jayave Jesús jei chupe reta: —Pekua opaete ɨvɨ rupi, pemoërakua ñee ikavi vae opaete vae reta pe.

San Marcos 6:12

Jayave jae reta yogüɨraja, jare imiari opaete vae reta pe, oeya reta vaerä iyemongeta ikavimbae ipɨa pe güɨnoi vae.

San Lucas 10:1

Kuae jaɨkue rupi yandeYa oiparavo ïru setenta kuimbae reta jare omondo jenonde mókoi mókoi rupi opaete tëta guasu reta jae ojotaa rupi.

San Lucas 10:11

‘Romotumo ɨvɨkúi perëta guasu pegua oya orepɨ re vae, peikuaa vaerä penoi ko teko vae. Ërei romombeu peve, Tumpa iporookuaía ou ma oväe peve.’

San Lucas 10:9

Pembogüera imbaerasɨ vae joko pe oime yave. Jare pere chupe reta: ‘Tumpa iporookuaía ou ma oväe peve.’

San Lucas 16:16

Ndei Juan ou mbove, oñemoërakua yandeve yayapo vaerä mborookuai jare ñeemombeúa reta jei vae rupi. Ërei Juan omboɨpɨ omoërakua ñee ikavi vae Tumpa iporookuaía regua, jare opaete vae oipota yae oike Tumpa iporookuaía pe.

San Lucas 9:11

Ërei jeta vae reta oikuaa yave, yogüɨraja jaɨkue. Jare Jesús omboresive kavi jare imiari chupe reta Tumpa iporookuaía re jare ombogüera imbaerasɨ vae reta.