San Lucas 9:18 - Biblia Guarani Tumpa Iñee

¹⁸ Metei ara Jesús oyerure jemimboe reta ndive ñogüɨnoi ramboeve jaeiño, oparandu chupe reta: —¿Kia pa che ïru vae reta peguarä?

Nuevo Testamento Guaraní Pe

¹⁸ Metei ara Jesús ojo jeta vae ipɨte güi oyerure vaera Tumpa pe. Jare jemimboe reta joco pe ñogüɨnoi jae ndive. Jayave Jesús oparandu chupe reta: —¿Quia pa co che iru vae reta pe? —jei.

San Lucas 9:18 Iomraidhean Croise

San Mateo 14:23

Jare opa ma omondo reta yave, Jesús oyeupi jaeño ɨvɨtɨ guasu re oyerure vaerä Tumpa pe. Jare pɨ̈tu yave, jaeño etei Jesús oï joko pe.

San Mateo 26:36

Jayave Jesús ojo oväe jae reta ndive Getsemaní pe. Jare jei jemimboe reta pe: —Peguapɨ kuae pe, che aja pea pe ayerure ramboeve.

San Lucas 11:1

Jare metei ara Jesús oyerure oï. Jare opa ma yave, metei jemimboe jei chupe: —CheYa, oremboe royerure vaerä, Juan omboe jemimboe reta rami.

San Lucas 3:21

Metei ara Juan ombobautisa opaete vae güɨnoi yave, ombobautisa vi Jesús. Jare Jesús oyerure ramboeve, ara oyepea.

San Lucas 6:12

Jókuae ara rupi Jesús ojo ɨvɨtɨ guasu re oyerure, jare iköe joko pe oyerure Tumpa pe.

San Lucas 9:19

Jae reta jei chupe: —Amogüe vae jei nde ko jae Juan oporombobautisa vae, jare ïru vae reta jei nde ko jae Elías, jare ïru vae reta jei nde ko jae metei ñeemombeúa arakae vae, oikove ye vae.

San Lucas 9:28

Juri ara rupi Jesús imiari güire, güɨraja Pedro, Juan jare Jacobo, jare oyeupi metei ɨvɨtɨ guasu re oyerure vaerä.

San Lucas 9:29

Jare Jesús oyerure ramboeve, jova oyemoambuae jare jemimonde tïiasɨ jare jembipe.