San Lucas 24:46 - Biblia Guarani Tumpa Iñee

⁴⁶ Jare jei chupe reta: —Körai oyekuatía oï, kërai Cristo oiporara ñotai ko jare oikove yeta ko omanogüe reta ipɨte güi mboapɨ araa pe,

Nuevo Testamento Guaraní Pe

⁴⁶ Jayave jei chupe reta: —Corai oyecuatía oi quirai Cristo oiporarañotai co jare oicove yeta co ou omanogüe vae reta ipɨte güi mboapɨ ara rupi,

San Lucas 24:46 Iomraidhean Croise

ISAÍAS 50:6

Amee chekupe, chenupa reta vaerä vae reta pe, jare amaeño cherendɨvaa mondoro reta. Cherova mbaetɨ arova iñeenguru jare ondɨvɨ cheré vae reta güi.

San Lucas 24:44

Jayave jei chupe reta: —¿Mbaetɨ pa pemaendúa pe reta ndive aiko ramboeve che jae peve vae re? Kërai oyembopo tai ko cheré Moisés iporookuai, ñeemombeúa reta oikuatiagüe jare Salmo reta pe jei vae.

San Lucas 24:7

echa jei: “Che kuimbaerä oyapo vae chemeeta iyoa vae reta ipo pe vae jare chekutu retata kurusu re. Ërei aikove yeta mboapɨ ara rupi.”

Hechos 17:3

oechauka jare oikuaauka kavi reve Tumpa Iñee rupi, kërai Cristo oiporara ñotai ko jare oikove ye ñotai ko omanogüe reta ipɨte güi vae. Jei: —Kuae Jesús, che amoërakua peve vae ko jae Cristo.

1 Pedro 1:3

Toyemboete Tumpa yandeYa Jesucristo Tu. Jae yandeparareko yae ramo yandeapo taɨ retarä, ñaäro vaerä yayerovia reve, Jesucristo oikove ye omanogüe reta ipɨte güi vae rupi.

Hechos 4:12

Mbaetɨ yé kia re yandepuere yayemboasauka. Echa mbaetɨ oñemee ɨvɨ pegua reta pe ïru kia, jese yayemboasauka vaerä.

San Mateo 26:24

Che Kuimbaerä ayeapo vae pe oyeapo ñotai ko oyekuatía oï cheré vae rami. Ërei, ¡paravete jókuae kuimbae chemboeterengata vae! Ikavi yae viña jókuae kuimbae mbaetɨ oa yave.

San Juan 20:9

Echa ndei vɨteri oikuaa kavi reta Tumpa Iñee jei vae, kërai Jesús oikove ye tai ko omanogüe reta ipɨte güi vae.