San Lucas 5:25 - Biblia Guarani Tumpa Iñee

²⁵ Jayave jupivei kuimbae opüa jeta vae jovake, ovoɨ jupa jare ojo jëta kotɨ, omboete reve Tumpa.

Nuevo Testamento Guaraní Pe

²⁵ Jayave jupivei cuimbae opúa, jare ovoɨ jupa, jare oe ojo jo cotɨ opaete joco pe ñogüɨnoi vae reta jovaque. Jare ojo rambueve, omboete Tumpa.

San Lucas 5:25 Iomraidhean Croise

GÉNESIS 1:3

Jare Tumpa jei: “¡Toiko tembipe!” Jare oiko tembipe.

SALMOS 33:9

Echa jae jei vae, opaete oyeapo; omee mborookuai vae, jökorai oiko.

SALMOS 50:23

mbaemboete omee cheve vae, chemboete ko. Jupi rupi kavi oiko vae pe, aechaukata cheporogüɨroasayepe.”

San Mateo 9:8

Ërei jeta joko pe ñogüɨnoi vae reta oecha yave ipɨakañɨ, jare omboete reta Tumpa, mbaepuere tuicha vae omee kuimbae reta peguarä Jesús rupi.

San Marcos 2:12

Jayave kuimbae opüa jupivei, ovoɨ jupa jare oë ojo opaete joko pe ñogüɨnoi vae reta jovake. Jare opaete vae ipɨakañɨ jare omboete reta Tumpa jei reve: —Mbaetɨi yaecha kuae nunga.

San Lucas 13:13

Jayave Jesús oñono ipo jese. Jare jupivei jókuae kuña ipuere oyembosɨmbi kavi jare omboɨpɨ omboete Tumpa.

San Lucas 18:43

Jupivei omae, jare ojo Jesús jupíe omboete reve Tumpa. Jare opaete joko pe ñogüɨnoi vae reta kuae oecha yave, omboete Tumpa.

San Lucas 5:13

Jayave Jesús opoko jese jei reve: —¡Aipota! ¡Ekuera! Jare jupiveiño okuera imbaerasɨ güi.

San Juan 9:24

Jayave judío reta oenɨi ye kuimbae tenonde yave jesambae oiko vae, jare jei reta chupe: —Ere Tumpa jee re oreve añete vae. Echa roikuaa kuae kuimbae iyoa vae ko.