San Lucas 9:11 - Biblia Guarani Tumpa Iñee

¹¹ Ërei jeta vae reta oikuaa yave, yogüɨraja jaɨkue. Jare Jesús omboresive kavi jare imiari chupe reta Tumpa iporookuaía re jare ombogüera imbaerasɨ vae reta.

Nuevo Testamento Guaraní Pe

¹¹ Erei jeta vae oicuaa yave, yogüɨraja jaɨcue. Jare Jesús omboresive cavi jare imiari chupe reta Tumpa iporoocuaia re jare ombogüera imbaerasɨ vae reta.

San Lucas 9:11 Iomraidhean Croise

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

San Mateo 12:15

Jesús kuae oikuaa yave, ojo joko güi. Jare jeta vae reta yogüɨraja jaɨkue, jare jae ombogüera opaete imbaerasɨ vae reta.

San Mateo 14:14

Jare Jesús ogüeyɨ barco raɨ güi yave, oecha jeta yae vae, jare oiparareko omae jese reta. Ombogüera imbaerasɨ vae reta jae reta ndive ñogüɨnoi vae.

San Mateo 21:31

¿Kia nunga pa kuae mókoi vae güi oyapo tu jei vae? Jayave jae reta jei chupe: —Jókuae tenonde tu oyókuai vae. Jayave Jesús jei chupe reta: —Añete che jae peve, mburuvicha peguarä okovara vae reta jare kuña iyaguasa pota vae reta jae reta räri oiketa pegüi Tumpa iporookuaía pe.

San Mateo 21:43

Jáeramo che jae peve, oñepɨ̈rota pegüi Tumpa iporookuaía. Jare oñemeeta ïru reta pe, omoñemuñata vae reta pe.

San Lucas 1:53

Omoangapɨɨ iyɨmbɨaɨ vae reta mbaembae pe. Ërei oikokatu vae reta omondo ipogüɨrai.

San Lucas 5:31

Jayave Jesús jei chupe reta: —Oikove katu vae reta mbaetɨ oeka oporopoano vae. Imbaerasɨ vae retaño oeka.

San Lucas 8:1

Jare kuae jaɨkue rupi Jesús ojo opaete tëta guasu reta jare tëta raɨ reta rupi, jare omombeu ñee ikavi vae Tumpa iporookuaía regua. Jare jókuae doce vae yogüɨraja jupíe.

San Lucas 8:10

Jayave Jesús jei chupe reta: “Amombeu ma peve Tumpa iporookuaía regua peikuaambae vae, ërei ïru vae reta amboe ambojaanga reve, yepe tëi oecha reta, agüɨye vaerä oecha reta, jare yepe tëi oendu reta, ërei mbaetɨta oikuaa reta.

San Lucas 9:10

Jare Jesús jemimondo reta yogüeru ye jae oïa pe yave, omombeu reta Jesús pe opaete oyapo reta vae. Jayave Jesús güɨraja reta kïrii ngatúa pe köiño tëta guasu Betsaida güi.

San Lucas 9:12

Kaaru ma yave, jókuae doce vae yogüeru jei Jesús pe: —Emondo kuae jeta vae tëta raɨ reta rupi, joko pe okaru vaerä jare oke vaerä. Echa mbaetɨ kia ave kuae rupi.

San Lucas 9:2

Jayave omondo reta omombeu vaerä Tumpa iporookuaía jare ombogüera vaerä imbaerasɨ vae reta.

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.

San Juan 6:37

Opaete cheRu omee cheve vae reta yogüeruta chekotɨ; jare oipotagüe ou chekotɨ vae ngaraa amombo.

Hechos 28:31

Jare omombeu reve Tumpa iporookuaía regua, jare oporomboe yandeYa Jesucristo re okɨɨyembae reve, jare mbaetɨ kia omboavai.

Romanos 10:14

Ërei ¿këraita pa oyerure yandeYa pe, mbaetɨ yave güɨrovia jese?, jare ¿këraita pa güɨrovia, mbaetɨ yave oendu jesegua?, jare ¿këraita pa oendu, mbaetɨ yave kia omombeu chupe?

Romanos 10:17

Echa, yaendu vae rupi ko, yaporogüɨrovia. Jare yaendu vae ko, Tumpa iñee.

Romanos 15:3

Echa Cristo etei mbaetɨ oyemboyerovia jaeño. Ërei, oyapo Tumpa Iñee oyekuatía oï rami: “Ndeangao vae reta cheangao vi.”

2 Timoteo 4:2

emoërakua avei Tumpa iñee jare eñemoäta ngatu avei, eikuaauka kavi iyoa vae pe iyoa, jare emboeta chupe jese, eporomboarakuaa jare eporomboe ndepɨaguasu reve.

Hebreos 4:16

Jáeramo, yayemboya yaipoɨumbae reve ipɨakavi yae vae iguapɨa re, jae yandeparareko vaerä jare ipɨakavi rupi yandemborɨ vaerä yaiporara yave.