San Lucas 4:35 - Biblia Guarani Tumpa Iñee

³⁵ Jayave Jesús oñeengata chupe. —¡Nekïrii! ¡Eë chugüi! Jayave opaete vae jovake aña oitɨ ɨvɨ re kuimbae jare oë chugüi. Mbaetɨ maratu oyapo.

Nuevo Testamento Guaraní Pe

³⁵ Jayave Jesús oñeengata chupe. —¡Nequirii! ¡Ecua chugüi! —jei. Jayave aña oitɨ ɨvɨ re cuimbae jare ojo chugüi. Oeya caviño.

San Lucas 4:35 Iomraidhean Croise

SALMOS 50:16

Ërei jeko kavimbae pe Tumpa jei: “¿Kërai pa nde ndepuere nemiari cheporookuai reta re, jare remombeu cheporogüɨrökuavee päve?

ZACARÍAS 3:2

Jare yandeYa jei Satanás pe: “¡YandeYa toñeengata ndeve Satanás! ¡YandeYa oaɨu Jerusalén vae toñeengata ndeve! Echa jae ko tatasɨgüe tata güi oñerenoegüe rami.”

San Mateo 17:18

Jayave Jesús oñeengata aña pe, jare aña oë kunumi güi. Jare jupiveiño okuera.

San Mateo 8:26

Jayave Jesús jei chupe reta: —¡Michi iporogüɨrovia vae reta! ¿Maera pa pekɨɨye? Jayave opüa jare oñeengata ɨvɨtu jare ɨguasu pe. Jare opaete voi kïrii ngatu opɨta.

San Marcos 1:26

Jayave aña täta omotumo jókuae kuimbae, jare täta jäse reve oë chugüi.

San Marcos 4:39

Jayave Jesús opüa, jare oñeengata ɨvɨtu pe, jei reve: —¡Epɨta! ¡Eñemokïrii! Javoi ɨvɨtu opɨta, kïrii ngatu opɨta.

San Marcos 9:26

Jayave aña jäse, jare omborɨrɨi täta kunumi, osɨrɨ chugüi. Jare kunumi omanoecha opɨta. Jare jeta joko pe ñogüɨnoi vae reta jei: —¡Omano!

San Lucas 11:22

Ërei ou yave ïru kuimbae ipɨ̈rata yae chugüi vae jare omoamɨri, jare opɨ̈ro chugüi imboka oyerovia tëi jese vae. Jare opa omboyao chugüi imbaembae.

San Lucas 4:23

Jayave Jesús jei chupe reta: —Arovia pereta cheve jókuae ñee jei vae: “Nde ko jae metei oporopoano vae. Jáeramo eñepoano.” Echa roikuaa jeta mbaembae reyapo Capernaum pe, eyapo vi kuae ndeɨvɨ pe.

San Lucas 4:39

Jayave Jesús itindɨ ikotɨ, jare oñeengata taku pe. Jayave jaku opɨta chugüi. Jupiveiño kuña opüa jare omee mbae jou reta.

San Lucas 4:41

Jare aña reta osɨrɨ oya jese vae reta güi. Osapúkai reve jei: —Nde ko jae Tumpa Taɨ. Ërei Jesús oñeengata chupe reta. Mbaetɨ omaeño aña reta imiari. Echa jae reta oikuaa jae ko Cristo.

San Lucas 8:24

Jayave omomba reta Jesús, jare jei chupe: —¡Oporomboe vae, oporomboe vae! Ñamanota ma. Jayave Jesús opüa, jare oñeengata ɨvɨtu jare ɨguasu pe. Jare jupiveiño opɨta ɨvɨtu, jare opaete kïrii ngatu.

San Lucas 9:39

Güɨramoiño metei aña oya jese jare ombosapúkai. Jayave omborɨrɨi jare iyuru tɨrɨyɨi, oyembopere. Omombaravete yae oeya.

San Lucas 9:42

Jare kunumi ou ramboeve, aña oipɨaka jare omborɨrɨi yae. Ërei Jesús oñeengata aña pe; ombogüera kunumi jare omee ye tu pe.

Apocalipsis 12:12

¡Jáeramo, peyerovia ara jare pɨpegua reta! ¡Ërei paravete ɨvɨ pegua reta jare ɨguasu pegua reta! ¡Echa aña guasu ogüeyɨ ma peve iyarasɨ yae reve, echa jae oikuaa michi peguaño ma oikota!”