San Lucas 4:1 - Biblia Guarani Tumpa Iñee

¹ Jesús ou ye ɨ̈aka Jordán güi. Jae tɨnɨe Espíritu Santo pe. Jayave Espíritu Santo güɨraja Jesús ñuu pe.

Nuevo Testamento Guaraní Pe

¹ Jare Jesús ou ye Jordán güi. Jae tɨnɨe Espíritu Santo pe. Jayave Espíritu Santo omondo Jesús ñuu pe.

San Lucas 4:1 Iomraidhean Croise

1 REYES 18:12

Aja ramboeve kuae güi yandeYa iEspíritu ndererajata kuae güi che mbaetɨ aikuaa vae pe. Javoi che aja Acab pe romombeu yave royuta roeka, javoi Acab mbaetɨ neväe yave, cheyukata. Che nderembiokuai chetaɨrusu güive amboete yandeYa vae ko.

1 REYES 19:4

Jare jae ojo ñuu kotɨ, metei ara oguata, jare ou oguapɨ metei ɨvɨra igüɨ pe; jare oipotaecha omano, jare jei: “¡Joko peño mo cheYa, eekɨ chegüi cherekove, echa mbaetɨ ko ayapɨraa cheru reta chereko kavi pe!”

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

San Mateo 3:16

Jare Juan ombobautisa ma yave, Jesús oë ɨ güi. Jare jupivei oecha ara oyepea, jare oecha vi Tumpa iEspíritu ogüeyɨ jese pɨkasu rami.

San Lucas 2:27

Jare jókuae ara Espíritu Santo güeru Simeón tupao pe. Jare Jesús tu jare ichɨ güeru tupao pe, oyapo vaerä mborookuai jei vae rami yave,

San Lucas 3:3

Jayave Juan ojo opaete ɨ̈aka Jordán iyɨ́vɨri rupi. Jare omombeu opaete vae pe oeya vaerä iyemongeta ikavimbae vae ipɨa pe güɨnoi vae jare oyembobautisauka vaerä, Tumpa iñɨ̈ro vaerä chupe reta iyoa reta re.

San Lucas 3:38

Cainán jae Enós taɨ; Enós jae Set taɨ; Set jae Adán taɨ. Adán ko jae Tumpa taɨ.

San Lucas 4:14

Jayave Jesús ou ye Galilea pe tɨnɨe Espíritu Santo imbaepuere pe. Jare jërakua opaete jókuae ɨvɨ rupi.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

San Juan 1:32

Juan omombeu vi chupe reta, jei: “Aecha Espíritu ogüeyɨ ara güi jese pɨkasu rami.

San Juan 3:34

Jókuae Tumpa ombou vae imiari Tumpa iñee, echa Tumpa omee chupe iEspíritu.

Hechos 1:2

ojo ye ara pe regua. Omee güire mborookuai reta Espíritu Santo rupi temimondo oiparavogüe reta pe.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 8:39

Jare oë reta ɨ güi yave, yandeYa iEspíritu güɨraja joko güi Felipe. Jare eunuco mbaetɨ ye oecha. Jare oyerovia reve ojo jëta kotɨ.