San Lucas 9:19 - Biblia Guarani Tumpa Iñee

¹⁹ Jae reta jei chupe: —Amogüe vae jei nde ko jae Juan oporombobautisa vae, jare ïru vae reta jei nde ko jae Elías, jare ïru vae reta jei nde ko jae metei ñeemombeúa arakae vae, oikove ye vae.

Nuevo Testamento Guaraní Pe

¹⁹ Jae reta jei chupe: —Amogüe vae jei nde co jae Juan oporombobautizase vae, jare iru vae reta jei nde co jae Elías, jare iru vae reta jei nde co jae metei Tumpa iñee aracae omombeu vae oicove ye ma ou omanogüe vae reta ipɨte güi vae —jei reta.

San Lucas 9:19 Iomraidhean Croise

MALAQUÍAS 4:5

Mase, ambouta peve ñeemombeúa Elías, ndei ou mbove yandeYa iporojäa iara, tuicha yae jare yavaete yaeta vae.

San Mateo 14:2

Jare jei jembiokuai reta pe: “Jae ko Juan oporombobautisase vae. Oikove ye omanogüe reta ipɨte güi. Jáeramo ko güɨnoi kuae mbaepuere reta.”

San Mateo 3:1

Jókuae ara rupi Juan ou oporombobautisa Judea pegua ñuu rupi omombeu reve Tumpa iñee.

San Marcos 6:14

Mburuvicha guasu Herodes oendu ma Jesús regua, echa jërakua yae opaete rupi, jare jei: —Juan oporombobautisase vae oikove ye omanogüe vae reta ipɨte güi. Jáeramo ko güɨnoi mbaepuere oyapo vaerä kuae mɨakañɨ reta.

San Marcos 6:15

Ïru vae reta jei: —Elías ko. Amogüe vae reta jei: —Metei ñeemombeúa ko, ani arakae Tumpa iñee omombeu vae rami vae ko.

San Lucas 9:18

Metei ara Jesús oyerure jemimboe reta ndive ñogüɨnoi ramboeve jaeiño, oparandu chupe reta: —¿Kia pa che ïru vae reta peguarä?

San Lucas 9:20

Jayave Jesús oparandu chupe reta: —Ërei peve reta ¿kia pa che? Jayave Pedro jei chupe: —Nde ko jae Cristo, Tumpa ombou vae.

San Juan 1:21

Jae reta oparandu ye chupe: —Jayave, ¿nde pa ko jae Elías? Juan jei: —Jaeä ko che. Jei reta chupe: —¿Nde pa ko jókuae ñeemombeúa? Juan jei chupe reta: —Jaeä ko che.

San Juan 1:25

Oparandu reta Juan pe: —¿Maera pa reporombobautisa? Nde jaeä ko Cristo ani Elías ani jókuae ñeemombeúa yave.

San Juan 7:40

Kuae oendu amogüe joko pe ñogüɨnoi vae yave jei: —Añetete, kuae kuimbae jae ko jókuae ñeemombeúa.

San Juan 9:17

Jayave jei reta ye kuimbae tenonde yave jesambae oiko vae pe: —¿Mbae pa rere nde jókuae nemomae vae re? Kuimbae jei: —Jae ko ñeemombeúa.