San Lucas 7:22 - Biblia Guarani Tumpa Iñee

²² Jayave Jesús jei Juan ombou chupe vae reta pe: —Pekua ye pemombeu Juan pe peecha jare peendu vae. Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omano vae reta oikove ye. Iparavete vae reta pe oñemoërakua ñee ikavi vae.

Nuevo Testamento Guaraní Pe

²² Jayave Jesús jei Juan ombou chupe vae reta pe: —Pecua ye pemombeu Juan pe peecha jare peendu vae. Jesa mbae vae reta ipuere ma omae. Mbaeti ipuere oguata vae reta ipuere ma oguata. Ipire ocúi vae reta ocuera ma. Iyapɨsa mbae vae reta ipuere ma oendu. Omano vae reta oicove ye. Paravete vae reta oyeapɨsaca ñee icavi vae re —jei—.

San Lucas 7:22 Iomraidhean Croise

JOB 29:15

¡Che aiko jesambae jesarä, jare oguatambae ipɨrä!

SALMOS 146:8

omomae jesambae vae reta, omopüa ogüɨapi vae reta, oaɨu jupi rupi yogüɨreko vae reta.

ISAÍAS 42:16

Jesambae reta arajata tape, jae reta oikuaambaea rupi, jae reta japerä rupi pɨtumimbi amoembipeta, tape pɨ̈chɨi vae ambokavita. Kuaekuae, ayapota chupe reta, mbaetɨta aeya reta jae aeño.

ISAÍAS 43:8

Pembou tëta chembae vae, oime tëi jesa, ërei jesambae rami, oime tëi iyapɨsa, ërei iyapɨsambae rami.

JEREMÍAS 31:8

Aru reta yeta tëtaguasu ɨvɨtuguasu kotɨgua güi, jare opata amboatɨ ɨvɨ iyapɨ kotɨ güi. Yogüeruta jae reta ndive jesambae reta jare iköcho vae reta, kuña reta ipurúa vae jare imembɨ oa ma vae. ¡Jeta yeyé yogüeruta jupíe reta!

SOFONÍAS 3:12

Aeyata ndeve ipɨa omomichi vae jare mbaetɨ ipɨayemboete vae reta, jae reta oyekota chereño.

San Mateo 11:5

Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omanogüe vae reta oikove ye. Jare iparavete vae reta pe oñemoërakua ñee ikavi vae.

San Mateo 21:14

Jare yogüeru Jesús oïa pe tupao pe jesambae vae reta jare iköcho vae reta, jare jae ombogüera reta.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

San Lucas 7:21

Jayave jókuae ora pe etei Jesús ombogüera jeta imbaerasɨ vae reta jare ombosɨrɨ aña reta oya jese vae reta güi. Jare ombogüera jeta jesambae vae reta.

San Lucas 7:23

¡Jare oyerovia ko jókuae mbaetɨ yemboavai oväe cheré vae!

San Juan 1:46

Jayave Natanael jei: —¿Oime ra mbae ikavi vae oë vaerä Nazaret güi? Felipe jei: —Eyu emae jese.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Hechos 8:7

Echa jeta okuera aña reta oya jese vae reta; täta jäse reve osɨrɨ reta. Jare jeta okuera jete jëogüe vae jare oguatambae vae reta.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.