San Lucas 22:18 - Biblia Guarani Tumpa Iñee

¹⁸ Che jae peve, ngaraa ye ma jau uva tɨgüegüe, Tumpa iporookuaía ou ye regua.

Nuevo Testamento Guaraní Pe

¹⁸ Che jae peve, ngaraa ye jau vino, Tumpa iporoocuaia oyecuaa regua —jei.

San Lucas 22:18 Iomraidhean Croise

SALMOS 104:15

jókuae tembíu reta, omee vaerä mɨ̈rata chupe, vino, omboyerovia vaerä ipɨa, jare asaite pe jova jembipe kavi vaerä oyekuaa reta.

CANTARES 5:1

Che ayu cheko raɨ pe, chereindɨ, chemenda ïrurä vae. Aipɨɨ chembae mirra jare ikäti kavi vae, jau ei jenda güi, jau vino jare neche. Pe peyoaɨu vae, peu pepuere rupi.

ISAÍAS 25:6

Ɨvɨtɨ Sión re yandeYa Imbaepuere yae ete vae, oyapota arete opaete ɨvɨ pegua reta peguarä, tembíu kavi ndive jare vino ikavigüe ndive, tembíu jëe ngatugüe ndive jare vino oyeambae ndive.

ISAÍAS 55:1

Opaete iɨuve vae reta: Peyu peɨu; jare mbaetɨ ikorepoti vae reta, peyu jare pekaru. Peyu, peraja pekorepotimbae reve jare jepɨmbae reve, vino jare neche.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

ZACARÍAS 9:15

YandeYa Imbaepuere yae ete vae oyangarekota imbae vae re Jae reta opɨ̈rota ita tamamboka pegua re. Omboaita jovaicho jare oɨuta jugüɨ re vino re rami jare mbaerɨru tɨnɨe rami jɨ̈vɨatata, ani mɨmba oyeyuka oyeapɨ jese vae regua guakarätiecha vae rami.

ZACARÍAS 9:17

Echa ikavi jare ipöra yaeta iɨvɨ. Trigo jeta vae ombovɨakatuta taɨrusu vae reta, jare uva tɨɨgüe kuñatai reta.

San Mateo 16:18

Jare che vi jae ndeve, nde jae ko Pedro. Jare che etei amopüata cherembiparavo reta kuae ita guasu re, jare mano ngaraa mbaepuere güɨnoi jese reta.

San Mateo 26:29

Ërei che jae peve, añave güive ngaraa ye ma jau uva tɨgüegüe, cheRu iporookuaía pe uva tɨgüegüe ipɨau vae, pe reta ndive jau ye regua.

San Marcos 14:23

Jayave Jesús oipɨɨ vi metei kopa, jare yasoropai omee ye güire Tumpa pe, omee chupe reta. Jare opareve jou reta.

San Marcos 14:25

Añete che jae peve, ngaraa ma jau uva tɨɨgüe, Tumpa iporookuaía pe uva tɨɨgüe ipɨau vae jau regua.

San Marcos 15:23

Jayave omee reta Jesús pe vino oyea mirra ndive vae. Ërei Jesús mbaetɨ jou.

San Marcos 9:1

Jesús jei vi chupe reta: —Añete che jae peve, ndei amogüe kuae pe ñogüɨnoi vae omano mbove, oecha retata ou Tumpa iporookuaía mbaepuere ndive vae.

San Lucas 21:31

Jaeramiño vi pe reta peecha yave kuae mbaembae oasa yave, peikuaata köiño ma ko ou Tumpa iporookuaía.

San Lucas 22:16

Che jae peve, ngaraa ye jau, oyembopo regua Tumpa iporookuaía pe.

San Lucas 9:27

Ërei añete che jae peve, ndei amogüe kuae pe ñogüɨnoi vae omano mbove, oecha retata ou Tumpa iporookuaía.

Colosenses 1:13

YandeRu yandereepɨ ma mbaepuere pɨtumimbi pegua güi, jare yandereroyakavo ma Taɨ oaɨu vae iporookuaía pe;

JUECES 9:13

Ërei uva jei chupe reta: —¿Aeyata ra vino omboyerovia Tumpa jare kuimbae reta vae, aja vaerä aiko ɨvɨra reta juvicha guasurä?