San Lucas 24:19 - Biblia Guarani Tumpa Iñee

¹⁹ Jayave jae jei chupe reta: —¿Mbae pa? Jare jae reta jei chupe: —Jesús Nazaret-ɨgua pe oyeapo vae. Jae ko metei ñeemombeúa, imbaepuere yae mbae oyapo vaerä jare ñee pe Tumpa jóvai jare opaete vae reta jóvai.

Nuevo Testamento Guaraní Pe

¹⁹ —¿Mbae pa? —jei chupe reta. —Jesús Nazaret pegua pe oyeapo vae —jei reta chupe—. Jae co metei Tumpa iñee omombeu vae. Oyapo jeta mbae icavi vae mbaepuere reve, jare icavi yae oporomboe. Oyeócuai cavi Tumpa pe jare opaete tenta pegua reta omboete —jei reta Jesús pe—.

San Lucas 24:19 Iomraidhean Croise

San Mateo 21:11

Jare jeta vae reta jei: —Kuae jae ko Jesús ñeemombeúa Nazaret pegua ɨvɨ Galilea pegua.

San Marcos 1:24

—¿Maera pa reyu oremoambeko Jesús Nazaret-ɨgua? ¿Reyu pa oremokañɨtei vaerä? Che rokuaa. Nde ko jae Iyoambae Tumpa güi ou vae.

San Lucas 24:18

Jare metei Cleofas jee vae jei chupe: —¿Nde ñoete pa jae oguatagüe mbaetɨ reikuaa mbae oasa Jerusalén pe kuae ara reta rupi vae?

San Lucas 7:16

Jayave opaete vae okɨɨye. Omboete reta Tumpa, jei reve: —Ñeemombeúa tuichagüe oyekuaa yandepɨte pe. Tumpa ou yandemborɨ, yande tëta imbae vae reta.

San Juan 3:2

Kuae kuimbae ou Jesús oïa pe pɨ̈tu yave jare jei chupe: —Oporomboe vae, roikuaa ko Tumpa ndembou reporomboe vaerä. Echa mbaetɨ kia ipuere oyapo kuae mɨakañɨ reta reyapo vae Tumpa mbaetɨ oï yave jae ndive.

San Juan 4:19

Jayave kuña jei: —CheYa, añave aikuaa nde ko jae ñeemombeúa.

San Juan 6:14

Jare joko pe ñogüɨnoi vae reta oecha ma yave kuae mɨakañɨ Jesús oyapo vae, jei reta: —Añetete, jae kuae jókuae ñeemombeúa outa kuae ɨvɨ pe vae.

San Juan 7:52

Ïru reta jei chupe: —¿Nde jae vi pa Galileaɨgua? Emongeta kavi Tembikuatía, jare eecha mbaetɨi ko metei ave ñeemombeúa oë Galilea güi vae.

Hechos 10:38

kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 2:22

Jei vi chupe reta: Kuimbae Israel iñemuña reta, peyeapɨsaka kuae re: Tumpa oyapo pepɨte pe mɨakañɨ reta Jesús Nazaret-ɨgua rupi. Jökorai Tumpa oechauka peve Jesús añete vae ko. Kuae peikuaa katu ko pe reta.

Hechos 7:22

Jare Moisés oyemboe opaete arakuaa Egipto pegua re, jare iyarakuaa katu yae jare jäta ngatu.

DEUTERONOMIO 18:15

YandeYa Tumpa omopüata pepɨte güi ñeemombeúa che rami vae, jese peyeapɨsaka jare peyapo jeigüe.