San Lucas 5:19 - Biblia Guarani Tumpa Iñee

¹⁹ Ërei ipuereä güɨroike jeta yae vae ramo. Jáeramo güɨroyeupi o iárambo jare oipea chupe Jesús oïa re katu. Jokoropi ombogüeyɨ reta imbaerasɨ vae jupa reve Jesús jóvai.

Nuevo Testamento Guaraní Pe

¹⁹ Erei mbaeti ipuere güɨroique Jesús oia pe, yatɨ vae reta jeco pegua. Jae rambue oyeupi reta ovapɨa re imbaerasɨ vae ndive. Jayave oequi reta mbovɨ ovapɨa güi Jesús iárambue, jare ombogüeyɨ reta cuimbae mbaeti ipuere omɨi vae jupa reve opaete vae ipɨte pe Jesús jóvai.

San Lucas 5:19 Iomraidhean Croise

2 SAMUEL 11:2

Jare metei ara kaaru yave, David opüa jupa güi, jare oë oguata o iárambo ipe kavi vae rupi; jare joko güi oecha metei kuña ipöra yae vae oyau oï.

JEREMÍAS 19:13

O reta Jerusalén pegua jare mburuvicha guasu reta Judá pegua jo reta, jare o reta iárambo ikäti kavi vae incienso oapɨ reta yasɨtata reta pea pe, jare omee reta mbota vino oyepɨyere vae tumpa ambuae pe vae, ikɨata opɨta cheróvai Tofet rami.’ ”

San Mateo 10:27

Pɨtumimbía pe che jae peve vae pemoërakua tembipe pe etei. Jare che jae vɨari peve vae pemoërakua opaete vae pe o iárambo ipe kavía güi.

San Mateo 24:17

Jare o iárambo ipe kavía pe oï vae, agüɨye togüeyɨ jo pe güɨraja vaerä mbae ave.

San Marcos 2:4

Ërei jókuae güeru vae reta ipuereä güɨroike Jesús oïa pe, jeta yae vae ramo. Jáeramo güɨroyeupi o iárambo jare oipea reta chupe Jesús oïa re katu. Jokoropi ombogüeyɨ reta jókuae kuimbae jete jëogüe vae jupa reve.

DEUTERONOMIO 22:8

Pemopüa yave o ipɨau vae, iyapɨte ipe vae jembeɨ rupi peyapo vi ikësea reve; jökorai agüɨye vaerä penoi teko kia oa yave o iárambo güi.

1 SAMUEL 9:25

Jayave opa ye ma yogüeru ɨvɨtɨ mbaemboete renda güi tëta guasu kotɨ yave, Samuel imiari Saúl ndive o iárambo ipe kavi vae pe.