San Lucas 9:1 - Biblia Guarani Tumpa Iñee

¹ Jesús opa omboatɨ jókuae doce jemimboe reta, jare omee chupe reta mbaepuere ombosɨrɨ vaerä aña reta oya jese vae reta güi jare ombogüera vaerä imbaerasɨ vae reta.

Nuevo Testamento Guaraní Pe

¹ Metei ara Jesús oeni jocuae doce jemimboe reta jare omee chupe reta mbaepuere omondo vaera aña reta oya jese vae reta güi jare ombogüera vaera imbaerasɨ vae reta.

San Lucas 9:1 Iomraidhean Croise

San Mateo 16:19

Ameeta ndeve mbaepuere reipea vaerä araɨgua mborookuaía opaete reñapɨti ɨvɨ pe vae, oñeapɨtita vi ara pe. Jare opaete reyora ɨvɨ pe vae, oyeyorata vi ara pe.

San Mateo 4:24

Jare opaete ɨvɨ Siria pegua reta pe jërakua Jesús oyapo vae regua. Jare güeru reta chupe oipotagüe mbae jasɨ chupe vae reta, oiporara oipotagüe mbaerasɨ vae, jare aña oya jese vae reta, omano mano vae reta jare jete jëogüe vae. Jare Jesús ombogüera reta.

San Mateo 8:9

Echa oime mburuvicha mbaepuere güɨnoi cheré vae. Jare che anoi vi mbaepuere sundaro reta re. Che jae yave metei sundaro pe: “Ekua”, jare ojo. Ani jae yave ïru sundaro pe: “Eyu”, jare ou. Jare cherembiokuai pe jae yave: “Eyapo kuae”, jae oyapo.

San Lucas 10:1

Kuae jaɨkue rupi yandeYa oiparavo ïru setenta kuimbae reta jare omondo jenonde mókoi mókoi rupi opaete tëta guasu reta jae ojotaa rupi.

San Lucas 10:19

Mase, amee ma peve mbaepuere pepuere vaerä pepɨ̈ro mboi re jare tumɨkarape re, jare penoi vaerä mbaepuere opaete tovaicho re, ngaraa etei ipuere mbae oyapo peve.

San Juan 14:12

Añetete che jae peve, cheré güɨrovia vae oyapota vi mbaravɨkɨ reta ayapo vae. Jare ma yae oyapota, echa che ajata cheRu oïa pe.

Hechos 1:8

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

Hechos 3:16

Kuae kuimbae pe reta peecha jare peikuaa vae okuera ko Jesús jee re güɨrovia ramo. Kuae iporogüɨrovia Jesús re vae ombogüera ete pe reta peecha peï rami.

Hechos 4:30

Jare eechauka ndembaepuere rupi oporombogüera reta vaerä, eyapo vi mɨakañɨ reta ndeRaɨ iyoambae Jesús jee re.”

Hechos 9:34

Pedro jei chupe: —Eneas, Jesucristo ndembogüera ma. Epüa eñono kavi nderupa. Jare jupiveiño jae opüa.