San Lucas 8:10 - Biblia Guarani Tumpa Iñee

¹⁰ Jayave Jesús jei chupe reta: “Amombeu ma peve Tumpa iporookuaía regua peikuaambae vae, ërei ïru vae reta amboe ambojaanga reve, yepe tëi oecha reta, agüɨye vaerä oecha reta, jare yepe tëi oendu reta, ërei mbaetɨta oikuaa reta.

Nuevo Testamento Guaraní Pe

¹⁰ Jayave Jesús jei chupe reta: —Amombeu ma peve Tumpa iporoocuaia regua. Cuae mbaeti oyecuaa iru vae reta pe. Jae rambue amboe iru vae reta amojaanga reve. Cuae ayapo agüɨye vaera oecha cavi, yepe tei omae, jare agüɨye vaera oicuaa, yepe tei oendu —jei—.

San Lucas 8:10 Iomraidhean Croise

SALMOS 25:14

YandeYa oï oipoɨu chugüi reta vae ndive, chupe reta oechaukata iporogüɨrökuavee päve.

ISAÍAS 29:14

jáeramo, jekuae ayapo yeta mɨakañɨ kuae tëta pe, metei mɨakañɨ tuicha vae jare oporoiämondo vae; jayave yarakuaa katu vae reta iyarakuaa opata okañɨ, jare ipoki vae reta ipɨarakuaa opata vi okañɨ.”

ISAÍAS 44:18

Jókuae nunga reta mbaetɨ mbae oikuaa, mbaetɨ iyarakuaa; echa jesa oñeova oï rami mbaetɨ ipuere mbae oecha, jaeramiño vi ipɨa mbaetɨ ipuere mbae oikuaa.

ISAÍAS 6:9

Jare jae jei cheve: “Ekua jare ere kuae tëta pe: ‘Peendu kavi, ërei ngaraa peikuaa; peecha kavi, ërei ngaraai peikuaa kavi.’

JEREMÍAS 5:21

Peendu kuae, pe yarakuaambae jare ipɨa täta vae reta, oime tëi peresa reta, ërei mbaetɨ peecha, oime tëi peapɨsa reta, ërei mbaetɨ peendu.

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

San Mateo 11:25

Jayave Jesús jei: “Romboete cheRu, nde ko jae ara pegua reta jare ɨvɨ pegua reta iYa. Echa reñomi mbaembae iyarakuaa vae reta güi, ërei reechauka oñemomichi vae reta pe.

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Marcos 4:11

Jayave Jesús jei chupe reta: “Amombeu ma peve Tumpa iporookuaía regua peikuaambae vae. Ërei ïru vae reta amboe ambojaanga reve.

San Marcos 4:12

Kuae ayapo agüɨye vaerä oikuaa kavi, yepe tëi oecha reta, ërei mbaetɨ oecha kavi reta, yepe tëi oendu reta, ërei mbaetɨ oikuaa reta, agüɨye vaerä oyerova reta Tumpa kotɨ, iyoa reta oyemboai vaerä.”

San Juan 12:40

“Tumpa oesaöva reta jare ombopɨa täta, agüɨye vaerä oecha kavi reta jare agüɨye vaerä oikuaa kavi reta, jare agüɨye vaerä oyepoepɨ reta. Echa oyepoepɨ reta yave, Tumpa ombogüerata.”

Romanos 16:25

Yamboete Tumpa, jae ipuere pemomɨ̈rata ñee ikavi vae Jesucristo regua amoërakua vae rupi. Kuae ñee ikavi vae yaikuaambae oñeomi oiko ndei ɨvɨ oyeapo mbove vae.

1 Corintios 12:11

Ërei opaete kuae mbaembae reta iyapoa meteiño, jae ko Espíritu Santo etei, jae omee metei ñavo pe oipota omee rupi.

DEUTERONOMIO 29:4

Ërei mbaetɨño yandeYa omee peve peikuaa vaerä, peecha vaerä jare peendu vaerä mbae ko oipota jei opaete kuaekuae vae.

Colosenses 2:2

pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.