San Lucas 24:49 - Biblia Guarani Tumpa Iñee

⁴⁹ Mase, che ambouta peve cheRu güɨrökuavee peve vae. Ërei pepɨta tëta guasu Jerusalén pe ou regua peré mbaepuere ara güi.

Nuevo Testamento Guaraní Pe

⁴⁹ Mase, ambouta peve cheRu güɨrocuavee omeeta co peve vae. Erei pepɨta tenta Jerusalén pe mbaepuere güɨnoi vae ara güi ou peve regua —jei.

San Lucas 24:49 Iomraidhean Croise

ISAÍAS 32:15

Ërei yandeYa iEspíritu outa yanderé ɨvate güi, jayave ɨvɨ ipombae, ikavi yeta oñemaetɨ pɨpe vaerä, jare ɨvɨ kavi jeiete yaeta ikavi.

San Juan 14:26

Ërei jókuae Oporombopɨakatuta vae Espíritu Santo CheRu ombouta peve cheree re vae, pemboeta opaete mbaembae re, jae pemomaenduata opaete che jae peve vae re.

San Juan 15:26

Ërei ambou ma peve cheRu güi Oporombopɨakatuta vae jae ko Espíritu añete pegua, cheRu güi ou vae yave, jae imiarita peve cheregua.

Hechos 1:4

Jare jae oï vɨteri jae reta ndive yave, oyókuai agüɨye vaerä yogüɨraja tëta guasu Jerusalén güi. Oyókuai oäro vaerä yandeRu omeeta chupe reta vae. Echa jei chupe reta: —Jókuae re chemiari ma peve.

Hechos 1:8

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

Hechos 16:7

Jare ɨvɨ Misia pe yogüɨraja oväe yave, oipota tëi yogüɨraja ɨvɨ Bitinia pe. Ërei Espíritu Santo omaeñoä yogüɨraja vaerä.