San Lucas 21:34 - Biblia Guarani Tumpa Iñee

³⁴ Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

Nuevo Testamento Guaraní Pe

³⁴ Peñeandu, agüɨye vaera pecau jare pesavaɨpo, jare agüɨye vaera peñemambeco mbaembae ɨvɨ pegua re. Echa jocorai peyapo yave, outa ovae jocuae ara mbaeti peñemocatɨro reve —jei chupe reta—.

San Lucas 21:34 Iomraidhean Croise

GÉNESIS 19:32

Eyu yamongau yanderu osavaɨpo regua, jare yake jae ndive jökorai oime vaerä yanderu iñemuña.

GÉNESIS 19:35

Jókuae pɨ̈tu omee reta tu jou vino, jare tayɨ taɨkuegua oke jae ndive; ërei Lot mbaetɨ yeño oyandu kërai yave oyapakua jare opüa ye vae.

GÉNESIS 27:14

Jayave jae ojo kavara raɨ oipɨɨ jare güeru ichɨ pe; jare ichɨ oyapo tembíu tu jembiyúe rami,

SALMOS 35:8

¡Iparanoe tosusere reta! ¡Toa reta jókuae ñuai oñono vae pe yeño! ¡Tosusere reta!

PROVERBIOS 21:4

Yembotuicha jare pɨayemboete, jare iyoa vae reta iyemongeta, mbaeyoa ko kuae reta.

PROVERBIOS 23:20

Agüɨye neïru pota okau vae reta ndive, ani okaru kavi vae reta ndive ave,

ECLESIASTÉS 9:12

Ïru yé jae ko, mbaetɨi kia oikuaa kërai yave ko maratuta oiko vae: Jevae reta oa pɨsa pe rami, güɨra reta oa ñuai pe rami, jökorai kuimbae ámope iparanoe oa ikavimbae pe.

ISAÍAS 28:7

Ërei kuae reta oyavɨ vi vino jeko pegua, mbae oporombosavaɨpo vae omombia iyemongeta kavi güi: Sacerdote jare ñeemombeúa reta oyembosavaɨpo, vino omombia reta iyemongeta kavi güi, oyemboesagüɨrɨuka reta mbae oporombosavaɨpo vae pe, osavaɨpo reve imiari mbae oasata vae re, osavaɨpo reve oporojäa reta.

OSEAS 4:11

Aguasa pota, jare vino jasɨ vae jare vino ipɨau vae oporombopɨajopa.

LEVÍTICO 10:9

“Peike tupao guakapi pegua pe nde jare nderaɨ reta ndive yave, agüɨye peu vino ani mbae oporombosavaɨpo vae, agüɨye vaerä pemano; mborookuai jekuae avei pegua toiko peñemuña reta pe,

San Mateo 13:22

Jökorai vi jókuae temitɨ oa yuu pɨte rupi vae oyembojaanga Tumpa iñee oendu vae re. Ërei omboɨpɨ oyemoambeko ɨvɨ pegua mbaembae re, jare oyembotavɨ, oipota oikokatu jeko pegua, jare omoakañɨ ye Tumpa iñee güi. Jáeramo jae reta jókuae temitɨ iambae vae rami ko.

San Marcos 13:9

Peyeandu. Echa ïru vae reta pererajata mburuvicha reta oporojäa pe, oñeapo vaerä peré. Jare penupata judío reta itupao reta rupi. Jare pererajata mburuvicha ani mburuvicha guasu reta jóvai chereko pegua, chemombeu vaerä chupe reta.

San Marcos 4:19

Ërei jae reta omboɨpɨ oyemoambeko ɨvɨ pegua mbaembae re, jare oyembotavɨ oipota oikokatu ramo, oipota rai vi güɨnoi vaerä jeta mbaembae. Jökorai opaete jókuae reta oyuka ñee ikavi vae, jare opɨta temitɨ iambae rami.

San Lucas 10:41

Jayave yandeYa jei chupe: —Marta, Marta, reyemoambeko yae opaño mbaembae re.

San Lucas 12:40

Pe reta peñemokätɨro, agüɨye vaerä che Kuimbaerä ayeapo vae ayu ye peparanoe.”

San Lucas 17:3

Peyeandu. Nerëtara iyoa yave ndekotɨ, emboeta chupe. Jare jae oyembopɨambuae yave jeko re, neɨ̈ro chupe.

San Lucas 21:35

Echa jókuae ara oipokouta opaete ɨvɨ pegua reta, ñuai oporomboa rami.

San Lucas 21:8

Jayave Jesús jei chupe reta: “Peyeandu, agüɨye vaerä petavɨ. Echa yogüeruta jeta cheree re jei reve: ‘Che ko jae Cristo.’ ‘Ou ma ara oväe.’ Ërei agüɨye pekua jupíe.

San Lucas 8:14

Jaeramiño vi jókuae temitɨ oñeotɨ yuu pɨte pe vae oyembojaanga Tumpa iñee oendu vae reta re. Ërei omboɨpɨ oyemoambeko ɨvɨ pegua mbaembae re jare oipota oikokatu vae re jare yerovia ɨvɨ pegua re. Jare opɨta reta temitɨ iambae rami.

1 Corintios 5:11

Ërei aikuatía ko peve agüɨye vaerä peñemoïru jókuae che aporogüɨrovia ko jei vae iyaguasa pota vae ndive, ani imbaepotarai vae, ani itumpa-raanga pota vae, ani iyuru pochɨ vae, ikause ani imonda vae, jókuae nunga ndive agüɨye etei ekaru yepe.

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

Gálatas 5:20

tumpa-raanga pota, mbaekuaa reta, ñemotareɨ reta, ñeapo reta, ñemoägüɨro reta, ñoraro reta, yoambotaä reta, mboromboe añetembae reta,

DEUTERONOMIO 29:19

Ërei kia nunga vae oendu kuae mborookuai jei vae reve jei yave iyeupe: ‘Che anoita mbɨakatu, yepe tëi ayapo che jaegüe; asavaɨpo rupi amboasata ɨuve.’

Filipenses 4:6

Agüɨye etei peyemoambaeko mbae re, jaeño peyerure Tumpa pe opaete mbaembae re, pemee reve yasoropai chupe.

Hebreos 12:15

Jare pemae kavi agüɨye vaerä kia pe ave oata Tumpa ipɨakavi; agüɨye pemboɨpɨ peñomotareɨ peyomboavai vaerä, jare jeta vae re ova jókuae;

2 Pedro 3:10

Ërei yandeYa ou ye yave, outa ko imonda vae pɨ̈tu yave ou rami; jayave ara reta täta jɨaputa jare opaete mbaembae reta jendɨta opa oyemboai, ɨvɨ jare opaete mbaembae pɨpegua okaita.

2 Pedro 3:14

Jáeramo, cherɨvɨ aaɨu vae reta, peäro ramboeve peï kuae mbaembae reta, peyeandu agüɨye vaerä peñeväeuka pekɨa reve ani teko pe, jaeño mbɨakatu pe.

Apocalipsis 3:3

Jáeramo, nemaendúa Tumpa güi remboresive jare reendu vae re. Eñemomɨ̈rata jókuae re, jare eeya ndeyemongeta ikavimbae vae ndepɨa pe oï vae. Echa mbaetɨ resareko reï yave, ayuta ndeve imonda vae rami, jare ngaraa reikuaa kërai yave ra ayuta ndeve.

1 SAMUEL 25:36

Jare Abigail ou ime Nabal pɨri. Oecha jae oyapo arete mburuvicha guasu arete oyapo rami. Oyerovia katu oï jare osavaɨpo yae vi, jáeramo imiari chupe pɨareve pe ramo.