San Lucas 7:39 - Biblia Guarani Tumpa Iñee

³⁹ Jare fariseo Jesús pe oparea vae kuae oecha yave, jei ipɨa pe: “Kuae kuimbae, ñeemombeúa ko yave, oikuaata mbae nunga ko kuae kuña vae. Echa iyoa vae ko.”

Nuevo Testamento Guaraní Pe

³⁹ Jare fariseo Jesús pe oparea vae cuae oecha yave, jei iyeupe ipɨa pe: —Cuae cuimbae metei Tumpa iñee omombeu vae yave, oicuaata tei quia co cuae cuña jare mbae nunga cuña co jae. Echa iyoa vae co —jei.

San Lucas 7:39 Iomraidhean Croise

2 REYES 5:20

Giezi, Eliseo jembiokuai, oyemongeta ipɨa pe, jei: “Cheya omaeño ojo Naamán Siriaɨgua, oipɨɨmbae reve chugüi mbota güerugüe. CheYa jee re taaɨkuemoña aramoete pegua jare tamombɨta chugüi mbovɨ imbaembae.”

PROVERBIOS 23:7

echa iyuru peño ko: “Ekaru jare jeu vino”, jei ndeve, ërei mbaetɨ ko ipɨa katu nderé;

ISAÍAS 65:5

Jei reta: ‘Joko peño, agüɨye cheavɨkɨ, oñeñono tee kavi yae vae ko, che ndegüi.’ Jókuae nunga reta, tätati omboasɨ cheresa vae rami ko, tata ikaaru jendɨ yave vae rami ko.

San Mateo 20:16

Jökorai Tumpa ombotaɨkueta oyembotuicha vae reta, jare ombotenondeta oñemomichi vae reta. Echa jeta ko oñeenɨi vae, ërei mbovɨño oyeparavo vae.”

San Mateo 21:11

Jare jeta vae reta jei: —Kuae jae ko Jesús ñeemombeúa Nazaret pegua ɨvɨ Galilea pegua.

San Marcos 7:21

Echa pepɨa güi oë opaete peyemongeta ikavimbae, peyuvanga menda re vae, aguasa reta, peporoyuka vae,

San Lucas 12:17

Jare jae jei ipɨa pe iyeupe: ‘¿Mbae ra ayapota? Mbaetɨ ma chembaagüɨye jendarä.’

San Lucas 15:2

Jayave fariseo reta jare mborookuai re oporomboe vae reta iñeenguru jese, jei reta: —Kuae kuimbae oñemoïru jeko kavimbae vae reta ndive, jare okaru jae reta ndive.

San Lucas 16:3

Jayave jókuae tembiokuai jei iyeupe: ¿Mbae ra ayapota? Echa mbaetɨta ma aiko mbaembae iyangarekoarä. Echa akaapi vaerä, ngaraa chepuere. Ayerure vaerä, chemarata ko.

San Lucas 18:4

Mbovɨ ara rupi mburuvicha oporojäa vae mbaetɨ oyapo mbae oepɨ vaerä. Ërei jaɨkue rupi jei iyeupe: ‘Yepe tëi aipoɨuä Tumpa güi jare cheporomboeteä etei,

San Lucas 3:8

Peyapo ikavi vae, jökorai pemboyekuaa añetete peeya ko peyemongeta ikavimbae vae pepɨa pe penoi vae. Agüɨye pere peyeupe: ‘Ñaneñemuñagüe ko jae Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.

San Lucas 7:16

Jayave opaete vae okɨɨye. Omboete reta Tumpa, jei reve: —Ñeemombeúa tuichagüe oyekuaa yandepɨte pe. Tumpa ou yandemborɨ, yande tëta imbae vae reta.

San Lucas 7:37

metei kuña iyaguasa pota vae jókuae tëta guasu pegua oikuaa Jesús okaru ko oï fariseo jëta pe, jare güeru mbae ikäti kavi vae jɨru ita alabastro jee vae pegua pe.

San Lucas 7:38

Jayave jókuae kuña oï Jesús ikupe kotɨ jare oyaeo. Jare omboɨpɨ omoäkɨ Jesús ipɨ jesaɨ pe. Jayave kuña omotini Jesús ipɨ ia pe jare oipɨte vi ipɨ. Javoi oipichɨ mbae ikäti kavi vae ipɨ re.

San Lucas 7:40

Jayave Jesús jei fariseo pe: —Simón, aipota mbae jae ndeve. —Ere cheve, oporomboe vae —jei chupe.

San Juan 4:19

Jayave kuña jei: —CheYa, añave aikuaa nde ko jae ñeemombeúa.

San Juan 7:12

Jare joko pe ñogüɨnoi vae reta oyoaka oyoupii Jesús re. Amogüe vae reta jei: “Kuimbae jeko kavi vae ko jae.” Ërei ïru vae reta jei: “Mbaetɨ ko. Oporombotavɨ vae ko.”

San Juan 9:24

Jayave judío reta oenɨi ye kuimbae tenonde yave jesambae oiko vae, jare jei reta chupe: —Ere Tumpa jee re oreve añete vae. Echa roikuaa kuae kuimbae iyoa vae ko.