San Lucas 7:3 - Biblia Guarani Tumpa Iñee

³ Jare sundaro ruvicha oendu Jesús regua yave, omondo jae oïa pe amogüe judío reta itenondegua reta, omoñera vaerä ou ombogüera chupe jembiokuai.

Nuevo Testamento Guaraní Pe

³ Jare cien sundaro vae juvicha oendu Jesús regua. Jae rambue omondo Jesús oia pe amogüe judío reta itenondegua reta, jae reta oyerure vaera Jesús pe ojo vaera ombogüera cien sundaro vae juvicha jembiócuai.

San Lucas 7:3 Iomraidhean Croise

San Mateo 8:5

Jare Jesús ojo oväe tëta Capernaum pe yave, ou jae oïa pe metei cien sundaro vae juvicha omoñera vaerä.

San Lucas 7:2

Jare jókuae tëta guasu pe oiko metei sundaro ruvicha jembiokuai oaɨu yae vae imbaerasɨ oï. Omano potaecha.

San Lucas 7:4

Jare yogüeru oväe yave Jesús oïa pe, omomiari kavi, jei reve chupe: —Jupi ko remborɨ vaerä kuae mburuvicha.

San Lucas 8:41

Jayave ou metei kuimbae Jairo jee vae. Jae ko judío reta itupao re oyangareko vae. Jae oyetavatɨka Jesús jóvai, jare omoñera ojo vaerä jëta pe.

San Lucas 9:38

Jayave metei kuimbae yatɨ vae reta ipɨte pe oï vae jei Jesús pe: —Oporomboe vae, romoñera remae vaerä cheraɨ re. Jaevaeño ko cheve.

San Juan 4:47

Jae oikuaa Jesús ou ma ko Judea güi oväe Galilea pe yave, ou Jesús oïa pe jare oyerure taɨ ombogüera vaerä chupe. Echa omanota ma oï.

Filemón 1:10

romoñera cheraɨ Onésimo re. Echa jae ayapo ma cheraɨrä yandeYa re tembipɨɨrɨru pe aï ramboeve.