San Lucas 8:31 - Biblia Guarani Tumpa Iñee

³¹ Jayave aña reta omoñera Jesús agüɨye vaerä omondo ɨvɨkua guasu pe.

Nuevo Testamento Guaraní Pe

³¹ Jayave aña reta oyerure Jesús pe agüɨye vaera oyócuai reta yogüɨraja vaera omanogüe vae reta pɨri.

San Lucas 8:31 Iomraidhean Croise

JOB 1:11

Ërei yaecha añave epoko opaete mbaembae reta güɨnoi vae re, jare reechata mbaetɨta ra ndeangao nderova pe etei vae.

JOB 2:5

Ërei yaecha añave epoko ikägüe re jare isoo re, jare reechata mbaetɨta ra ndeangao nderova pe etei vae.

San Mateo 25:41

Jayave jaeta vi cheasu kotɨ ñogüɨnoi vae reta pe: ‘Pesɨrɨ chegüi ikavimbae iyapoa reta, pekua tata opambae vae pe. Jókuae tata oñemokätɨro ma oï aña guasu pe jare araɨgua chupe oyeokuai vae reta pe.

San Lucas 8:28

Kuae kuimbae oecha Jesús yave, osapúkai jare oyetavatɨka itindɨasɨ jóvai. Jayave iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera agüɨye eiporarauka cheve.

San Lucas 8:32

Jare joko pe jeta kuchi reta okaru ñogüɨnoi ɨvɨtɨ re. Aña reta omoñera Jesús omaeño vaerä oya vaerä kuchi reta re. Jayave Jesús omaeño jese reta.

Romanos 10:7

ani agüɨye vi ere: ‘¿Kia ra ogüeyɨta ɨvɨkua guasu pe?’ (Kuae ko güeru vaerä Cristo omanogüe reta ipɨte güi.)”

Apocalipsis 11:7

Jare opa ma Tumpa regua omoërakua yave, jókuae mbaeporou ɨvɨkua guasu güi oë vae oñerarota ikotɨ reta jare omoamɨri retata jare oyukata.

Apocalipsis 17:8

Mbaemɨmba guasu reecha vae oikose, ërei mbaetɨ ma oiko. Oëta ɨvɨkua guasu güi, ërei ojo yeta kañɨtei pe. Jare ɨvɨ pe yogüɨreko vae reta oecha yave jókuae mbaemɨmba guasu oikose vae, ipɨakañɨ retata, jókuae jee mbaetɨ oyekuatía oï tembikuatía tekove opambae vae pegua pe ɨvɨ oyeapo güire vae reta. Ipɨakañɨ retata oecha yave mbaemɨmba guasu oikose, mbaetɨ ma oiko, oiko yeta vae.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.

Apocalipsis 9:11

Jare jókuae tuku reta juvicha guasu metei araɨgua jókuae ɨvɨkua guasu pe oiko vae ko. Hebreo iñee pe jee Abadón. Griego iñee pe Apolión.