San Lucas 20:10 - Biblia Guarani Tumpa Iñee

¹⁰ Jare uva yagüɨye ma yave, uvarupa iya ombou metei jembiokuai kó iporúa reta pe, jae reta omee vaerä tëi uva chupe. Ërei kó iporúa reta oinupa kó iya jembiokuai, jare omondo ye ipogüɨraiño.

Nuevo Testamento Guaraní Pe

¹⁰ Jare uva yagüɨye ma yave, co iya ombou metei jembiócuai co iporúa reta pe, jae reta omboyao vaera tei uva reta, iya güɨnoi vaera imbaera. Erei co iporúa reta oinupa co iya jembiócuai jare omondo ye. Mbaeti mbae omee chupe güɨraja vaera —jei—.

San Lucas 20:10 Iomraidhean Croise

1 REYES 22:24

Jayave Sedequías, Quenaana taɨ, oya katu Micaías re oovapete, jare jei: —¿Kerupi pa oasa chegüi yandeYa iespíritu nemomiari vaerä?

2 REYES 17:13

Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

1 CRÓNICAS 19:4

Jayave Hanún oipɨɨuka jókuae mburuvicha reta David ombou vae, jare opa oñapiasɨ jare oyasɨa jemimonde chugüi reta jevi rupi, jare opa ye omondo reta.

2 CRÓNICAS 16:10

Jayave Asa täta iyarasɨ mbae re oecha voi vae kotɨ jare oñonouka tembipɨɨrɨru pe. Oiporarauka vi amogüe tëta pegua reta pe.

NEHEMÍAS 9:26

Ërei oyemboapɨsaä reta ndeve, oñemopüa reta ndekotɨ, güɨröɨro reta ndeporookuai. Neñeemombeúa reta omboeta jeko re chupe reta, oipota ramo omboyerova reta ye tëi ndekotɨ, ërei jae reta oyuka, jare oyapo reta mbae pɨ̈chɨi yae vae.

NEHEMÍAS 9:30

Reropɨa reta ɨma año rupi, jare remboyeandu reta tëi ndeEspíritu rupi, neñeemombeúa reta rupi, ërei mbaetɨ oyeapɨsaka reta; jáeramo, remee tëta ambuae vae reta ipo pe.

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

JEREMÍAS 2:30

Ainupaiño ma peraɨ reta, mbaetɨ etei oipota reta oikuaa maera ko oñenupa vae. Yaguapope pochɨ yae vae rami, peyuka ñeemombeúa reta kɨsepuku pe.

JEREMÍAS 20:2

omondo oinupauka jare oñonouka ɨvɨrakua oï öke ɨvatea Benjamín jee vae kotɨgua pe, tupao iyɨpɨ pe.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 5:24

Mbaetɨ pere pepɨa pe: ‘Yamboete mo yandeYa Tumpa, ama ombou iara pe kavi yandeve vae, ama tenondegua ete jare taɨkuegua ete, jare omee yandeve ara kavi yambaarɨvo vaerä.’

San Lucas 13:34

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Lucas 20:11

Jayave uvarupa iya ombou ye ïru jembiokuai. Ërei kó iporúa reta oinupa jare oyapo ikavimbae vae chupe, jare omondo ye ipogüɨraiño.

San Lucas 20:9

Jayave Jesús omboɨpɨ imiari opaete vae reta pe ombojaanga reve: “Metei kuimbae oñotɨ jeta uva. Javoi oiporuka iko ïru vae reta pe, jare ojo mombɨrɨ ɨma pegua.

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

Romanos 7:4

Jaeramiño vi, pe cherɨvɨ reta, pemano ko mborookuai güi Cristo imano rupi, peiko vaerä Cristo oikove ye omanogüe reta ipɨte güi vae re, peyapo vaerä ikavi vae Tumpa peguarä.