San Lucas 4:7 - Biblia Guarani Tumpa Iñee

⁷ Nde reyetavatɨka chemboete yave, toï ndembaerä opaete.

Nuevo Testamento Guaraní Pe

⁷ Nde reyeatɨca yave chemboete vaera, tamee ndeve nembaera —jei.

San Lucas 4:7 Iomraidhean Croise

SALMOS 72:11

¡Opaete mburuvicha guasu reta toyetavatɨka itindɨasɨ reve jóvai! ¡Opaete tëtaguasu reta toyeokuai chupe!

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 46:6

Amogüe reta güɨnoe oro jɨru güi ani ojäa korepoti mbaejäaka pe, javoi oyókuai metei ipoki korepoti pegua mbaravɨkɨ oyapo vae, oyókuai oyapo vaerä itumparä; javoi oyetavatɨka omboete.

San Mateo 2:11

Oike reta o pe yave, oecha reta michia ichɨ María ndive. Jayave jae reta oyetavatɨka omboete reta michia. Jayave oipea reta imbaerɨru jare omee reta michia pe oro, mbae ikäti kavi vae incienso jare mirra.

San Lucas 17:16

Jare oyetavatɨka itindɨasɨ reve Jesús jóvai jare omee yasoropai chupe. Jare jókuae jae ko Samariaɨgua.

San Lucas 4:6

Jayave aña guasu jei Jesús pe: —Tamee ndeve opaete kuae mbaepuere iyemboetea reve reve, echa kuae mbaepuere oñemee ko cheve jare chepuere amee aipota amee chupe vae pe.

San Lucas 4:8

Jayave Jesús jei chupe: —Esɨrɨ chegüi, Satanás. Echa Tumpa Iñee pe oyekuatía oï körai: “NdeYa Tumpa emboete, chupeño eyeokuai.”

San Lucas 8:28

Kuae kuimbae oecha Jesús yave, osapúkai jare oyetavatɨka itindɨasɨ jóvai. Jayave iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera agüɨye eiporarauka cheve.

Apocalipsis 22:8

Che Juan aendu jare aecha kuae mbaembae. Jare aendu jare aecha güire ayetavatɨka chetindɨasɨ jókuae araɨgua oechauka mbaembae cheve vae jóvai amboete vaerä.

Apocalipsis 4:10

veinticuatro tenondegua okuakuaa vae reta oyetavatɨka omboete jókuae tenda pe oguapɨ vae jekuaekuae avei rupi oiko vae, jare oñono reta iñäka-regua jókuae tenda jóvai, jei reve:

Apocalipsis 5:8

Jare tembikuatía güɨnoi ma yave, jókuae irundɨ oikove vae reta jare jókuae veinticuatro tenondegua okuakuaa vae reta oyetavatɨka Vecha kuimbae taɨrusu vae jóvai. Metei ñavo güɨnoi arpa jare kopa oro pegua tɨnɨe ikäti kavi incienso, jae ko oporogüɨrovia vae reta iyerure;