San Lucas 4:22 - Biblia Guarani Tumpa Iñee

²² Jare opaete joko pe ñogüɨnoi vae reta imiari kavi jese. Echa ipɨakañɨ reta ñee ikavigüe jei vae re, jei reta: —¿Jaeä yera kuae José taɨ?

Nuevo Testamento Guaraní Pe

²² Jare opaete joco pe ñogüɨnoi vae reta imiari cavi jese. Echa ipɨacañɨ yae iñee icavi yae vae re. Jae reta jei: —¿Jaea yera cuae José taɨ?

San Lucas 4:22 Iomraidhean Croise

SALMOS 45:2

¡Nde ko jae kuimbae kavi opaete kuimbae reta güi vae! ¡Ñee kavi oë ndeyuru güi! Jáeramo, Tumpa iporerekua nderé jekuae avei pegua.

SALMOS 45:4

Ndeyemboetea toë kavi ndeve, eyapo jupi vae jare añete vae paravete vae reta pe. ¡Ndepo akatu tandemboe mbae tuichagüe re!

PROVERBIOS 10:32

Jupi vae iyuru güi oë ñee pöra; ërei iyoa vae reta iyuru ikɨa.

PROVERBIOS 16:21

Iyarakuaa vae, jae ko yarakuaa katu vae; ñee yeaeä, omoïru arakuaa katu.

PROVERBIOS 25:11

Ñee kavi, iara pe kavi yae vae, manzana ia iä oro pegua, korepoti pe oñemopöra vae rami ko.

ECLESIASTÉS 10:12

Yarakuaa vae iñee reta rupi oyemboeteuka, ërei yarakuaambae, iñee rupi aeño oyemboai;

CANTARES 5:16

Iyuru, jëeasɨ yae ko. ¡Ipotaa yae ko! ¡Jökorai ko aaɨu vae, jökorai ko chembae, kuñatai reta Jerusalén pegua!

ISAÍAS 50:4

YandeYa Tumpa omee cheve chepoki vaerä chemiari, ambopɨakatu vaerä ikangɨ vae reta, ñee ñemoäta ngatu pegua pe. Ndeimbove ñavo jae chemomba, jare ayeapɨsaka jese chepɨakatu reve kavi.

San Lucas 2:47

Jare opaete oyeapɨsaka jese vae reta, ipɨakañɨ iyarakuaa katu re jare mbarandu omombeu vae re.

San Lucas 2:48

José jare Jesús ichɨ oecha yave, omopɨakañɨ yae reta, jare jei chupe: —Chemembɨ, ¿maera pa körai oreapo? Mase, che jare nderu roeka tëi opaete kerupi orepɨatɨtɨ yae reve.

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

San Lucas 4:21

Jayave Jesús jei chupe reta: —Kuae ara etei oyembopo peróvai kuae Tumpa Iñee.

San Juan 1:45

Jayave Felipe oväe Natanael jare jei chupe: —Roväe jókuae Moisés oikuatía jesegua mborookuai pe vae. Jare ñeemombeúa reta. Jae ko Jesús, José Nazaret pegua taɨ.

San Juan 6:42

Jei reta: —¿Jaeä pa kuae Jesús, José taɨ? Yaikuaa katu ko tu jare ichɨ. ¿Kërai pa ipuere jei: “Ara güi ko ayu”?

San Juan 7:46

Jembiokuai reta jei: —¡Echa mbaetɨi kia imiari jókuae kuimbae imiari rami!

Hechos 6:10

Ërei jae reta mbaetɨ ipuere omoamɨri Esteban. Echa Esteban imiari iyarakuaa katu reve Espíritu Santo rupi.

Tito 2:8

eiporu ñee reta ikavi vae, agüɨye vaerä kia ndemboeko rere vae re, oyovaicho ndekotɨ vae imara vaerä, agüɨye vaerä jei mbae ikavimbae vae ndekotɨ.