San Lucas 8:14 - Biblia Guarani Tumpa Iñee

¹⁴ Jaeramiño vi jókuae temitɨ oñeotɨ yuu pɨte pe vae oyembojaanga Tumpa iñee oendu vae reta re. Ërei omboɨpɨ oyemoambeko ɨvɨ pegua mbaembae re jare oipota oikokatu vae re jare yerovia ɨvɨ pegua re. Jare opɨta reta temitɨ iambae rami.

Nuevo Testamento Guaraní Pe

¹⁴ Jae ramiño vi jocuae temitɨ oñeotɨ ñanapɨte pe vae oñemojaanga iru Tumpa iñee oendu vae reta re. Erei omboɨpɨ oñemambeco ɨvɨ pe oyeapo vae re jare corepoti oipota güɨnoi vaera vae re jare yerovia ɨvɨ pegua re. Jae rambue jae reta jocuae temitɨ mbaeti ia vae rami co —jei—.

San Lucas 8:14 Iomraidhean Croise

San Mateo 13:22

Jökorai vi jókuae temitɨ oa yuu pɨte rupi vae oyembojaanga Tumpa iñee oendu vae re. Ërei omboɨpɨ oyemoambeko ɨvɨ pegua mbaembae re, jare oyembotavɨ, oipota oikokatu jeko pegua, jare omoakañɨ ye Tumpa iñee güi. Jáeramo jae reta jókuae temitɨ iambae vae rami ko.

San Marcos 4:19

Ërei jae reta omboɨpɨ oyemoambeko ɨvɨ pegua mbaembae re, jare oyembotavɨ oipota oikokatu ramo, oipota rai vi güɨnoi vaerä jeta mbaembae. Jökorai opaete jókuae reta oyuka ñee ikavi vae, jare opɨta temitɨ iambae rami.

San Lucas 16:13

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Mbaetɨ pepuere peyeokuai Tumpa pe mbaeyekou peaɨu reve.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

San Lucas 8:13

Jökorai vi jókuae ita pɨte rupi oa vae reta oyembojaanga Tumpa iñee oendu rupive omboresive oyerovia reve vae re, ërei kuae reta jókuae temitɨ japo matɨä ɨ́vɨkotɨ ojo rami ko. Echa michi peguaño güɨrovia. Ërei mbaemboavai ou chupe reta yave, opia reta.

San Lucas 8:15

Ërei jókuae temitɨ oa ɨvɨ kavi pe vae oyembojaanga Tumpa iñee oendu vae re. Kuae reta oyeapɨsaka Tumpa iñee re ipɨa kavi jare sɨmbi rupi kavi, jare oyapo Tumpa iñee jei oyapo vaerä vae. Jáeramo jae reta temitɨ ia avei vae rami ko.

San Lucas 8:7

Amogüe temitɨ oa yuu pɨte rupi. Yuu oë jókuae temitɨ ndive vae opa oyuka.

San Juan 15:6

Jókuae mbaetɨ oï cheré vae oyemombota metei jäka oyeasɨa oyemombo yɨpi vaerä vae rami. Jare yɨpigüe oyemboatɨ jare oyemombo oyeapɨ vaerä.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

2 Timoteo 4:10

echa Demas chereeya ma ojo Tesalónica kotɨ, oaɨu ramo mbaembae kuae ɨvɨ pegua. Crescente ojo Galacia kotɨ, jare Tito ojo Dalmacia kotɨ.

Hebreos 6:1

Jáeramo, yaeya mo yamboɨpɨ ramo yave yayemboe Cristo regua vae, yaja tenonde kotɨ yaikuaa kavi vaerä; agüɨye yamboɨpɨ pɨau ye tenonde yave yayemboe ma jese vae, jae ko peyepoepɨ pereko reta mano pegua güi vae re jare mborogüɨrovia ye Tumpa re vae,