San Lucas 21:25 - Biblia Guarani Tumpa Iñee

²⁵ “Jayave oimeta oyekuaa mbae kuaraɨ re, yasɨ re jare yasɨtata reta re. Jare tëtaguasu reta oiporarata, ɨguasu reta jɨapu jare ɨaparúa reta jeko pegua.

Nuevo Testamento Guaraní Pe

²⁵ Jayave ɨvɨ pegua reta oechata mbae oyecuaa oi cuaraɨ jare yasɨ jare yasɨtata reta re. Jare opaete ɨvɨ pegua reta oiporarata jare ngaraa oicuaa mbae oyapo vaera. Jare ɨ guasu reta jɨapu yaeta —jei—.

San Lucas 21:25 Iomraidhean Croise

SALMOS 46:3

yepe tëi ɨguasu jɨapu jare opüa ɨaparúa, yepe tëi ɨvɨtɨ guasu reta okana ɨguasu iyarasɨ yae jeko pegua.

ISAÍAS 13:10

Yasɨtata reta jare ïru yasɨtata reta yatɨ yatɨ ara re ñogüɨnoi vae, mbaetɨta ma omoembipe; kuaraɨ oë tëi rupive opata ogüe, jare yasɨ mbaetɨta ma omoembipe.

ISAÍAS 17:12

¡Peendu jeta vae reta kërai oyeendu, ɨguasu jɨapu oyeendu rami! Tëta guasu reta jɨapu oyeendu, ɨguasu jɨapu oyeendu rami.

ISAÍAS 24:23

Jare yandeYa Imbaepuere yae ete vae oguapɨ mburuvicha guasurä ɨvɨtɨ Sión re, Jerusalén pe yave, yasɨ jare kuaraɨ ngaraa ma oesape, jare tëta imbae pegua tenondegua reta oecha iyemboetea.

ISAÍAS 5:30

Jare ou oväe jókuae ara yave, jókuae tëtaguasu jɨaputa ɨguasu rami oporepeña Israel kotɨ; jare kia omae yave Israel re oechata pɨtumimbi oñova amapɨtu pɨtumimbi vae.

ISAÍAS 51:15

Echa che ko ndeYa, amomembe ɨguasu vae, jare ambojɨapu ɨaparúa. Che ko neTumpa, ndeYa Imbaepuere yae ete vae, jae ko cheree.

JEREMÍAS 4:23

Amae ɨvɨ re, jare aecha ipombae oï; amae ara re, jare mbaetɨ aecha tembipe.

DANIEL 12:1

Jókuae ara opüata araɨgua Miguel mburuvicha tenondegua ete, nerëtara Israel iñemuña reta iyangarekoa. Outa mbɨatɨtɨ iara, mbaetɨi jókuae nunga, arakae kuimbae oyeapo ramo güive vae. Ërei jókuae ara oasayepeta nerëtaɨgua reta, opaete jee oyekuatía oï tupapire pe vae.

MIQUEAS 7:4

Ipɨte reta güi jeko kavi vae ñurati rami ko; jeko sɨmbi vae, temitɨ jäti vae rami ko. Ërei oväeta ara reiporara vaerä, sundaro reta ɨvate güi omae vae omoërakua reta vae; jayave ramo reyembokepeguata.

San Mateo 24:29

“Opa tembiporara guasu oasa güire, kuaraɨ oyembopɨtumimbita, jare yasɨ ngaraa ma jembipe, jare yasɨtata reta oata ara güi, jare opaete ara rupi ñogüɨnoi vae reta okanata.

San Mateo 27:45

Jare kuaraɨ ara mbɨte güive mboapɨ ora rupi oyembopɨtumimbi opaete ɨvɨ rupi.

San Marcos 13:24

Ërei opa tembiporara guasu oasa güire, kuaraɨ oyembopɨtumimbita, jare yasɨ ngaraa ma jembipe.

San Marcos 13:26

Jayave ɨvɨ pegua reta chereechata ayu amapɨtu re. Che Kuimbaerä ayeapo vae chembaepuere yae reve jare cheyemboetea reve.

San Marcos 15:33

Jare kuaraɨ ara mbɨte güive mboapɨ ora rupi oyembopɨtumimbi opaete ɨvɨ pe.

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

San Lucas 21:26

Jare ɨvɨ pegua reta ipɨa jëogüeta okɨɨye güi, ɨvɨ pe mbae oasa vae güi. Jare opaete ara rupi ñogüɨnoi vae reta okanata.

Hechos 2:19

Jare ayapota mɨakañɨ reta tuichagüe ara re, jare ɨvɨ re mɨakañɨ reta: Oimeta tugüɨ, tata jare tätatina.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.