San Lucas 5:21 - Biblia Guarani Tumpa Iñee

²¹ Jayave mborookuai re oporomboe vae reta jare fariseo reta ipɨa pe oyemongeta körai: “¿Kia pa ko jei vaerä ikavimbae yae vae Tumpa kotɨ? Tumpaño ko ipuere iñɨ̈ro mbaeyoa reta re.”

Nuevo Testamento Guaraní Pe

²¹ Jayave mboroócuai re oporomboe vae reta jare fariseo reta oñemongueta ipɨa pe: ¿Quia pa co jae corai jei vaera? Jei icavi mbae vae Tumpa cotɨ. Tumpaño co ipuere iñɨro quia pe imbaeyoa reta re.

San Lucas 5:21 Iomraidhean Croise

SALMOS 103:3

Iñɨ̈ro ko cheve opaete cheyoa reta re, jae ko chembogüera opaete chembaerasɨ güi,

SALMOS 130:4

Ërei nde ko neɨ̈ro vae, reyemboeteuka vaerä.

SALMOS 32:5

Cheyoa amombeu ndeve, mbaetɨ añomi ndegüi mbaeyoa ayapogüe. Jae: “Tamombeu cheYa pe mbaetɨ iporookuai ayapo vae.” Jare nde neɨ̈ro cheyoa ikavimbae re.

SALMOS 35:5

¡Toyogüɨreko reta, mbae javiyugüe opa ɨvɨtu güɨroveve rami, ndearaɨgua omoña reta yave!

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 43:25

Ërei che peTumpa, ayeaɨu jeko pegua amboai peyoa reta, ngaraa ye ma chemaendúa peyoa reta re.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

DANIEL 9:19

¡OreYa Tumpa! ¡Eendu oreve, neɨ̈ro oreve! ¡Eyeapɨsaka oreré, oreYa, eyu oremborɨ! ¡Reyeaɨu jeko pegua, eyapo oreve jarembae oreTumpa; echa nerëta guasu re jare ndembae vae reta re nderee oñeenɨi!’

DANIEL 9:9

OreYa Tumpa, ndegüi ko outa mboroparareko jare ñɨ̈ro. Yepe tëi ore orepɨa pochɨ ndekotɨ,

LEVÍTICO 24:16

Kia nunga vae cheangao yave, tomano; opaete yatɨ vae reta toyapi ita pe toyuka; ketɨgua reta ani pegüi reta, oyangao yave Tumpa, tomano.

MIQUEAS 7:19

Enoi ye mboroparareko orekotɨ; eñotɨ orereko jupimbae reta jare emombo ɨguasu pe opaete oreyoa reta.

San Mateo 26:65

Jayave sacerdote tenondegua ete kuae oendu yave, pochɨ ramo omondoro jemimonde, jei reve: —Jei ma ikavimbae yae vae Tumpa kotɨ. ¿Mbaerä ye pa yaekata kia imiari vaerä jese? Mase, pe reta etei peendu ma ikavimbae yae jei Tumpa kotɨ vae.

San Mateo 9:3

Javoi amogüe mborookuai re oporomboe vae reta oyemongeta ipɨa pe körai: “Kuae kuimbae jei ikavimbae yae vae Tumpa kotɨ.”

San Lucas 3:8

Peyapo ikavi vae, jökorai pemboyekuaa añetete peeya ko peyemongeta ikavimbae vae pepɨa pe penoi vae. Agüɨye pere peyeupe: ‘Ñaneñemuñagüe ko jae Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.

San Lucas 5:17

Metei ara Jesús oporomboe oï, jare amogüe fariseo reta jare mborookuai re oporomboe vae reta oguapɨ ñogüɨnoi jokoropi. Jae reta yogüeru opaete tëta raɨ reta Galilea pegua güi, Judea pegua güi jare Jerusalén güi. Jesús güɨnoi yandeYa imbaepuere oporombogüera vaerä.

San Lucas 5:22

Ërei Jesús oikuaa jae reta iyemongeta ramo, jei chupe reta: —¿Maera pa pepɨa pe peyemongeta jökorai?

San Lucas 7:49

Jayave Jesús ndive okaru ñogüɨnoi vae reta jei ipɨa pe: “¿Kia ra ko kuae, mbaeyoa re ave iñɨ̈ro vaerä?”

San Juan 10:33

Judío reta jei chupe: —Mbae ikavi vae reyapo vae reä ko royapita ita pe. Ikavimbae rere Tumpa kotɨ vae re ko. Echa nde ko kuimbaeño, ërei rere ndeyeupe nde ko jae Tumpa vae.

Romanos 8:33

¿Kia pa ipuereta omboeko Tumpa jembiparavo reta? Tumpa ko jae oporombojupi vae.