San Lucas 5:17 - Biblia Guarani Tumpa Iñee

¹⁷ Metei ara Jesús oporomboe oï, jare amogüe fariseo reta jare mborookuai re oporomboe vae reta oguapɨ ñogüɨnoi jokoropi. Jae reta yogüeru opaete tëta raɨ reta Galilea pegua güi, Judea pegua güi jare Jerusalén güi. Jesús güɨnoi yandeYa imbaepuere oporombogüera vaerä.

Nuevo Testamento Guaraní Pe

¹⁷ Jare metei ara Jesús oporomboe oi, jare amogüe fariseo reta jare mboroócuai re oporomboe vae reta oguapɨ ñogüɨnoi jocoropi. Jae reta yogüeru Jerusalén jare opaete tenta Galilea jare Judea pegua reta güi. Jare Jesús güɨnoi ñandeYa imbaepuere ombogüera vaera imbaerasɨ vae reta.

San Lucas 5:17 Iomraidhean Croise

San Mateo 11:5

Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omanogüe vae reta oikove ye. Jare iparavete vae reta pe oñemoërakua ñee ikavi vae.

San Mateo 15:1

Jayave fariseo reta jare mborookuai re oporomboe vae reta Jerusalén pegua oya Jesús re jare jei reta chupe:

San Marcos 1:45

Ërei jókuae kuimbae ojo, jare omboɨpɨ omoërakua jeta vae reta pe, jókuae oyeapo chupe vae. Jáeramo Jesús mbaetɨ ma ipuere oike tëta guasu pe yavaimbae reve. Opɨta tëtambaea rupi, jare yogüeru jae oïa pe opaete ketɨ ketɨ rupi güi.

San Marcos 16:18

Oipɨɨta mboi reta. Jou yave mbae imbayachi vae, ngaraa maratu oyapo reta. Oñonota ipo imbaerasɨ vae reta re, jare ombogüerata.

San Marcos 3:22

Jare mborookuai re oporomboe vae yogüeru Jerusalén güi vae reta jei: “Aña guasu Beelzebú jee vae oya ma jese, jae aña guasu imbaepuere rupi ko ombosɨrɨ aña reta oya jese vae reta güi.”

San Marcos 5:30

Ërei Jesús oikuaa imbaepuere oë chugüi yave, oyerova omae jeta vae re, jare oparandu: —¿Kia pa cheremimonde re opoko?

San Marcos 7:1

Fariseo reta jare amogüe mborookuai re oporomboe vae Jerusalén güi yogüeru vae reta yatɨ Jesús re.

San Lucas 15:2

Jayave fariseo reta jare mborookuai re oporomboe vae reta iñeenguru jese, jei reta: —Kuae kuimbae oñemoïru jeko kavimbae vae reta ndive, jare okaru jae reta ndive.

San Lucas 2:46

Jare mboapɨ ara ma oeka reta yave, oväe reta chupe tupao pe. Jesús oguapɨ oï mborookuai re oporomboe vae reta ipɨte pe. Oyeapɨsaka oï jese reta jare oparandu chupe reta mbaembae re.

San Lucas 5:21

Jayave mborookuai re oporomboe vae reta jare fariseo reta ipɨa pe oyemongeta körai: “¿Kia pa ko jei vaerä ikavimbae yae vae Tumpa kotɨ? Tumpaño ko ipuere iñɨ̈ro mbaeyoa reta re.”

San Lucas 5:30

Ërei mborookuai re oporomboe vae reta jare fariseo reta iñeenguru Jesús jemimboe reta pe. Jei reta: —¿Maera pa pekaru mburuvicha peguarä okovara vae reta jare jeko ikavimbae vae reta ndive?

San Lucas 6:19

Jare opaete vae oipota yae opoko Jesús re. Echa jae güɨnoi mbaepuere ombogüera vaerä opaete imbaerasɨ vae reta.

San Lucas 7:30

Ërei fariseo reta jare mborookuai re oporomboe vae reta mbaetɨ oyapo Tumpa jei oyapo vaerä vae. Echa mbaetɨ oyembobautisauka Juan pe.

San Lucas 8:46

Ërei Jesús jei: —Oime kia opoko cheremimonde re vae. Echa aikuaa chembaepuere oë chegüi vae.

San Juan 3:10

Jesús oparandu Nicodemo pe: —¿Mbaetɨ pa reikuaa kuae nde Israel pegua reta omboe vae?

San Juan 3:21

Ërei añete pegua rupi oiko vae ou tembipe pe, ïru vae reta oikuaa vaerä jembiapo reta oyapo ko Tumpa jemimbota rupi kavi.

Hechos 19:11

Jare Tumpa oyapo mɨakañɨ reta tuichagüe Pablo rupi.

Hechos 4:30

Jare eechauka ndembaepuere rupi oporombogüera reta vaerä, eyapo vi mɨakañɨ reta ndeRaɨ iyoambae Jesús jee re.”

Hechos 5:34

Ërei opüa metei fariseo Gamaliel jee reta ipɨte pe. Jae ko metei mborookuai re oikuaa yae vae, jare opaete vae reta omboete yae vae. Jae oyókuai güɨnoe vaerä ikatu pe michi pegua temimondo reta,